1 KORINTUS 1:13 - WUKE SUSI WATTI'U AL᷊AL᷊USASSA

¹³ Mangal᷊ene Kristus natahia! Paulus tawe nate niarussa ana waugu i yamiu! I yamiu lai tawe nissaṛṛani tadea'u maola'a mallal᷊aṛṛenggenni Paulus. Wal᷊inewe aroddi?

1 KORINTUS 1:13 Referans Kwoze

EFESUS 4:5

Mawu tumba'u sambau, sambau pangangimanna, wuṛṛu sambau pananaṛṛani,

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

1 KORINTUS 10:2

Tadea'u maola'a mallal᷊aṛṛenggenni Musa, i mangitou sarangkanambone nissaṛṛani sulal᷊ummu winabbawa wuṛṛu sulal᷊ummu tahal᷊oangnga udde.

WATTI'U MANGA RASUL 19:5

Napawe i mangitou naaringikka udde, i mangitou nissaṛṛanite ringannu arannu Mawu Yesus.

WATTI'U MANGA RASUL 10:48

Ne i Petrus nandolokki mangitou saṛṛanianna su arannu Mawu Yesus Kristus. Wua'udde i mangitou nadorongnga tadea'u Petrus matana'a ringanni mangitou manga pira allo al᷊annune.

GALATIA 1:7

Tumuṛṛuttu atonna tate lai “watti'u al᷊al᷊uassa apan waine”. Tumba'u pia manga taumata apan mammasingkata si yamiu “watti'u al᷊al᷊uassa”, su ola'i Kristus apan niwal᷊elongngi mangitou na'oman sara i yamiu nial᷊iwune.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 KORINTUS 1:15

Arie pia sangkatou mabbisara manungku i ya'u buatte nanaṛṛani si tou see maola'a mallal᷊aṛṛenggengku. (

ROMA 14:9

Kristus natete wuṛṛu nabbiakke apia. Ana waugu udde i Tou naola'a Mawu manga taumata wiakka wuṛṛu lai manga taumata apan natete.

WATTI'U MANGA RASUL 8:16

ana waugu Ghaṛṛaho Ruata taambe nirumanta nangintaṛṛo su saran sangkatou su wallatti mangitou; i mangitou wakkute nissaṛṛani tumba'u ringannu arannu Mawu Yesus.

MATIUS 3:6

I mangitou nanga'u manga rosa mangitou, see i Yohanes nanaṛṛanite si mangitou su Sal᷊ukku Yordan.