Sakharia 4:6 - Sura Magali Nuntu Ngkatuwu

⁶ Malaʼeka setu mampokau yaku da mangantoʼoka i Serubabeli nuntu mPue ewaseʼi, “Banya ua roso ncurodado pai banya woʼu ua rosomu ngkaliomu mampapowua tetalamu, paikanya pai Inosa-Ku.

Sakharia 4:6 Referans Kwoze

Masmur 33:16

Penangi i mokole banya ua kasondo imba ncurodadonya, surodado bareʼe tesorepaka ua karosonya.

Hosea 1:7

Paikanya banca Yahuda da Kupokapuru. Yaku Pue, Pue Ala pue ntau seʼe, da mangancorepaka tau seʼe, paikanya banya pai poʼiwali, pai banya woʼu pai mata mpenai bara mata mpana bara nyara pai topelambanya.”

2 Tawarikh 14:11

Nepa mekakai i Asa ri Pue Ala puenya natoʼo, “Boo Pue! Podo Komi anu makuasa da mampelae anu malente da mancuaraki anu maroso. Ndipelaemo kami seʼi-seʼi, boo Pue Ala pue mami! Podo ri Komi petionda mami pai ri raya ntoʼomi da kakoto maewa iwali anu maʼai ngkasondo seʼi boo Pue, Komi Pue Ala pue mami. Neʼe ndipapaliu kami da nanangi nto lino.”

Yesaya 32:15

Paikanya sangkanipa i Pue Ala da rata pai kuasa. Painaka pada bone da mewali waʼa njamaa anu malimbokori, pai waʼa njamaa da ewa yopo.

Yesaya 30:1

Ndatoʼo i mPue, “Marugimo waʼa ntopombawanaka nto Yahuda maka tau seʼe meewamo ri Yaku. Tau seʼe malulumo waʼa ntunggai ndayanya anu banya tangara ndayaku. Tau seʼe mampareʼemo pojanji anu mombetalikusi pai pepokono-Ku. Mewali popapatapimo salaa ntau seʼe.

Pombilang 27:16

“Boo Pue Ala, anu mangawai katuwu ri pura-pura anu tuwu, merapi puru yaku, nditujumo tau anu mangkoto da mawawanaka banca seʼi;

ESIRA 5:2

Madonge pompau nabi radua setu, i Serubabeli pai i Yesua, ganggara mantepuʼu muni pombangunaka Banua i mPue ri Yerusale natulungi nabi radua setu.

1 Petrus 1:12

Ndapapaincani i mPue Ala ri waʼa nabi setu kono waʼa anu napowia ntau seʼe banya da tilanya paikanya da tilami; inceʼemo kono anu yontomo ndipedongeka wawaseʼi ungka ri topompetumbu Nuntu ngKatuwu kono i Yesu Kerisitu. Inosa mPue Ala ungka ri suruga anu mawai kuasa ri tau seʼe da mampetumbuka komi. Sako waʼa malaʼeka da rayanya maincani nuntu anu napetumbu ntau seʼe setu.

Epesus 6:17

Katesorepakami da mewali songko waja pai Nuntu i mPue Ala da mewali penai ungka ri Inosa mPue Ala.

Pomulanya 41:16

Mesono i Yusupu natoʼo, “Banya yaku pue, paikanya i Pue Ala anu mangawai totoraka anu monco.”

1 Samuel 14:6

Natoʼo i Yonata ri pemuda anu mangkeni parewa mpoʼiwalinya, “Kaligamo takanjoʼu ri pojaga nto Pelisiti to polamoa setu. Tuarapa i Pue da mampelae kita. Maka i Pue ndakoto mawai penangi, madago sondo tau bara sakodi tau.”

1 Samuel 17:47

pai pura-pura tau anu rata ireʼi da mangangkita, i Pue bareʼe mampake penai pai tawala da mancorepaka waʼa ntaua. Siramo anu mampakanoto pelinja mpoʼiwali seʼi pai mampepombaika komi ri pale mami.”

1 RAJA-RAJA 19:12

Roo setu tudumo apu, pai ri raya apu setu bereʼe i Pue. Roo inceʼe njiimo pura-pura, nepa nadonge oni nganga dei-dei maʼalusu.

ESIRA 3:10

Ri tempo mpontepuʼu waʼa ntopotetala mangkodowaka pondasi Banua i mPue, waʼa ntadu mpanyomba mampake juba, mangkekeni surupeta pai mekakore ri tampa mpekakorenya sambaʼa-sambaʼa seʼe. To Lewi ungka ri tina i Asapi mekakore woʼu njairia maloe waʼa nggongi kodi. Tau seʼe maunde-unde i Pue malulu podede ncongka anu roo ndapatunda ri tempo i Mokole Daudi.

TOPOTUNTU 9:11

Ri lino seʼi reʼepa anu kukita; tau anu magasi molonco bereʼe da menangi mpaliu ri pasilumba, tau anu maroso bareʼe da menangi mpaliu ri pombetoto. Tau anu loʼe bareʼe pura-pura marata tetala. Pai tau anu loʼe bareʼe bara pura-pura marata kakoreʼe. Ewanceʼe seʼe waʼa ntau anu gana loʼenya bareʼe bara pura-pura mewali tau anu tetoʼo. Maka pura-pura paka da napere ngkapari.

DANIELI 2:34

Sindara komi ntongo meole-oleka turuki setu, reʼe saogu watu bangke anu maloka ungka ri apa buyu anu tindo, seʼi bereʼe tau anu mangalengko, mampere turuki setu ri witinya anu ndapowia ungka ri besi pai ri tana setu painaka malesa.

HAGAI 1:1

Ri taʼu karadua poparenta i Datu Dariusi ri Parasia, ri sambaʼa eo mbuya kaʼaono, i Pue mompau mampoliu i Nabi Hagai. Nuntu i mPue setu tetulabasi ri Serubabeli ana i Seatieli, petoro Yahuda, pai Tadu mPanyomba Bangke Yosua ana i Yosada.

HAGAI 2:21

da naparata ri Petoro Serubabeli. Ndatoʼo i mPue, “Bareʼemo masae yangi pai lino da Kunjuasi,

Sakharia 6:12

Toʼoka siʼa Yaku Pue Anu Makuasa mantoʼo, ‘Tau anu ndatoʼo I Wayonya da mowua tetalanya ri kareʼenya pai siʼa da mangawangu Banua i mPue.

ESIRA 2:2

Waʼa ntadulako ntau seʼe inceʼemo: i Serubabeli, i Yesua, i Nehemia, i Seraya, i Reelaya, i Modekai, i Bilasa, i Misipari, i Bigawai, i Rehumi pai i Baana. Seʼimo toʼo santina-santina seʼe to Isaraeli pai imbanya anu mewalili ungka ri pantawani:

Yesaya 34:16

Pepalimo pai basamo ri raya Ncura i mPue: Bereʼe mau sangaya ri pura-pura anu moʼinosa anu da tetaji bara anu bereʼe totonya. Maka ewanceʼemo songka i mPue, pai Sira ngkalioa anu roo mampasambaka tau seʼe.

Yesaya 59:19

Kuasa pai kabangke mpeawaa da napokaeka ntau pura-pura ungka ri pebetea rata ri kasoyoa. Sira da rata ewa porumuku ngkoro ue anu majoli anu napaporopo ngoyu anu marimbo.