TOPOTUNTU 4:16 - Sura Magali Nuntu Ngkatuwu

¹⁶ Waʼa mpalili anu da naparenta bara bareʼe ndaincani kasondo imbanya, paikanya bemoreʼe siʼa, bereʼe anu da montarima kase maendo kadago mpowianya. Monco, lawi pura-pura podo ngkabongo ewa tetala mangaduduki ngoyu.

TOPOTUNTU 4:16 Referans Kwoze

TOPOTUNTU 1:14

Kukitamo mpengaya-ngaya powia ntau ri lino seʼi. Monco kojo pura-puranya setu soa podo ewa powia mangaʼilawu ngoyu.

TOPOTUNTU 2:17

Inceʼe painaka katuwu seʼi bareʼemo reʼe yowenya ri yaku, bereʼe basa ntaninya. Pura-pura podo soʼa-soa; yaku podo mangaduduki ngoyu.

1 RAJA-RAJA 1:40

Roo nawianaka popalanti setu, mewalilimo tau seʼe pura-pura maaweri i Salomo, saʼe manggora-nggora, saʼe mosanggona, manoto ewa da mabiramo tana gori ngkadoronya.

TOPOTUNTU 2:26

Maka i Pue Ala anu mangawai kaloʼe, pangaincani pai kalindo ndaya ri tau anu mampakawongko raya-A. Paikanya tau masala Ndapokau motetala mampepali katuwunya, mampasambaka wua mpotetalanya anu da napepombaika ri tau anu mampakawongko raya i mPue Ala. Mewali, pura-pura setu podo soa-soa ngkabongo, podo ewa tetala mangaduduki ngoyu.

TOPOTUNTU 2:11

Paikanya ripurinya kuparesa mpengaya-ngaya powiaku setu, pai pura-pura titi iniku da mamparoo waʼa ntetalaku setu, nepa kurata ndaya pura-pura setu bereʼe poyowenya. Pompari-mpariku setu soa-soa podo ewa maduduki ngoyu.

2 Samuel 19:9

Pewalinya ewanceʼe mebetemo popaiso ri oyo nto Isaraeli, natoʼo ntau seʼe, “Ewambeʼimo kita seʼi, i Mokole Daudi kamonconya mancorepakamo kita ungka ri pale nto Pelisiti pai ungka ri pale waʼa iwali anu ntaninya, seʼi-seʼi Sira moloncomo ungka ri pale i Abisalo malaimo ungka ri tana seʼi.

TOPOTUNTU 4:15

Kunawa-nawa kono tau pura-pura ri lino seʼi, kurata ndayamo ri oyo waʼa ntau setu manoto reʼe sambaʼa ngalitau anu da mancawani mokole.