TOPOTUNTU 4:4 - Sura Magali Nuntu Ngkatuwu

⁴ Kuincani woʼu katolinonya seʼe motetala manee, podo ua manyau rayanya mangkita pandata ntau samposori banuanya. Pura-pura setu podo ngkabongo ewa pompari-mpari maduduki ngoyu.

TOPOTUNTU 4:4 Referans Kwoze

1 Yohanes 3:12

Kita neʼe ewa i Kai, anu mebete ungka ri Majaʼa, siʼa mampepate tuaʼinya. Nunjaa puʼunya painaka napepate tuaʼinya? Maka waʼa mpowianya sala, pai waʼa anu napowia ntuaʼinya monco.

TOPOTUNTU 1:14

Kukitamo mpengaya-ngaya powia ntau ri lino seʼi. Monco kojo pura-puranya setu soa podo ewa powia mangaʼilawu ngoyu.

TOPOTUNTU 2:21

Maka tolino mompari-mpari motetala ri kaloʼe ndaya, pangaincani pai katimama da naparata sangaya seʼe. Paikanya ripurinya sangaya-ngaya da napalaika waʼa sili lengenya tila ntau anu bereʼe titi ininya ri aga-aga setu. Mewali, inceʼe seʼe podo ngkabongo, pai inceʼe monco kojo bareʼe mayoa!

TOPOTUNTU 2:26

Maka i Pue Ala anu mangawai kaloʼe, pangaincani pai kalindo ndaya ri tau anu mampakawongko raya-A. Paikanya tau masala Ndapokau motetala mampepali katuwunya, mampasambaka wua mpotetalanya anu da napepombaika ri tau anu mampakawongko raya i mPue Ala. Mewali, pura-pura setu podo soa-soa ngkabongo, podo ewa tetala mangaduduki ngoyu.

Matius 27:18

Tangara ndaya i mPilatu pai napantoʼo ewanceʼe, maka lawi naincani, pampepombaika waʼa ntadulako nto Yahudi i Yesu ri siʼa, podo ua kasina ndaya ntau seʼe.

TOPOTUNTU 6:11

Maka kakomasae-sae pebali-balinya, kakoteranga-rangani kabareʼenya reʼe oli mpaunya, pai lawi bareʼe da reʼe bara nunjaa-njaa rasinya.

TOPOTUNTU 6:9

Pura-pura setu podo ngkabongo ewa pompari-mpari maduduki ngoyu. Moruana kita mampokawongko nunjaa anu reʼemo ri kita, painaka bareʼe bali-bali mamposawoyo anu meruu ngkasondo woʼu.

TOPOTUNTU 4:16

Waʼa mpalili anu da naparenta bara bareʼe ndaincani kasondo imbanya, paikanya bemoreʼe siʼa, bereʼe anu da montarima kase maendo kadago mpowianya. Monco, lawi pura-pura podo ngkabongo ewa tetala mangaduduki ngoyu.

PATADA 27:4

Kasengke ndaya setu majaʼa pai mampakagero, paikanya isema anu mangkoto mancuaraki katumopo?

Yakobus 4:5

Neʼe ndisarumaka podo ngkabongo anu natoʼo Ncura Magali, “Ri rayata ndadika i mPue Ala inosa anu maʼai kojo kasawoyonya.”

Palaong mPomakau i mPue Yesu 7:9

Ua kasina ndaya waʼa ngkaita napobalu ntau seʼe kasangkomponya i Yusupu, ri tana Masiri, paikanya i Pue Ala mangangkariani siʼa.

TOPOTUNTU 1:17

Inceʼe painaka kupari-pari kojo da mangaincani posisalanya kaloʼe pai katengo, kaloʼe ndaya pai kaʼai ngkatengo. Pai tongawa yaku seʼi podo ewa maduduki ngoyu.

Pomulanya 26:14

Manyau raya nto Pelisiti ri siʼa maka siʼa mampotumpu anamayunu anu sondo, ewanceʼe seʼe waʼa bimba pai japinya.

Pomulanya 31:1

Nadonge i Yako pompau waʼa ana i Laba mengantoʼo,: “Roomo natima i Yako waʼa aga-aga mpapata. Pura-pura kakoreʼenya paka ungka ri aga-aga mpapata.”