TADUMPANYOMBA 26:3 - Sura Magali Nuntu Ngkatuwu

³ Ane tuwu melulu ri waʼa mpadikaku pai malulu waʼa ncongkaku,

TADUMPANYOMBA 26:3 Referans Kwoze

Yesaya 1:19

Ane ndipokono mepoʼinaya ri yaku, komi da mangaepe waʼa anu madago anu ndirata ri tanami.

Pangkita 22:14

Yontomo kalindo ndaya waʼa ntau anu mabusu jubanya rantani magali. Tau seʼemo anu sintinaja da mangkoni wua ngkaju ngkatuwu pai anu maya mesua ri kota setu mojaga ri bobokanya.

Ulang 7:12

“Ane ndiparindaya waʼa ncongka setu, pai timama ndipawianaka, i Pue Ala puemi woʼu todo mangkekeni janjia anu ndapareʼe pai komi. Sira da mantuju kapuru ndaya anu bareʼe bali-bali ri komi, ewa anu ndajanji ri waʼa ntau piamomi.

Posuwunya 23:25

Ane komi manyomba ri Yaku Pue Ala puemi, da kudonco komi, gana pangkonimi pai panginumi pai da kutawanaka komi ungka ri waʼa njuʼa.

Yeremia 11:4

Pojanji setu roomo kupareʼe pai waʼa ntau piamo ntau seʼe sindara kupangkeni mpesuwu tau seʼe ungka ri tana Masiri, tana anu ewa naraka ri tau seʼe. Yaku mampokau tau seʼe da mepoʼinaya ri yaku pai da mawianaka pura-pura nunjaa anu roo kusongkaka tau seʼe. Wawaseʼi roomo woʼu kutoʼoka to Yahuda pai bangani Yerusale, ane mepoʼinaya tau seʼe ri Yaku, tau seʼe da mewali tauku pai Yaku da mewali Pue Ala ntau seʼe.

Sakharia 8:12

Tau seʼe da mancawu inii ri kalindo ndaya. Waʼa mpuʼu anggoro ntau seʼe da mowua, tana mawai wuanya, pai da tudu uja gana-gana. Waʼa mpopadonco setu da Kuwai ri waʼa ntau anu tuwupa ungka ri banca seʼi.

MALEAKI 3:10

Ndikenimo pura-pura anu sampotila sampuyu ri Banua-Ku, da naka reʼe pangkoni anu gana-gana njairia. Ndiʼujimo Yaku, nepa da ndikita, Yaku da mangaloka waʼa wombo ncuruga, da Kupabubuka komi mpengaya-ngaya anu madago gana-gana.

TADUMPANYOMBA 19:25

Wuanya anu ri taʼu kaʼalima inceʼe mayamo ndikoni. Ane ndilulu pura-pura songka seʼi sangaya-ngaya da kakomaria-ria wuanya. Maka Yakumo Pue Ala puemi.

NEHEMIA 1:9

Paikanya ane mewalili muni kami ri Komi pai mepoʼinaya muni ri waʼa ncongka-Mi, da ndipasambaka muni kami anu tewuragamo. Mau ri mbeʼi-mbeʼi ntano kareʼe mami ri sambawo lino seʼi. Nepa da Ndipapewalili muni kami ri kareʼe anu roo Ndipilisi da kareʼe mpanyomba ri Komi.

Yesaya 30:23

Ane mancawu inii komi, i Pue da mampatudu uja da naka tuwu inii painaka da gana-gana anu ndapota. Tila mpinatuwumi da toka ewo pai pada anu bangke.