TOPOTUNTU 8:1 - Sura Magali Nuntu Ngkatuwu

¹ Ara lesesa naepe ntau anu loʼe. Naincani sononya pura-pura anu mewali. Kaloʼe mampakatekalumiri siʼa mawongko rayanya, painaka bebali katebulere lionya.

TOPOTUNTU 8:1 Referans Kwoze

Palaong mPomakau i mPue Yesu 6:15

Pura-pura tau anu njau ri pogombo Majalisi Agama setu meole ri Setepanu. Pai lio i Ncetepanu ri tempo setu ndakita ewa potaʼa lio malaʼeka.

Ulang 28:50

Tau seʼe masii pai bareʼe da reʼe puru ndayanya ri waʼa ntau tuʼa pai waʼa ananggodi.

2 Petrus 1:20

Paikanya neʼe kojo ndikalingani inceʼemo ewaseʼi: Nuntu mPue Ala anu napetumbu waʼa nabi bareʼe maya da ndinawa-nawa malulu parata ndayami.

2 Timotius 4:17

Paikanya i Pue anu maaweri yaku. Sira mawaika yaku roso pai kupangkoto mampobambarika pura-pura Nuntu ngKatuwu setu, da napadonge waʼa ntau anu banya to Yahudi. Pai yaku lapa ungka ri karugi anu mangkeni kapate.

Palaong mPomakau i mPue Yesu 4:29

Seʼi-seʼi Pue, yosa ndipangkita ewambeʼi napaekasi kami. Ndipasoaka tempo ri kami waʼa mbatua-Mi seʼi da mampobambarika Nuntu-Mi ri kabareʼenya maeka.

Palaong mPomakau i mPue Yesu 4:13

Jingki raya waʼa anggota Majalisi Agama mangkita kaloʼe pai kakoje i mPeturu pai i Yohane. Lawi naincani ntau, tau radua setu podo waʼa ntau biasamo seʼe pai bereʼe sikolanya. Paikanya naendo ndayamo ntau seʼe tau radua setu anaguru i Yesu.

PATADA 17:24

Tangara ndaya ntau anu lau parata ndaya inceʼemo da mangarata loʼe, paikanya tangara ndaya ntau tengo bareʼe tumotoa.

AYUBI 33:23

Bara reʼe sambaʼa ungka ri oyo sancowu malaʼeka i mPue Ala, anu mampatikaendo tolino tetalanya, da maʼi mampelae siʼa.

Epesus 6:19

Ndipekakaika woʼu yaku da naka ndawai i mPue Ala loʼe ndaya ri yaku ri sindara pompauku da mampasowa waʼa mpau anu monco. Pai da naka koje ndayaku mampetumbu rahasia Nuntu ngKatuwu setu.

Matius 17:2

Nakitasaka anaguru-A tebalisakamo taʼa i Yesu, lio-A merara ewa eo, puju ngkoro-A mabuya makilaya.

DANIELI 2:47

Ndatoʼo i datu, “Monco kojo Danieli. Pue Ala puemu setu maʼai ngkabangke ungka ri Pue Ala. Sira anu makuasa ri wawo waʼa datu, pai mampatongawa mpengaya-ngaya rahasia. Inceʼe tongawamo ri pangkotomu mantotoraka posoki rahasia seʼi.”

PATADA 24:5

Tau anu loʼe rayanya da tongawa meruu kuasanya pai tau anu maroso; kaloʼe ndaya anu meruu painaka karoso.

PATADA 1:6

Ane ewanceʼe da nakoto ntau seʼe marata ndaya waʼa uneki mpau anu lau tesambuni ri raya waʼa mpatada pai marata ndaya anu natoʼo waʼa ntau loʼe mokenta pai nunjaa anu napekune ntau seʼe.

Pomulanya 40:8

Mesono tau seʼe natoʼo, “Ingena mawengi kami mangipi, pai bereʼe anu maincani posokinya.” Natoʼo i Yusupu, “Podo i Pue Ala anu da mampapaincanika tau posoki mpangipi. Koisa pepau pangipimu setu.”

Roma 13:5

Inceʼe puʼunya komi sangaya-ngaya da medonge ri topoparenta, banya podo ua maekami da nahuku paikanya ua kabuya ndayami.

PATADA 21:29

Tau anu mayoa naepe kojo kamonconya; tau anu majaʼa bereʼe ea matanya.

Posuwunya 34:35

pai nakita ntau seʼe lio i Musa merara. Da nawali silu muni lionya, rantani rata ri tempo da pompaunya woʼu pai Pue.

PATADA 12:8

Tau da ndainde silulu pai kaloʼenya; tau da ndapetitengo silulu pai katengonya.

DANIELI 2:22

Sira anu mampatongawa rahasia anu maʼai ngkatesambuni. Sira ndaincani pura-pura anu mewali ri raya mbani. Sira nakulamuti rara anu mangkido.