TOPOTUNTU 11:2 - Sura Magali Nuntu Ngkatuwu

² Dikamo doimu ri mpengaya-ngaya pobalu-balu; pepalimo gori ngkarianya. Maka tau madago moncoro-ncoro ri kabareʼepanya napere ngkapari.

TOPOTUNTU 11:2 Referans Kwoze

PATADA 6:16

Reʼe papitu ngaya anu ndapobanciika i mPue pai bareʼe da ndapapaliuka: Poʼengko anu makiunde, nguju anu kalopu-lopu, pale anu mampepate tau anu bemasala, nawa-nawa anu marencana anu majaʼa, witi anu ganggara malai mowia jaʼa, sabi anu kambamba-mbamba pai tau anu mampapebete popaiso ri oyo ngkasiyununya.

Masmur 112:9

Siʼa mampotilaka waʼa aga-aganya, pai mawai kabuya ndaya ri tau kaasi-asi; bareʼe bali napampowia anu madago, inceʼe painaka siʼa setu makuasa pai ndatubunaka.

AYUBI 5:19

Ane reʼe pari merampe, bareʼe bali-bali ndapasorepaka siko.

DANIELI 4:27

Inceʼe painaka komi da mampedongeka totorakaku. Neʼe ndipowia woʼu salaa, paikanya ndiwianakamo anu monco pai mayoa, pai ndipokapurumo tau kaasi-asi. Ane ewanceʼe komi da madago mpaliu katuwumi.”

Ibrani 13:3

Da ndiendo waʼa ntau anu ri raya ntarunggu, da ndiepe woʼu komi ewa njau ri raya ntarunggu sangkani-ngkani pai tau seʼe. Ewanceʼe seʼe waʼa ntau anu ndajeani, da ndiendo woʼu tau seʼe ewa komi anu ndapowia ewanceʼe.

Epesus 5:16

Da loʼe-loʼe komi mampake tempo anu reʼe, maka tempo wawaseʼi majaʼa.

Galatia 6:1

Ee waʼa ngkasangkompo! Ane reʼe ndirata ri oyo yunumi anu mowia salaa, mbolimo komi anu tuwu naponinika Inosa mPue Ala, mamponinika tau setu da naka mewalili ri jaya anu monco; inceʼe da ndiwianaka ri kalulu ndaya, pai da ndisoro-soro boi komi ngkaliomi woʼu manawu ri pompetubuka.

Lukas 17:4

Mau rapanya papitu ngkani ri rayanya sandeme siʼa mowia sala ri siko, pai papitu ngkani woʼu njoʼu merapi puru ri siko, neʼemo nukitanaka salanya.”

Matius 18:22

Mesono i Yesu ndatoʼo, “Bareʼe, banya pitu ngkani paikanya pitu mpuyu ngkani papitu ngkani!

Matius 5:42

Ane reʼe tau anu merapi ri siko, waika. Neʼe woʼu nupomanongo tau anu moncabo ri siko.”

SETERI 9:22

Maka ri eo-eo setumo panganangi ntau seʼe waʼa iwali ntau seʼe, painaka kasusa pai kapari ndaya tebalisaka mewali kawongko ndaya pai kalindo ndaya. Inceʼe painaka tau seʼe sangaya-ngaya da mamposusaka waʼa eo setu, ri posusa pai polimbu mangkoni mampombewaika pangkoni pai mampotilaka kabuya ndaya ri waʼa ntau kaasi-asi.

SETERI 9:19

Inceʼe puʼunya painaka waʼa nto Yahudi anu meari ri waʼa ngkota anu kodi mangaendo eo setu ri sampuyu pai aopo eo mbuya Adari, mewali eo kawongko ndaya, ri eo setu ndapareʼe posusa ngkawongko-wongko ndaya, mampombewaika pangkoni.

NEHEMIA 8:10

Seʼi-seʼi ndipewalilimo ri karodo ndayami ndipangkoni pai ndipanginu ri kawongko-wongko ndayami. Ndiwai santila pangkonimi pai anggoromi ri waʼa ntau anu megana katuwunya. Eo seʼi eo ndapatani tila mPueta, mewali neʼe masusa rayami. Wongko ndaya anu ndawai i mPue ri komi inceʼe anu da mampakaroso rayami.”

PATADA 19:17

Mantulungi tau kaasi-asi siwiamo pai mampaponcabo i Pue; nepa i Pue anu da mangasili.

TOPOTUNTU 11:3

Tondo ri mbeʼi ntano kadungka mpuʼu ngkaju, sangaya-ngaya da tepapauli ri tampa ngkatudunya. Ane mariamo ue ri raya limu, da tudumo uja marombo ri lino.

TOPOTUNTU 11:8

Mbolimo siko da montarimakase, ane terangani tinuwumu. Paikanya neʼe nukalingani, mau masae katuwumu ri lino, tempomu anu masae ri kareʼe ntau mate anu meruu ngkasae woʼu. Mewali, nunjaa woʼu anu da ndapomata-mata? Pura-pura podo ngkabongo pai soa-soa.

TOPOTUNTU 12:1

Neʼe nukalingani anu mampapewali siko ntongo mangurapa siko, ri kabareʼepanya rata waʼa ntaʼu anu buke pai kapari. Sindara setu da mangantoʼo, “Bereʼe kadago ngkatuwu.”

1 Samuel 25:8

Koisa ndipeoasi ri tau seʼe, sangaya-ngaya da napomonco anu kutoʼo seʼi. Mewali kuperapi da mabuya rayamu mantarima waʼa ntauku ri banuamu, maka tau seʼe rata ri eo mposusamu seʼi. Kuperapi da nuwaika waʼa ntauku pai yaku i Daudi balemu seʼi, nunjaa ntano anu mabuya rayamu da mawaika kami.”