Sakharia 5:2 - Sura Magali Nuntu Ngkatuwu

² Meoasi malaʼeka setu ri yaku ndatoʼo, “Nunjaa anu kukita?” Kutoʼo, “Sambaʼa yuyu ncura moyoko ri raoa. Karatenya sasio meteri pai kabininya aopo santongo meteri.”

Sakharia 5:2 Referans Kwoze

Sakharia 4:2

Meoasi ri yaku ndatoʼo, “Nunjaa anu nukita?” Mesono yaku kutoʼo, “Sambaʼa potunda ncilo wuyawa. Ri wuntunya ndate kareʼe lananya, pai mantolilimi inceʼe njau silo papitu, sambaʼa-sambaʼa seʼe reʼe papitu sumbunya.

SEPANYA 1:14

Eo mpobotusi i mPue mosumo, io maniri-nirimo, pai lawi ratamo maliga-liga. Eo setu buke pai pari ndaya, painaka waʼa ncurodado anu maʼai kakalikinya ntano da monggua-ngguari nakeni ngkapuli nawa-nawanya.

AMOSI 7:8

Meoasi Sira ndatoʼo, “Nunjaa anu nukita Amosi?” Mesono yaku kutoʼo, “Wayaa mpontubu anu teloe-loe, Pue.” Nepa ndatoʼo i mPue, “Yaku mampake wayaa mpontubu seʼi, mampatongawa waʼa ntauku jamo ewa tembo anu bareʼe mayoa pepakorenya. Yaku bareʼemo da mawalisaka rencanaku, manoto kojo da kupangahuku tau seʼe.

Pangkita 18:5

Maka salaanya mowawo-wawomo sawi ri yangi, pai ndaendomo i mPue Ala waʼa ngkajaʼanya.

2 Petrus 2:3

Maka tau seʼe mangoa, painaka waʼa guru anu kambamba-mbamba setu da mampauka komi waʼa laolita anu napowia ntau seʼe ngkalionya da naparata rasi ungka ri komi. Paikanya pobotusi huku tila ntau seʼe lawi tokamo, pai kagero anu da tila ntau seʼe metaʼa-taʼamo.

Yeremia 36:2

“Timamo sambaʼa sura anu ndayuyu, pai ukimo njairia pura-pura anu roo kutoʼoka siko kono to Isaraeli pai Yahuda pai kono pura-pura pauku montepuʼu ri uyu mpompauku ri siko sindara mpomparenta i Mokole Yosia nakarataka ri sandeme seʼi.