TOPOTUNTU 2:6 - Sura Magali Nuntu Ngkatuwu

⁶ Kukae waʼa ntibubu anu da mangauesi waʼa bonde au madolidi pai waʼa bonde anggoro setu.

TOPOTUNTU 2:6 Referans Kwoze

NEHEMIA 2:14

Kamelinja mpaliu ungka ri tondo pebetea katotoka tondo utara njoʼu ri Baa-Baa Bangke Ue Metumbulaka pai Limbo Mokole. Paikanya njairia bereʼe jaya da poliu ngkalide anu kupelamba setu, maka buke pai wune ngkarua bente setu.

Yeremia 17:8

Siʼa da ewa puʼu ngkaju anu tuwu ri wingke ngkoronya anu moili; kalenya meuyu tudu-tudu ri ue. Siʼa bareʼe napoʼipu tempo mporeme, waʼa iranya mayawuyu mpaliu. Mau sambawo ntana mangau, siʼa bareʼe ipu rayanya maka siʼa bareʼe bali-bali powuanya.

NGAYU I NCALOMO 7:4

Leʼemu ewa menara bengko gaja, matamu ewa waʼa limbo ri Hesiboni, mosu ri baa-baa Batarabi, Engomu ewa menara ri Buyu Libano, anu moara tondo ri kota Damasi.

Masmur 1:3

Tau setu da mowua pura-pura anu napotetalaka; siʼa da ewa puʼu ngkaju anu ri wingke ngkoronya anu da mawua ane ratamo temponya, pai bereʼe da kalele iranya.

NEHEMIA 2:8

Kuperapi woʼu sura anu da rata ri Asapi anu majagai yopo negara da naka siʼa mampatoka kaju anu da ndapowiaka waʼa baa-baa bente ngkota pai banua da peariku. Ndabangani i Datu pura-pura perapiku setu, maka i Pue Ala anu mantulungi yaku.