1 KORINTUS 1:20 - WUKE SUSI WATTI'U AL᷊AL᷊USASSA

²⁰ Ne, apa hunane manga taumata pia asingkane udde? Apa hunane i mangitou pia si'ol᷊ane udde? Apa hunane maṛṛaṛṛingiddu runia indi? Ruata buatte napaal᷊iatta'a manungku apapanden runia indi mangke wahia wuṛṛu awusu atonna!

1 KORINTUS 1:20 Referans Kwoze

ROMA 1:22

I mangitou mammendamma manungku i mangitou pandete, wutte'e i mangitou woddo.

AYUB 12:17

I Tou nangul᷊e asingkatta su manga tembonannu runia, wuṛṛu manga piaṛṛa'a niolang-Nge ipappapal᷊age.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

1 KORINTUS 1:19

Ana waugu sulal᷊ummu Wuke Susi, Ruata nabbisara, “Apapanden taumata pia asingkanne sarun Ta'u isongkakka, wuṛṛu pasasunna manga taumata pia si'ol᷊ane Ta'u iapaawul᷊i.”

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

AYUB 12:24

Niolang-Nge manga piaṛṛa'a nial᷊iwune, na'oman sara i mangitou lullallele tawe tuddane.

1 KORINTUS 2:6

Salaiwe aroddi, su wallattu manga taumata apan wiakku pangangimanne nal᷊inte, atonna, i ya'u nabbisara su ola'u apapande. Arawe apapande indi wal᷊inewe apapanden runia, ara'e apapande manga tembonanne tempo indi, apan taṛṛinone sarun mawul᷊i.

YESAYA 53:1

Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

YESAYA 33:18

Atata'unnu apan nal᷊iu su mallal᷊uṛṛu wose, tembonanne wuṛṛu mandariaga lo'a ete tumba'u nannaunganna.

AYUB 12:20

Niapamou-Ne taumata apan tal᷊imoṛṛonganna, niul᷊ean-Ne asingkattu manga matatimadde.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

2 SAMUEL 16:23

Sutempo udde suapan tatantiron Ahitofel daringiṛṛanna ereola'u wisara udde wisaran Duata sassane, mawae i Daud aroddi lai i Absalom tuttuṛṛutta manga tatantirone.

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

YOHANES 12:31

Tempone nia'omante runia parikisanna; orassa indi tembonannu runia tate ipaatta.

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

1 KORINTUS 1:26

Manga tuṛṛangnga! Naunge'o ereapa ola'i yamiu su tempo Ruata namaggo si yamiu. Tumba'u adio'a wuassu wallatti yamiu apan pande, ara'e pia taṛṛinone, ara'e pia manarane matanggakka tumuṛṛuttu aellegu taumata.

1 KORINTUS 1:27

Ana waugu atonna Ruata namile taumata apan sassunnannu runia indi woddo, tadea'u manga taumata pande masili. Wuṛṛu Ruata lai namile taumata apan sassunannu runia indi lome, tadea'u manga taumata apan matohassa wuṛṛu waṛṛani, masili.

1 KORINTUS 1:28

Ruata namile apa apan aellehanna mawawo, asiangnga, wuṛṛu lai sassunannu runia indi tawe gunane, tadea'u Ruata maṛṛimunsa'a apa apan aellehannu runia indi apianne.

1 KORINTUS 2:8

Tawe saran sangkatou wuassu manga tembonannu tempo indi apan masingkatu apapande udde. Ana waugu amungkangngu i mangitou masingkate, i mangitou tawe nangarussa Mawu apan mawantuga udde.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 KORINTUS 6:2

Apa i yamiu wagga manungku al᷊aṛṛana'u Ruata sarun mamarikissa runia indi? Nariaddi, amungkangngu atonna i yamiu mamarikissa runia indi, apa i yamiu tawe maapanginsue manga hatton mallaṛṛuungnga apan tawe gunane?

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.