Sakharia 4:7 - Sura Magali Nuntu Ngkatuwu

⁷ Mau ewa pounda-unda buyu ntano anu mancalempori da tewawence ungka ri suaramu. Siko da mawali wangu muni Banua-Ku, pai ri tempo pampatundamu watu mpancuʼu ri kareʼenya, waʼa ntau da meboo natoʼo, “Adee, ara madolidisa!”

Sakharia 4:7 Referans Kwoze

Yeremia 51:25

Ee Babeli, siko ewa buyu anu mampakalesa sambawo lino. Paikanya Yaku, Pue, da mangaewa siko. Siko da kunoʼo pai da kutaduli pai da kupapaliuka wara rantani mewali awu.

Sakharia 4:9

Ndatoʼo, “I Serubabeli madikamo pondasi Banua-Ku, pai siʼa da mamparoo pombangunaka seʼi pura-pura. Ane tepewalimo inceʼe da naincanimo waʼa ntau-Ku ka-Yakunya anu mampokaumo siko Sakaria ri tau seʼe.

Mikha 4:1

Ri reme-reme anu nepa da rata, pongku ntana kareʼe mpotunda Banua i mPue, da toa mekakore pai da meuntu-untu ndateka meruu ri waʼa buyu pai waʼa mpongkuntana. Mpengaya-ngaya banca da mangguyu-ngguyu njoʼu njairia,

Masmur 118:22

Watu anu nasogi waʼa mpande, mewalimo nono ntongonya.

Masmur 114:4

Waʼa buyu metende-tendelaka ewa mbula, waʼa mpongku ntana metembi-tembilaka ewa ana bimba.

1 Petrus 2:7

Watu setu bangke yowenya ri komi anu meaya. Paikanya ri waʼa ntau anu bareʼe meaya, da ewa anu ndatoʼo ri raya Ncura Magali ewaseʼi, “Watu anu bareʼe napake waʼa mpande mawangu banua, ntanoka watu setu anu bangke yowenya.”

Palaong mPomakau i mPue Yesu 4:11

I Yesumo seʼi anu ndatoʼo Ncura Magali ewa seʼi, ‘Watu anu nasepimo waʼa mpande, inceʼemo anu mewalimo watu nono ntongonya.’

Yesaya 41:15

Peolemo siko Kupapewali ewa dopi mpoʼii, anu dawoʼu. matanya da ndangisini rua njuyu. Siko da mangaʼii waʼa buyu pai da mangagero; waʼa pongku ntana nupapewali ewa ota.

Masmur 114:6

Nunjaa puʼunya painaka komi waʼa buyu netende-tendelaka, pai komi waʼa mpongku ntana metembi-tembilaka?

Roma 11:6

Sira mampilisi waʼa ntau seʼe ua towe ndaya-A banya ua kadago mpowia ntau seʼe. Maka ane pompilisi i mPue Ala setu merontada ri powia ntolino, inceʼe posokinya katowe ndaya mPue Ala banya towe ndaya anu maliogu.

Mikha 1:4

Waʼa buyu magonu ri ara mpajaʼa-A da ewa panggere ri raya apu anu mareka-reka; tananya maunju tudu ri yombo da ewa ue anu ri pongku ntana moili tudu ri rato.

Yesaya 28:16

Inceʼe painaka i Pue Anu Ndate ri Peawanya mantoʼ ewaseʼi, “Yaku da mangadika nono watu pancuʼu anu maroso ri Sioni; sambaʼa watu pancuʼu anu masuli pai lau ukinya anu mantoʼo, ‘Isema anu maroso peaya ndayanya bareʼe da meʼuru panangi.’

Pangkita 16:20

Pura-pura togongi mepayanaka, pai pura-pura buyu woʼu paya.

Epesus 2:20

Komi ndawangu ri wawo mpondasi anu napatunda waʼa ncuro pai waʼa nabi paikanya watu mpompakarosonya i nceʼemo i Kerisitu.

Lukas 20:17

Ndapatomata i Yesu tau seʼe nepa ndatoʼoka, “Ane ewanceʼe nunjaa posokinya anu ndaʼuki ri Sura Magali anu mantoʼo, ‘Watu anu bareʼe napake waʼa mpande, mewalimo watu nono ntongonya.’

Lukas 3:5

Waʼa ngoyo da ndabuketi, waʼa buyu pai pongku ntana da ndapapewali rato, jaya anu modenggo-denggo da ndapakayoa pai jaya anu motabiloke da ndapakalori.

Matius 21:42

Ndatoʼo i Yesu ri tau seʼe, “Ara bareʼepa ndibasa anu lau ndaʼuki ri Sura Magali? ‘Watu anu bareʼe napake waʼa mpande mewalimo watu nono ntongonya. Inceʼimo powia i mPue; ara maʼaisa peawanya!’ ”

Yeremia 33:11

Paikanya ri waʼa ngkareʼe setu da ndadonge muni oni nganga ngkawongko ndaya pai kadoro mposusa mpopawawa. Da ndadonge muni ngayu waʼa anu mangkeni panyomba mpeunde njoʼu ri banua-Ku. Da natoʼo ntau seʼe, ‘Pontarima kasimo ri Pue Anu Makuasa, ua Sira pande mporaya pai towea bereʼe kapusanya.’ Tana seʼi da kupapewali gana-gana ewa ri tepuʼunya. Yaku Pue anu mompaumo seʼi.”

Markus 12:10

Sangaya-ngaya roomo ndibasa pau seʼi ri Sura Magali, ‘Watu anu bareʼe napake waʼa mpande mewalimo watu nono ntongonya.

Matius 21:21

Mesono i Yesu ndatoʼo, “Monco, ane ndiaya pai bareʼe bata-bata rayami, komi seʼe da ndikoto mampowia ewa anu Kupowia ri kaju ara seʼi. Pai banya podo anu ewanceʼe, da ndikoto mantoʼoka buyu sinjau, ‘Kateokotakamo pai penawumo ri tasi!’ Sangaya-ngaya da mewali.

HABAKU 3:6

Ane meʼonto komi mondende lino, ane meole komi waʼa banca guaga. Waʼa buyu anu lawi njaumo mabira; waʼa pongku ntana anu rodo-rodo metaunaka, ri waʼa mpongkuntana setumo pelinja-Mi ungka ipiamo.

ESIRA 3:10

Ri tempo mpontepuʼu waʼa ntopotetala mangkodowaka pondasi Banua i mPue, waʼa ntadu mpanyomba mampake juba, mangkekeni surupeta pai mekakore ri tampa mpekakorenya sambaʼa-sambaʼa seʼe. To Lewi ungka ri tina i Asapi mekakore woʼu njairia maloe waʼa nggongi kodi. Tau seʼe maunde-unde i Pue malulu podede ncongka anu roo ndapatunda ri tempo i Mokole Daudi.

Masmur 84:11

Moruana sandeme ri Banua-Mi, painaka moncowu ndeme ri kareʼe anu ntaninya. Yaku mampilisi da mewali topojaga dampo ri Banua mPue Ala pueku, painaka da meari ri banua ntau majaʼa.

Sakharia 4:8

Nepa rata woʼu nuntu anu ntaninya ungka ri Pue.