Sakharia 3:8 - Sura Magali Nuntu Ngkatuwu

⁸ Pedongekamo ee Tadu mPanyomba Bangke Yosua, ewanceʼe seʼe komi waʼa ntadu mpanyomba anu mewali yununya, komi pura-pura mewali petondoni reme da rata anu madago. Ri tempo setu Yaku da mangampokau watua-Ku anu ndapapotoʼo, ‘I Wayonya’.

Sakharia 3:8 Referans Kwoze

Yeremia 23:5

Ndatoʼo i mPue, “Da rata temponya da kupangalanti sambaʼa mokole anu mayoa ungka ri muli i Daudi, mokole setu da moparenta ri kaloʼe ndaya, pai da mawianaka anu mayoa pai monco ri pura-pura lemba.

Yesaya 11:1

Muli i Mokole Daudi ewa puʼu ngkaju anu roomo ndatowo. Paikanya mau ewanceʼe ungka ri tuʼanya tuwu wayonya anu dawoʼu, ewanceʼe seʼe ungka ri muli i Daudi da mebete sambaʼa mokole.

Sakharia 6:12

Toʼoka siʼa Yaku Pue Anu Makuasa mantoʼo, ‘Tau anu ndatoʼo I Wayonya da mowua tetalanya ri kareʼenya pai siʼa da mangawangu Banua i mPue.

Yeremia 33:15

Ri tempo setu sambaʼa tau anu loʼe pai mayoa ungka ri muli i Daudi da Kupilisi mewali mokole. Mokole setu da mawianaka nunjaa anu mayoa pai monco ri juku-juku lemba.

Yesaya 53:2

I Pue mantangara ndaya watua-A setu da ewa wayo ngkaju anu makese katuwunya ri tana anu mangau, bereʼe katenoʼo ndayata da mampeole, bereʼe ri siʼa anu sintinaja da taposawoyo ndaya.

Yesaya 42:1

Ndatoʼo i mPue, “Inceʼimo ana-mayunuku anu kusambiranaka, tau anu Kupilisi anu mampakawongko rayaku. Yaku mangawaika siʼa kuasa anu mangangkeni kayoa ri pura-pura banca.

Yesaya 20:3

Sindara palimbu ncape kota Asido, ndatoʼo i mPue, “Pomokau-Ku i Yesaya tatogo ntaʼumo pelambe-lambenya pai bareʼe motalupa. Inceʼemo petondoni nunjaa anu da mewali ri Masiri pai Sudani.

Yesaya 4:2

Da rata temponya i Pue da mampalimbokori waʼa mpinamuya pai waʼa ngkaju da tuwu mewali bangke pai meawa ri tana seʼi. Ri eo setu to Isaraeli anu tesorepaka da mawongko rayanya pai madonde rayanya ua pandata ri pojamaanya.

YEHESIKIELI 12:11

Totorakaka kakononya nunjaa anu nuwianaka setu inceʼemo limbayo nunjaa anu da mewali ri tau seʼe, inceʼemo: tau seʼe da mewali tau ndataji pai mewali tawani.

Yesaya 53:11

Inceʼe painaka ndatoʼo i mPue, “Karoonya mantodosaka pari, da madago katuwunya pai lindo rayanya. Watua-Ku setu anu mampakawongko rayaku, roomo mangkoyo huku ntau sondo; ua kasiʼanya Yaku bareʼemo mampepalisi salaa ntau seʼe.

Yesaya 52:13

Ndatoʼo i mPue, “Kamonco-monconya watuaku sintinaja; siʼa da naunde-unde ntau pai da nabangkei.

Yesaya 49:5

Ri kabareʼepanya ndapoana, yaku ndapeboo i mPue mewali watua-A, da mampasingkandomu waʼa ntaua to Isaraeli, da naka mewalili ri Sira tau seʼe. I Pue mampapewali yaku tetubunaka, Pue Ala inceʼe rosoku.

Yesaya 8:18

Seʼimo yaku pai waʼa ana anu ndawaika yaku i mPue. I Pue Anu Makuasa anu moparenta ri Pangku ntana Sioni, mampokaukami mewali petondoni ri to Isaraeli.

Lukas 1:78

I Pue buke puru pai towe ndaya kajela-A ua mancorepaka kita. Daʼewa reme mebete mpowuro.

YEHESIKIELI 37:24

Tau seʼe da ndapasambaʼa-mbaʼa da naparenta sambaʼa mokole anu ewa i Mokole Daudi, anu moparenta rantani masae-sae. Ri katodo ntau seʼe mangalulu waʼa mpadika-Ku. Pai rantani masae-sae tau seʼe sangkani pai waʼa mulinya da mampeari tana setu, tana anu kuwaika i Yako pai napeari ntau piamo ntau seʼe.

YEHESIKIELI 34:29

Yaku da mampakalimbokori waʼa njamaanya painaka bareʼemo reʼe tempo ngkaoro ri tana setu. Tau seʼe bareʼe da napetikodi waʼa banca ntaninya.

YEHESIKIELI 24:24

Inceʼe painaka yaku Yehesikieli da mewali pandiri ri komi; komi da mawianaka ewa anu kuwianaka seʼi. I Pue mantoʼo ane mewali incetu, nepa da ndiincani ka-Siranya Pue Anu Ndate ri Peawanya.”

Yesaya 49:3

Ndatoʼoka yaku, “Sikomo watua-Ku; Yaku da ndabangkei ua siko.”

Masmur 71:7

Katuwuku mewali pandiri ri waʼa ntau sondo, maka Komimo petatondoku anu maroso.