TOPOTUNTU 9:1 - Sura Magali Nuntu Ngkatuwu

¹ Pura-pura setu kunawa-nawa ri katimamanya. I Pue Ala mamponinika katuwu ntau anu madago pai loʼe, mau rapanya tau setu mepobanciika bara mepomawo. Bereʼe tau anu mangaincani nunjaa anu da mewali ripurinya.

TOPOTUNTU 9:1 Referans Kwoze

Ulang 33:3

Manoto kojo, i Pue mampokapuru banca-A Sira mangkariani pua-pura tau anu ndapotumpu. Maʼimo kita manyomba, mombukotu ri ara mpayaʼaa pai mepoʼinaya ri waʼa ncongkaa.

1 Petrus 1:5

Pura-puranya setu da tilami ua peayami ri kuasa i mPue Ala anu majagai komi da naka ndirata katesorepaka anu tokamo da ndapatongawa ri eo ngkapusa lino.

TOPOTUNTU 8:14

Paikanya pura-pura setu podo pau soa ngkabongo. Peolemo, nunjaa anu mewali ri lino: Reʼe tau anu meaya ri Pue ndahuku ewa tau baleparu, reʼe tau majaʼa anu ndawaika saronya ewa tau meaya ri Pue. Mewali, incetu seʼe podo ngkabongo.

AYUBI 12:10

Pura-pura anu moʼinosa Sira anu mampatuwu; Sira anu makuasa ri inosa ntolino pura-pura.

2 Timotius 1:12

Inceʼemo puʼunya painaka kupomberataka pura-pura kapari seʼi, paikanya bareʼe kupomaea mata maka manoto kojo kupaincani ri sema pepoʼinayaku. Manoto ri rayaku nunjaa anu roo ndapesarumakaka ri yaku, Sira woʼu makuasa da majaga rantani rata ri Eo Kiama.

Yesaya 26:12

Pue, Komi da mampakalindo raya mami; mpengaya-ngaya anu kapotetalaka Komimo anu mampapewalika kami.

PATADA 16:3

Tambusaka ri Pue pura-pura tangara ndayamu, da naka nukoto mawianaka.

Masmur 31:5

Ndilapasakamo yaku ungka ri tolia anu ndataʼaka yaku; maka Komi kareʼe mpetatondoku.

1 Samuel 2:9

Tau anu todo da njau ri kaʼuononya, ri raya pangkariani i mPue. Paikanya tau majaʼa da mate, pai magero ri kapari pai kawaninya. Roso ngkalio bareʼe maya ndapeonda, roso ntolino bareʼe nakoto mawai penangi.

TOPOTUNTU 10:14

Lawi tau tengo maria pau. Eo tetaliku tesambuni ri kita pura-pura. Bereʼe anu ndakoto mantonaa waʼa anu mewali ri tempo bemoreʼe kita.

TOPOTUNTU 8:16

Ri tempo pompari-mpariku da marata loʼe, pai kupatomata mpengaya-ngaya anu mewali ri lino seʼi, kurata ndayamo, mau ewambeʼi ntano pompari-mparita ri eo pai ri wengi, bereʼe peosa,

TOPOTUNTU 7:25

Paikanya kukotuʼusi meguru pai mampepali pangaincani da naka kurata loʼe pai sono mpengaya-ngaya pompeoasi. Kupebutuka da mangarata ndaya kasalaa setu inceʼe katengo, pai kajaʼa inceʼe ndaoamo.

TOPOTUNTU 7:15

Katuwuku bereʼe yowenya, paikanya sangkasae ngkatuwuku setu kukita anu ewaseʼi: Reʼe temponya tau anu madago magero, seʼi siʼa mayoa rayanya ri Pue. Reʼe temponya tau anu majaʼa marate tinuwunya, seʼi siʼa mowia salaa mpaliu.

TOPOTUNTU 1:17

Inceʼe painaka kupari-pari kojo da mangaincani posisalanya kaloʼe pai katengo, kaloʼe ndaya pai kaʼai ngkatengo. Pai tongawa yaku seʼi podo ewa maduduki ngoyu.

Masmur 73:3

Maka manyau rayaku ri waʼa ntau mobangke-bangke, ua kupangkita porasi ngkatuwu ntau majaʼa.

Masmur 10:14

Paikanya Komi mangangkita; ndipatomata kasusa pai kapari, pai toka mpaliu da mangantulungi. Tau anu bereʼe rosonya, mantambusaka koronya ri Komi, bareʼe bali-bali Ndipantulungi tau anu kaasi-asi.

AYUBI 5:8

Ane da yaku ewa katedikanakamu seʼi, da kumeboo ri Pue Ala, ri Sira pampetumbuku, pai pampesaraʼuka kara-karaku.

Masmur 119:109

Bareʼe bali-bali kupampepombaika inosaku, paikanya bareʼe da kukalingani padika-Mi.

TOPOTUNTU 9:6

Paepe matowe, mepobanciika sangkani pai sawoyo ndaya pura-pura nakeni mate. Siʼa bareʼemo da reʼe bara nunjaa-njaa tilanya ri mpengaya-ngaya anu tepewali ri lino.

Yeremia 43:6

Tuama, weʼa, ananggodi, waʼa ana mokole anu weʼa anu napepombaika i Nebusarada anu naporewu i Gedalia, tesuamo yaku pai Baruki, pura-pura ndakeni ri tana Masiri.

AYUBI 27:12

Paikanya, komi pura-pura mangkitamo ngkaliomi. Mewali, wenu painaka ndiwai patuju anu bereʼe olinya?”

TOPOTUNTU 8:7

Bereʼe mau sambaʼa tau anu maincani were ngkatuwu anu ewambeʼi da napomberataka, pai bereʼe anu mangkoto mantoʼo nunjaa anu da tepewali.