TOPOTUNTU 7:4 - Sura Magali Nuntu Ngkatuwu

⁴ Tau tengo maʼilawu mpaliu kawongko ndaya; paikanya tau loʼe manawa-nawa mpaliu kapate.

TOPOTUNTU 7:4 Referans Kwoze

Hosea 7:5

Ri eo mposusa i mokole, tau seʼe mampapanginuka anggoro i mokole pai waʼa mpegawainya rantani mayangu pai mawianakamo powia ngkatengo. Painaka i mokole modoro-doro sangkani-ngkani pai waʼa nto ponggoli-nggoli setu.

DANIELI 5:30

Ri wengi setu seʼe ndapepate i Belisasari datu nto Babeli setu.

Yeremia 51:57

Yaku da mampakayangu waʼa ntopoparenta Babeli – waʼa ntaunya anu loʼe, tadulako pai surodado. Tau seʼe bareʼemo da tepembangu, tekayore rantani masae-sae. Yaku roomo mompau, Yakumo mokole, Yaku Pue Anu Makuasa.

Yeremia 51:39

Sindara ngkaʼai ngkasawoyo ndaya ntau seʼe mangkoni, Yaku da mampatokaka tau seʼe pangkoni pai da mampakayangu pai mampakalili mata ntau seʼe rantani tekayore bareʼemo da tepembangu woʼu.

Yesaya 21:4

Mapari rayaku; ewa da doito painaka kandende-ndende. Wengi anu kupomata-mata da mangkeni karodo ndaya, podo mangkeni kakandende-ndende.

1 RAJA-RAJA 20:16

Popaungku setu ndatepuʼu ungka ri ntongo ndeme sindara i Benihada pai tatogo mpuyu pai radua mokole anu mewali samporambanganya setu ntongo nenginu-nginu rantani mayangu ri raya ngkema ntau seʼe.

2 Samuel 13:28

Natotoraka waʼa namayununya natoʼo, “Ndipatomata mpodago, ane ndikita mayangumo i Amino, ua mariamo anggoro nainu, pai ane kuwaimo petondoni ri komi, ndipepatemo siʼa. Neʼe ipu rayami yaku anu da mampesonoka incetu, ndiponggalekamo neʼe boi kanuʼu-nuʼu rayami!”

1 Samuel 30:16

Napoyunu i Daudi ananggodi setu pai waʼa ntaunya njoʼu ri kareʼe ntau majaʼa setu. Sindara setu waʼa ntau majaʼa setu tepujaa kareʼenya maka ntongo mpangkoni, manginu mosusa gori ndayanya mampokawongko kasondo aga-aga anu napamuru ntau seʼe ungka ri tana nto Pelisiti pai to Yahuda.

1 Samuel 25:36

Pewalili i Abigai ri kareʼe i Naba, narata i Naba pai waʼa yununya ntongo mposusa bangke ri banuanya ewa posusa i datu. Ua maria gaga panginunya i Naba mayangumo, inceʼe painaka bareʼe napokono i Abigai mampetumbuka kaʼungka ri mbeʼinya siʼa rantani bangke reme.

NAHU 1:10

Siko da ndatunju ewa deami anu mangau da ewa yopo ndui anu mokenta-kenta.

TOPOTUNTU 2:1

Kubotusi da mampakawongko rayaku da mangaincani nunjaa anu mangkeni kalindo ndaya. Paikanya tongawa inceʼe seʼe soa.

TOPOTUNTU 7:3

Kapari ndaya meruu kadagonya painaka gele. Mau ri liota tongawa kasusa ndaya, podoia madonde rayata.

TOPOTUNTU 7:5

Moruana naseko ntau anu loʼe, painaka naunde ntau anu bareʼe narata ndaya.