1 KORINTUS 1:10 - WUKE SUSI WATTI'U AL᷊AL᷊USASSA

¹⁰ Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

1 KORINTUS 1:10 Referans Kwoze

1 KORINTUS 12:25

Ringannu aroddi wadangnga udde tawe natahia; sambau sambau wageangnga, mangngarega wageangnge waine.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

DARALO 133:1

Aantarin patatembon Daud. Apiawe eteapa wuṛṛu al᷊uassawe eteapa, amungkangu al᷊aṛṛana'u Ruata mabbiakka su paddarame!

1 KORINTUS 11:18

Paarorone i ya'u naaringikka, manungku sulal᷊ummu ammul᷊anni yamiu pia manga ammul᷊anna apan uatatiakka. Wuṛṛu i ya'u maṛṛangngo manungku mannamboanna watti'a udde atonna.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

1 KORINTUS 4:16

Ana waugu udde i ya'u sumal᷊ande si yamiu tadea'u i yamiu mattanno tulada'u.

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

1 TESALONIKA 5:13

Pangaddatta si mangitou ringannu mapia-pia wuṛṛu ringannu paddararangngu ana waugu ipannaungnga apa apan suete niola'i mangitou. Pabbiakke sidutu ringannu paddarame.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

YOHANES 10:19

Ana waugu Mawu Yesus nabbisara aroddi, manga taumatan Yahudi mannattakke uatataiakka.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

FILIPI 3:16

Arawe olangnge udde ṛinone inunuannu: I ite ṛinone uatana'a mabbiakka tumuṛṛutta atoranna apan suete niola'i ite na'oman sara orassa indi.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

YOHANES 7:43

Panginsueanne manga taumata mannatakke uatatiakka su ola'u Mawu Yesus.

MARKUS 2:21

Tawe taumata mandappela laubba tabbe ringannu piṛṛissa wakku. Ana waugu piṛṛissa rarapella udde maarinsutta wuṛṛu manggesa'a laubba udde, na'oman sara hesangnge maola'a nangillembong kahewalle.

MATIUS 9:16

Tawe taumata mandappela laubba tabbe ringannu piṛṛissu mal᷊aṛṛenessa wakku. Ana waugu mal᷊aṛṛenessa ipandappela udde sarun ma'uṛṛutta see manggesa'a laubba udde, see hesangnge maola'a lembon bahewalla.

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

2 TESALONIKA 2:1

Su ola'u daranta Mawun kite Yesus Kristus, wuṛṛu su ola'u i ite iammulle iapaatana'a suaddio'a ringanni Tou, ete indi ta'u doronganna si yamiu:

GALATIA 4:12

Manga tuṛṛangnga! I ya'u sumal᷊ande si yamiu tadea'u i yamiu maola'a ere i ya'u. Ana waugu i ya'u lai suete naola'a ere i yamiu. I yamiu tawe na'ola'a pasasal᷊a su saruangku.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

1 KORINTUS 1:11

Ana waugu, manga taumata wuassu amonanni Kloë nangalae si ya'u manungku pia pattatiakka su wallatti yamiu.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

YOSUA 22:15

Ne i mangitou na'omate su tampan ṛuanganni Ruben, i Gad wuṛṛu ṛuanganni Manasye su wageangngu Gilead.

MARKUS 3:24

“Amungkangngu sambau araratuanna mapesangnga sulal᷊ummu pirang kawageanganna apan uasaseetta, araratuanna udde tawe maataṛṛangnga mal᷊annu.