TOPOTUNTU 7:7 - Sura Magali Nuntu Ngkatuwu

⁷ Ane tau anu loʼe mombamba, inceʼe powia ngkatengo; ane tau mantarima doi leko aje, majaʼamo poʼengkonya.

TOPOTUNTU 7:7 Referans Kwoze

Ulang 16:19

Ri pobotusi ntau seʼe bareʼe maya mowia gori mpepokononya bara mampeole lio ntau. Tau seʼe woʼu bareʼe maya mantarima lekoaje maka kareʼe lekoaje setu da mampakabuta mata, mau tau anu mayoa pai loʼe da salamo pobotusinya.

Posuwunya 23:8

Neʼe nditarima doi lekoaje, maka doi setu mampaka buta mata ntau da naka bareʼemo nakita anu monco, pai mampaka rugimo tau anu bareʼe masala.

PATADA 17:23

Topobotusi anu modengoo da mantarima ngkaroo doi dampo nguju, pai bareʼe mayoa pobotusinya.

Yesaya 1:23

Waʼa ntopombawanakamu topeewa pai mewalimo pomokau ntopangangka; tau seʼe napokono mantarima parasee pai doi lekoaje. Bareʼe napokono mampelae ana ilu ri tongo mpobotusi; bareʼe napokono mampedongeka pogilu waʼa bemba.

TOPOTUNTU 4:1

Ungka lairia kupatomata woʼu mpengaya-ngaya anu bareʼe mayoa anu mewali ri lino seʼi. Waʼa ntau anu ndajeani motumangi pai bereʼe tau anu mampokono mantulungi. Bereʼe mau sambaʼa tau anu mampokono mampelae, maka waʼa ntopejeani setu paka waʼa ntau bangke kuasanya.

PATADA 17:8

Reʼe tau mantoʼo doi dampo nguju, inceʼe sangaya kuasa anu ndapojingki maka pai doi dampo nguju mpengaya-ngaya ndakoto mawianaka.

1 Samuel 8:3

Paikanya poʼengko ntau seʼe bareʼe mampelului papanya, podo mompari-mpari mampepali rasi ngkoronya ngkalionya. Tau seʼe mampokono doi tekoaje painaka bareʼe mayoa pobotusinya.

Ulang 28:65

Ri oyo waʼa banca setu bareʼe da ndirata karodo ndaya, pai njairia bereʼe da kareʼe anu maya ndipotumpu. I Pue da mpakasusa rayami, malente pai bereʼe anu da ndipomata-mata.

Yesaya 33:15

Da ndikoto mompakaroso ane pompau pai powiami monco. Neʼe ndipepali rasi ri pangantengosimi tau kaasi-asi, pai neʼe mantarima doi lekoaje. Neʼe ndisintuwunaka tunggai ndaya ntau da mepepate bara jaʼa anu ntaninya.

1 Samuel 12:3

Seʼi yaku mekakore ri suarami! Ane reʼe sala anu kupowia ri komi, nditoʼokamo yaku ri suara i mPue pai ri suara mokole anu ndapilisi. Bara reʼe kupantima japimi bara kalidemi bara anu ntau ntaninya? Bara reʼe pupantengosi pai kujeani tau bara mantarima ompo nguju? Nditoʼomo seʼi seʼe, da naka ane reʼe anu kutima da kupampapewalili.”

TOPOTUNTU 5:8

Sako i mokole mangkatuwuka wua mpinamuya anu ndapota.

TOPOTUNTU 8:9

Pura-pura seʼi kukita ri tempo kupamparesa mpengaya-ngaya anu mewali ri lino.Reʼe teasantongo tolino mampake kuasanya da mampakarugi kasitaunya.

1 Samuel 21:14

Nepa natoʼo i Akisi ri waʼa mpegawainya, “Ara bareʼe ndikita tau setu wando? Wenu painaka ndikeni kaku tau wando?