Sakharia 3:4 - Sura Magali Nuntu Ngkatuwu

⁴ Inceʼe painaka natoʼo malaʼeka setu ri waʼa ntoporioko ri suruga, “Tajikamo rengko anu keʼonu anu napake ntau seʼi.” Nepa natoʼoka i Yosua, “Salaamu roomo kutaji, siko da kuwaika rengko anu dawoʼu.”

Sakharia 3:4 Referans Kwoze

Lukas 15:22

Paikanya napeboo mpapanya waʼa ntoporiokanya natoʼoka, ‘Nditima maliga-liga rengko anu madolidi, ndipaporengkoka anaku seʼi, ndipatakaka sinci ri karamanya, pai ndipasuncuka talupa ri witinya.

Yesaya 61:10

Yerusale mangantoʼo, “Mawongko-wongko rayaku ua i Pue, madonde rayaku ua i Pue. Ewa tumpungkoro tuama pai weʼa ndapatakaka parewa ngkadolidi paka magaya, ewancetumo i Pue mampaporengkoka baju ngkatesorepaka pai penangi.

Pangkita 7:14

Mesono yaku, “Bareʼe kuincani, Tua. Komi tua anu maincani.” Nepa mompau Sira ndatoʼoka yaku, “Inceʼemo waʼa ntau anu tesorepakamo mampoliu tempo mpejeani anu maʼai kojo. Tau seʼe roomo mabusu waʼa juba ntau seʼe nepa napakabuyaka pai daa i Ana Bimba setu.

YEHESIKIELI 36:25

Roo setu komi da kuwebusika ue anu malino, da naka magali komi ungka ri salami pai ungka mpengaya-ngaya lamoami pai ungka ri mpengaya-ngaya anu mampakakarikamo komi.

Yesaya 43:25

Paikanya Yaku Pue Ala anu bareʼe mampepalisi salaamu, Yaku bareʼe mangkitanaka siko ua ewanceʼemo yaku; bareʼemo kuendo salaamu.

1 Korintus 6:11

Reʼe bara tesangkuja tau ri oyomi, anu iʼowi ewanceʼe poʼengkonya. Paikanya wawaseʼi komi roomo ndapakagali ungka ri salaa. Komi mewalimo tau i mPue Ala anu ndapatani. Komi simadagomo pai Pue Ala, ua peayami ri Yesu Kerisitu pai ua roso ngkuasa Inosa ungka ri Pue Ala pueta.

Sakharia 3:7

“Ane nululu waʼa mpadika-Ku pai nuwianaka waʼa ntetala anu Kuwaika siko, maya siko mpaliu mewali topombawanaka ri raya Banua-Ku pai mampasilolongani tambalenya. Yaku da mampedongeka waʼa mpekakaimu, ewa kupampedongeka waʼa mpekakai malaʼeka anu reʼe ri sori-Ku.

Mikha 7:18

Bereʼe Pue Ala anu ewa Komi, boo Pue, anu bareʼe mangkitanaka salaa waʼa ntau anu ndipilisi anu totaʼa. Banya rantani masae-sae karau ndayami; paikanya ndipokono mantuju towemi anu bereʼe kapusanya setu.

Yesaya 61:3

da mawai wongko ndaya pai donde ndaya, ri waʼa ntau anu mapari raya pai masusa raya; da mangabalisaka kapari ndaya ntau seʼe mewali ngayu mpeunde. Tau seʼe da ewa puʼu ngkaju anu ndapomuya i mPue ngkalioa. Tau seʼe da mangawianaka anu madago pai monco, painaka i Pue ndapapeawa.

Ibrani 8:12

Waʼa ncalaanya bareʼemo da Kukitanaka, pai bareʼemo da Kudika ri raya-Ku waʼa ncalaanya.”

2 Korintus 5:21

I Kerisitu bareʼe masalaa, paikanya i Pue Ala mampapakoyoka Sira huku ncalaata, da naka kita ndapasimadago pai i Pue Ala ua kasambaʼa-mbaʼata pai i Kerisitu.

Sakharia 3:9

Kudika ri suara i Yosua saogu watu anu mosuno papitu anu da Kuwoti pai waʼa uki. Ri raya anu sandeme da Kutaji salaa ungka ri tana seʼi.

Masmur 51:9

Ndipakagalimo yaku da naka magali; ndiwusoʼimo rayaku, da naka yaku meruu ngkabuya painaka bagi.

Kolose 3:10

Komi seʼi-seʼi ndawaikamo katuwu anu dawoʼu. Komi mewalimo tau dawoʼu pai ntongo da ndapakadawoʼu mpaliu; anu mampapewali inceʼemo i Pue Ala malulu turuki-A. Anu ndatinako ndaya da naka teranga-rangani paincanimi i Pue Ala.

Roma 6:23

Maka kapate inceʼe sili ncalaa; paikanya katuwu anu monco anu bareʼe da reʼe kapusanya sangkani-ngkani pai i Kerisitu Yesu Pueta inceʼe pombai mPue Ala anu ndawai ngkabongo ri kita.

Roma 3:22

kaʼi Pue Alanya mawaimo jaya ri tolino da simadago pai Sira, podo ane tolino meaya ri Yesu Kerisitu. Inceʼi ndapowia mPue Ala tila ntau pura-pura anu meaya ri Yesu Kerisitu; maka bereʼe posisalanya.

Yohanes 1:29

Bangke reme nakita i Yohane setumo i Yesu madadu siʼa. Nepa natoʼo i Yohane, “Peole, setumo Ana Bimba mPue Ala anu mangkoyo salaa ntolino.

Lukas 1:19

Mesono malaʼeka setu natoʼo, “Yaku seʼi i Jabaraeli, yaku mamporiokoi i Pue Ala, pai Sira anu mampokau yaku da mampetumbuka siko bambari anu madago seʼi.

Sakharia 3:1

Ri pepatongawa anu ntaninya woʼu, i Pue mampapakitaka yaku Tadu mPanyomba Bangke njau mekakore ri suara malaʼeka i mPue. Ri sambali i Yosua mekakore sambaʼa Seta anu tikalimo da mantuluri siʼa.

Yesaya 52:1

Pembangumo, ee Yerusale, pembangumo! Pakarosomo rayamu! Pakemo rengko ngkamokolemu! Ee Yerusale, kota anu magali, tau anu karika bareʼemo da mesua ri baa-baa ngkotaku.

1 RAJA-RAJA 22:19

Natoʼo woʼu i Mika, “Seʼi-seʼi pedongeka nunjaa anu ndatoʼo i mPue! Kukita i Pue motunda ri gadera mpoparenta-A ri suruga, natolilimi waʼa malaʼeka mekakore sape-sape ri sori-A.

2 Samuel 12:13

Nepa mompau i Daudi ri Nata, natoʼo, “Yaku masalaamo ri suara i mPue.” Masono i Nata, natoʼo, “Bareʼe ndakitanaka i mPue salaami Mokole; mewali komi bareʼe da ndapepate.

Pangkita 5:11

Nepa kukita woʼu. Kudonge oni nganga malaʼeka anu moncowu-ncowu pai mondiwu-ndiwu kasondonya! Tau seʼe mekakore mantolilimi gadera mpoparenta pai pinatuwu anu aopo setu sangkani pai ruampuyu pai aopo tadulako setu.

Matius 22:11

Ungka lairia, mesua i mokole mampapowawo waʼa linggona. Nakita reʼe tau sambaʼa anu bareʼe mampake rengko mposusa.

YEHESIKIELI 42:14

Ane roomo mawianaka tetalanya waʼa ntadu mpanyomba ri Banua i mPue, pai da njoʼu ri sambalikunya, waʼa rengko anu ndapatani napake ntau seʼe mamporiokoi panyomba sangaya-ngaya da nadika ntau seʼe waʼa rengko setu ri raya waʼa lincu setu. Tau seʼe sangaya-ngaya da mampake rengko ntaninya, roo setu nepa maya njoʼu tau seʼe ri kareʼe pompasambaka waʼa ntau sondo.”

Mikha 7:19

Komi da mapuru muni rayami ri kami pai bareʼemo mangkitanaka kami. Waʼa ncalaa mami da ndija-ijaki pai da nditajika ri oru ntasi.

Yesaya 44:22

Kasalamu Kupapalai ewa limu. Salamu kupakapaya ewa gawu. Pewalilimo ri Yaku, maka Yaku malapasakamo siko!”

Yeremia 52:33

Siʼa ndawai mamporontoka rengko mpantarunggu, pai sangkasae ngkatuwunya siʼa maya mangkoni ri langkanae, pai sandeme-sandeme ndawaika doi anu da nakatuwuka.