9 Nunjaamo silinya waʼa pompari-mparita?
Sangkarate ngkatuwu kita motetala tumbu oti ini, paikanya nunjaamo silinya anu tapokawongko?
Sangkasae ngkatuwunya podo moama-ama ri tongo mbani, kita mompari-mpari, ipu-ipu raya, majaʼa raya pai makodi raya.
Ri mpengaya-ngaya anu ndapari-pari njau rasi; pasimbaju anu soa inceʼe mampakakaasi-asi tau.
Nunjaamo yowenya ri tau sambaʼa ane napotumpu sambawo lino seʼi, paikanya tetaji katuwunya? Ara maya katuwu setu da ndatoloka anu ntaninya?
Paikanya ripurinya kuparesa mpengaya-ngaya powiaku setu, pai pura-pura titi iniku da mamparoo waʼa ntetalaku setu, nepa kurata ndaya pura-pura setu bereʼe poyowenya. Pompari-mpariku setu soa-soa podo ewa maduduki ngoyu.
Kutoʼoka komi ri kamonco-monconya da naka komi melulu ri pombawanaka waʼa ntau anu ewancetu, pai sangkani-ngkani pai waʼa ntau ntaninya pai morioko sangkani-ngkani pai tau seʼe.
