TOPOTUNTU 4:1 - Sura Magali Nuntu Ngkatuwu

¹ Ungka lairia kupatomata woʼu mpengaya-ngaya anu bareʼe mayoa anu mewali ri lino seʼi. Waʼa ntau anu ndajeani motumangi pai bereʼe tau anu mampokono mantulungi. Bereʼe mau sambaʼa tau anu mampokono mampelae, maka waʼa ntopejeani setu paka waʼa ntau bangke kuasanya.

TOPOTUNTU 4:1 Referans Kwoze

TOPOTUNTU 3:16

Reʼe woʼu anu kukita ri lino seʼi: anu kamonconya da mampatongawa kayoa pai kadago, paikanya njairiamo kanjau ngkajaʼa.

TOPOTUNTU 5:8

Sako i mokole mangkatuwuka wua mpinamuya anu ndapota.

Yesaya 5:7

Kamonconya bonde anggoro i mPue Anu Makuasa inceʼemo to Isaraeli pai waʼa nto Yahuda inceʼemo puʼu anggoro anu ndapomuya. Ungka ri tau seʼe, Sira mampo mata-mata kayoa, paikanya anu reʼe podo kamasii. Sira mampomata-mata tau seʼe da mampapekakore kamonco, paikanya anu reʼe podo peʼode merapi kayoa.

Yakobus 5:4

Komi bareʼe ndibayari saro ntau anu motetala ri bondemi. Seʼi ndipedongeka peʼode ntau seʼe! Waʼa ntau anu mampasambaka wua mpinamuyami, meboo merapi tulungi, pai peboo ntau seʼe ratamo ri talinga mPue Ala, Pue Anu Makuasa.

Matius 26:56

Paikanya lawinya da ewanceʼemo da naka kobanganimo anu naʼuki waʼa nabi ri Sura Magali.” Ungka lairia pura-pura anaguru-A moloncomo mampalaika i Yesu.

MALEAKI 3:5

Ndatoʼo i mPue Anu Makuasa, “Yaku da rata ri komi da mabotusi. Ganggara Yaku da mewali sabi ri waʼa ntopobalimata, waʼa ntoposalara, anu masabi mbamba, anu mantengosi gaji ntau anu ndasaro, anu majeani waʼa bemba pai waʼa anu ilu, pai tau mencua, pai ri pura-pura tau anu bareʼe mantubunaka Yaku.”

Ratapan 1:9

Kakarikanya yosaomo ndakita mata, paikanya bareʼemo natanondo nunjaa anu da mewali ri woto ngkoronya. Maʼai kojomo kageronya, paikanya bereʼe anu sambaʼa tau mawai palindo ndaya. Inceʼe painaka merapi kapande ndaya i mPue ri yangi ua iwali puramo menangi.

Ratapan 1:2

Sangkasae mbengi siʼa tumangi ri kapari ndaya, ri pidi ue mata mosawera. Bereʼe, ungka ri waʼa ntau anu napomawo, anu telike rayanya da mampalindo. Siʼa natambo waʼa bale maramu, anu meyoro mewali iwali.

Yesaya 51:23

Kapari setu da papakoyoka tau anu majeani komi, anu reʼemo napampokau komi moturu ri tana, nepa naija-ijaki, komi napowia ewa jaya anu napoliu ntau.”

Masmur 42:9

Tuarapa i Pue mampatongawa puru ndaya-A ri ntongo ndeme, da naka kukoto mongayu ane mawengi, mekakai i Pue Ala puʼu ngkatuwuku.

Masmur 42:3

Yaku mampomawo Pue Ala anu tuwu, impia tempo da kupaleʼo njoʼu manyomba ri Banua-A?

Masmur 12:5

anu mantoʼo, “Kami makuasa pai jila mami! Nunjaa ntano anu da raya mami mantoʼo, bereʼe anu mangkoto da mangaompo!”

AYUBI 35:9

Waʼa ntau anu nujeani, anu da meʼode-ode; tau seʼe anu da meboo merapi pompelae.

Yesaya 59:7

Komi mantunggai mpaliu anu majaʼa, pai da rayami ronga mawianaka. Bereʼe pompau-mpau ndaya mampepate tau anu bareʼe masala. Ri mbeʼi ntano palaimi da njau ndidika karugi pai kagero.

MALEAKI 3:18

Waʼa ntau-Ku da mangkita woʼu posisalanya katedikanaka ntau madago pai tau majaʼa, anu mepoʼinaya ri Yaku pai anu bareʼe.”

MALEAKI 2:13

Pai seʼi woʼu powiamu anu ntaninya. Lampaʼani i mPue ndiriuka ue mata; komi motumangi pai mokukuou ua bareʼemo ndapokono i mPue mantarima waʼa mpanyombami.

TOPOTUNTU 7:7

Ane tau anu loʼe mombamba, inceʼe powia ngkatengo; ane tau mantarima doi leko aje, majaʼamo poʼengkonya.

PATADA 28:3

Tau makuasa majeani tau kaasi-asi, ewa uja marombo majaʼati anu da ndapota.

Masmur 142:4

Ri tempo masusa pai teloo rayaku, Komi ndiincani nunjaa anu da kuwianaka. Ri jaya anu kupoliu, waʼa iwaliku mampataka ngkaroo tolia da naka kono yaku.

Masmur 80:5

Boo Pue Ala Anu Makuasa, sangkuja ngkasaepa da karau ndayami, mau mekakai waʼa ntaumi?

Masmur 69:20

Ndiincani ewambeʼi ndapamposari yaku, ndapetikodi pai ndatupesi, ndikita pura-pura waʼa iwaliku.

AYUBI 16:4

Ane rapanya tamotolo, komi setu yaku pai yaku seʼi komi, yaku woʼu da mompau ewancetu. Da kuriuka pau komi pai kumontala-ntalambibi.

AYUBI 6:29

Da ndirata ndayamo, neʼe manee ncambali komi! Neʼe ndiposari yaku maka monco kojo yaku bareʼe masala.

TADULAKO 4:3

I Yabi mampotumpu 900 kareta mpoʼiwali besi. Ruampuyu ntaʼu kasaenya siʼa mamparenta to Isaraeli, najeani tau seʼe. Ungkalairia tau seʼe meboo ri Pue merapi pompelae.

Ulang 28:48

Inceʼe painaka da meʼuru komi ri waʼa iwalimi anu ndapokau i mPue da mangaewa komi. Komi da maoro, maranganga pai bereʼe rengkomi ua kakura ngkatuwumi. I Pue da majeani komi da ndaparini rantani magero.

Ulang 28:33

Banca ntau mencua inceʼe da mantima waʼa bangani njamaami anu mapari ndiepe mampotetalaka, paikanya bareʼe da ndileʼo wuanya, tilami inceʼe podo pejeani anu bareʼe bali-bali, pai komi ndapaka pari.

Posuwunya 1:22

Inceʼe painaka napareʼe i datu songka ri waʼa mpalilinya ewaseʼi, “Waʼa ana nto Ibarani anu tuama anu nepa napoana sngaya-ngaya da ndaandu ri Koro Nili, paikanya anu weʼa inceʼe maya ndapatuwu.”

Posuwunya 1:16

Natoʼo i datu nto Masiri, “Komi ane mantulungi poʼongaa waʼa mbeʼa nto Ibarani, neʼe ndikalingani inceʼi: Ane anu napoana setu ana tuama, da ndipepate siʼa! Ane anu napoana setu ana anu weʼa waikamo nakatuwu.”

PATADA 19:7

Tau kaasi-asi bareʼe napeole ngkasangkomponya, pagonya ane jamo yununya. Mau ewambeʼi pompari-mparinya bareʼe da nakoto mantima raya ntau seʼe.

TOPOTUNTU 8:9

Pura-pura seʼi kukita ri tempo kupamparesa mpengaya-ngaya anu mewali ri lino.Reʼe teasantongo tolino mampake kuasanya da mampakarugi kasitaunya.

Yeremia 16:7

Pai bereʼe woʼu tau anu mampokono da mampowia susa da mampalindo raya ntau anu ntongo masusa rayanya. Bereʼe anu da mamposimasusa ndaya tau anu napalaika mate papa bara inenya.

Ratapan 1:16

Inceʼe painaka moperepe ua mataku, bereʼe anu mampakaroso rayaku pai mawai palindo. Bemoreʼe anu napotumpu bancaku, ua iwali anu maʼai ngkakuasa.

AYUBI 9:24

Lino ndapepombaika i mPue Ala ri tau anu baleparu pai waʼa ntopobotusi puramo ndapakabuta. I Pue Ala anu mampowia pura-pura seʼi, ane banya Sira tampe da isema?

Masmur 69:21

Pampetikodi setu mampaka teloo rayaku, pai puli ponawa-nawaku. Kupepali kapuru ndaya, paikanya podo ngkabongo, kupepali kalindo ndaya paikanya bareʼe kurata.

Masmur 142:5

Sindara yaku meeli ri sudipiku, bareʼe kukita petulungi ri yaku. Bereʼe anu mangkantawi yaku, bara tau anu mampeole yaku.

PATADA 29:2

Ane rapanya tau mayoa moparenta, mawongko raya ntau sondo. Paikanya ane tau majaʼa makuasa, tau sondo mapari.

Ratapan 1:17

Kutora paleku merapi petulungi, paikanya bereʼe anu mawai palindo ndaya, ungka ri mbeʼi-mbeʼi ndapakatu i mPue iwali; tau seʼe rata maungku yaku. Yaku ndapowia ewa nyoo, anu karika ri oyo ntau seʼe.

AMOSI 3:9

Petumbumo inceʼi ri waʼa ntau anu maroo-roo ri langkanae Masiri pai Asido, “Ndipompasambakamo ri wawo waʼa buyu anu mantolilimi Samaria, pai ndipeolemo kaguaga anu bangke sangkani pai waʼa mpepipisi anu ndawianaka njairia.”

AMOSI 3:10

Ndatoʼo i mPue, “Waʼa ntau setu bangani waʼa langkanaenya pai waʼa aga-aga anu ndarata ungka ri pepipisi pai pejeani, manoro bareʼe liu-liu naincani ntau seʼe mampowia yoa.