1 KORINTUS 1:12 - WUKE SUSI WATTI'U AL᷊AL᷊USASSA

¹² Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

1 KORINTUS 1:12 Referans Kwoze

YOHANES 1:42

I Andreas nanguntudi Simon ringannu Mawu Yesus. Mawu Yesus nanutuda si Simon, see nabbisara, “I'o Simon, ana'i Yona. I'o sarun isago i Kefas.” (Kefas uasul᷊ungngi Petrus, atappasanne: wowom batu.)

GALATIA 3:17

Apan ta'u iwal᷊o isindi eteudde indi: paairen Duata buatte niola'a wuṛṛu niwaidda paarorone. Titan agama apan nionggolla 430 su tonnane wua isudde tawe maawal᷊u paairene wuṛṛu maapappassa paaire Ruata udde.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

1 KORINTUS 16:12

Su ola'u tuṛṛangngi ite Apolos, paapirate i ya'u mabal᷊o si tou tadea'u i tou su sambau ringannu tuṛṛangnga apan waine inai mattembo si yamiu. Arawe i tou taambe mangngimanna atonna manungku i tou sarun inai orassa indi. Arawe amungkangngu pia tempone, i tou sarun rumanta.

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

1 KORINTUS 15:5

I ya'u namasingkata lai si yamiu manungku Kristus apan buatte niapaawiakka apia udde nattingka pasilon batangan-Ne lai si Petrus, wua'udde su mapul᷊o dua rasul.

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

1 KORINTUS 7:29

Pandumangku arendi, manga tuṛṛangnga: I ite tate tempone lai manambo. Manattaka orassa indi, suapan taumata apan piate awingnge, ṛinone i tou mabbiakka naal᷊ihida ere tawe awingnga;

1 KORINTUS 4:6

Manga tuṛṛangnga! Tadea'u mahuna manaranu, i ya'u buatte nappaattu sarangkanambone udde si Apolos wuṛṛu su riri'u sassane. Pandumanne tadea'u wuassu tatul᷊adan kami udde i yamiu wotongnge mangurumma apa atappasannu sasanato'a, “Pangagase su atoranna apan piate.” Ringannu aroddi tawe saran sangkatou wuassi yamiu wotongnge mapaatelengngu sangkatou taumata, see mangngadio'a taumata waine.

WATTI'U MANGA RASUL 18:24

Tantal᷊anna udde, nirumantate su Efesus sangkatou Yahudi wuassu Aleksandria, aranne i Apolos. I tou pande massinaukka wuṛṛu masingkattu lal᷊oṛṛon Wuke Susi,

MATIUS 23:8

Arawe i yamiu, ariewe maapulu wagoanna ‘Iamangnga Huru’, ana waugu Hurunu tumba'u sambau wuṛṛu i yamiu sarangkanambone sangkatuṛṛangnganna.

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

1 KORINTUS 1:11

Ana waugu, manga taumata wuassu amonanni Kloë nangalae si ya'u manungku pia pattatiakka su wallatti yamiu.

2 KORINTUS 10:7

Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

1 MARARATU 16:21

Nariaddite pattatiakka sulal᷊ummu walahannu Israel ana waugu piaddu mappulu tadea'u i Tibni ana'i Ginat maola'a ratu, arawe piaddu lai mappandumma si Omri maola'a ratu.