SETERI 4:3 - Sura Magali Nuntu Ngkatuwu

³ Ewanceʼe seʼe waʼa nto Yahudi ri pura-pura poropinci mokukuou butu nadonge songka i datu setu. Tau seʼe mopuasa pai motumangi meʼode-ode, maria ri oyo ntau seʼe anu mamporengko karu nepa moturu ri awu.

SETERI 4:3 Referans Kwoze

Yesaya 22:12

Sindara setu i Pue Anu Ndate ri Peawanya pai Makuasa mampokau komi motumangi pai mokukuou, mangkou wuyua pai mamporengko karu.

DANIELI 9:3

Nepa mekakai yaku rikaliogu ndayaku ri Pue Ala, merapi kapuru ndayaa. Yaku woʼu mopuasa pai mampake rengko karu nepa kumotunda ri awu.

Yesaya 58:5

Ane komi da mopuasa, komi majeani koromi; teparatutu komi ewa ira. Nditale karu pai ndisawuka awu nepa moturu komi ri wawonya. Incetumo anu nditoʼo Puasa? Ndisarumaka mawongko rayaku powiami ewancetu?

Yesaya 22:4

Neʼemo ndirendosi yaku; ndipapaliukamo kupangkukuousi waʼa ntau ungka ri bancaku anu mate ri poʼiwali. Neʼe boi ndipebutuka da mangkanarasi yaku.

Matius 25:30

Ungka lairia anamayunu anu bareʼe moyowe setu, tajikamo ri kawengi-wenginya, njairia da potumanginya pai kaparinya.’ ”

Matius 22:13

Nasongka i mokole anamayununya natoʼo, ‘Ndipungu tau seʼi, nditendeka ri sambalikunya ri kawengi-wenginya. Njairia da kareʼe mpotumangi pai kapari.’ ”

Matius 13:42

Nepa da ndataji waʼa ntau setu ri apu bangke, njairiamo kareʼe mpotumangi pai kakakeʼi-keʼi ngisi.

SETERI 4:16

“Pasambakamo pura-pura to Yahudi anu reʼe ri kota Susani seʼi mampekakaika yaku. Tau seʼe neʼe mangkoni bara manginu togo ndeme togo mbengi. Yaku woʼu pai waʼa anaweʼa anu mamporiokoi yaku da mopuasa. Roo setu yaku da njoʼu mancuara i datu, mau powiaku setu malumpaʼi unda-unda. Ane inceʼemo wereku mbolimo yaku mate.”

SETERI 3:12

Inceʼe painaka ri sampuyu pai tatogo wuya kaʼisa, napeboo i Hamani waʼa sekeretarisi i datu. Tau seʼe nasongka da mampowia sura silulu pai anu natotorakaka tau seʼe pai sura setu da ndapalimba ri mpengaya-ngaya basa pai da ndapalimba ri mpengaya-ngaya urupu anu ndapake ri pura-pura lemba. Sura setu da ndaʼuki ri toʼo i Datu Ahasiwero pai da ndatandaika sincia, nepa da ndapakatu maliga-liga ri pura-pura tau anu makuasa, petoro pai waʼa ntau bangke ri pura-pura poropinci. Bangani ncura setu inceʼemo, ri sampuyu pai tatogo eo mbuya Adari pura-pura to Yahudi, tuʼa mangura, weʼa pai waʼa ananggodi sangaya-ngaya da ndapepate neʼe boi ndapepurungi, pai waʼa aga-aga ntau seʼe da ndatima.

SETERI 1:1

Kota Susani njairia potunda i Ahasiwero datu nto Parisia moparenta. Ri ara mparentanya reʼe 127 poropinci, ungka ri India rata ri Sudani.

1 Samuel 11:4

Ewanceʼemo palai waʼa mpomokau setu rantani ratamo ri Gibea, ri kota peari i Saulu. Karoonya naparata ntau seʼe bambari setu, motumangimo tau pura-pura nakeni ngkapari ndayanya.

SETERI 4:2

Nepa meʼonto siʼa ri suara baa-baa langkanae, maka tau anu morengko karu bareʼe maya mesua.

SETERI 4:4

Butu napetumbu waʼa anaweʼa waʼa mpegawai anu lawi ndapatani da mamporiokoi i Datu Weʼa Seteri kono nunjaa anu napowia i Modekai, maʼai kojo kasusa ndaya i Seteri. Napakatu rengko ri Modekai da nasawanika rengko karunya, paikanya bareʼe napokono mantarima.

SETERI 9:31

Sura setu woʼu maʼiowaka da naka tau seʼe pai waʼa mulinya mangaendo waʼa eo Purimi ri tempo anu ndapakanoto, da ewa napangaendo ntau seʼe posusa pai kapari ndaya. Inceʼemo bangani ncura i Modekai pai i Datu Weʼa Seteri.

Yosua 7:6

Maʼai kasusa ndaya i Yosua pai waʼa ntadulako nto Isaraeli painaka nasiati baju ntau seʼe, ungka ri mowuro nakarataka mawengi tau seʼe janjau metutu menyomba ri suara Peti mPojanji i mPue, nadika awu ri wawo ntanoananya mewali tanda ngkapari ndaya.

AYUBI 2:8

Inceʼe painaka motundamo i Ayubi mosu ri kareʼe mpabuyunaka nyoo, nepa natima ripu butolo nakangka-kangkaka koronya.

YEHESIKIELI 27:30

Tau seʼe mantangisi katedikanakamu, meʼode pai mokukuou ri kapari ndaya. Tau seʼe mampesawuka awu ri wawo mboʼonya pai metaduli ri awu petondoni ngkapari ndaya.

Yunus 3:6

Butu nadonge i mokole Niniwe bambari setu, ganggara penaʼunya ungka gadera mpoparentanya. Naosu juba ngkamokolenya, naporengko karu, nepa motunda siʼa ri awu.