Sakharia 2:5 - Sura Magali Nuntu Ngkatuwu

⁵ Roo ndajanji i mPue, Sira ngkalioa anu da mewali bente apu anu mantolilimi kota setu da mantatondoi pai Sira da maroo-roo njairia ri kakuasa-A pai peawa-A.”

Sakharia 2:5 Referans Kwoze

Yesaya 4:5

Nepa ri wawo Pongku ntana Sioni pura-pura tau anu mompasambaka njairia, da ndamoutika i mPue limu ri ndeme, rangasu pai rekanya da merara ri wengi. I Pue Ala pue ngkaita ua kuasaa da mangantoruni pai mangkariani sandaya ngkota setu.

Masmur 3:3

Maria anu mantoʼo I Pue Ala bareʼe ndapokono mampelae yaku.

Sakharia 9:8

Yaku da mangajagai tana-Ku pai da mangayawati wʼa ncurodado ntau mencua anu da malempo. Bareʼe da kuwai waʼa ntopojeani mampowatua waʼa ntau-Ku. Maka Kukitamo kapari ntau seʼe.”

Pangkita 21:23

Kota setu bareʼe mampake rara ndeme bara rara mbuya, maka kabangke mpeawa mPue Ala anu mampakareme pai i Ana Bimba inceʼe silonya.

Yesaya 12:6

Panggora-nggoramo ee bangani Sioni, pongayumo ri wongko ndaya. I Pue Ala anu magali pue nto Isaraeli anu maʼai mpeawa, Sira maroo-roo ri oyomi.”

Masmur 48:3

Sioni, Pongkuntana i mPue, meuntu-untu madolidi kota Mokole Bangke mampakawongko raya ntau sambawo lino.

Yesaya 33:21

I Pue da mampatongawa kabangke mpeawaa ri kita, kita da tuwu ri wingke koronya anu bangke, anu bareʼe nakoto ngkapala iwali molayagi njairia.

Lukas 2:32

Ewa reme anu mampakareme jaya tila waʼa banca ntaninya, da maʼi ri Komi; inceʼemo reme anu mangkeni katetubunaka tila waʼa ntau-Mi to Isaraeli.”

Masmur 48:12

Mbolimo waʼa nto Sioni pai waʼa nto Yahuda madoro-doro mawongko raya, maka Komi mahuku iwali ntau seʼe.

Masmur 46:5

Reʼe koro ue anu moili mampakawongko raya ngkota i mPue Ala, kanjau mpeari i mPue Ala Anu Makuasa.

Masmur 85:9

Kupodaraya mangadonge pau i mPue Ala; Sira mangajanji kalindo ndaya ri kita waʼa ntau-A, podoia kita bareʼe mowia salaa.

Masmur 125:2

Ewa buyu mantambarangi Yerusale, ewanceʼemo pangkariani i mPue waʼa ntau-A, montepuʼu seʼi-seʼi rantani masae-sae.

Yesaya 31:9

Mokole ntau seʼe da molonco ua kaeka ndayanya, pai waʼa ntadulako ncurodadonya da maʼai katesaluntengkunya, painaka da napalaika waʼa bandera mpoʼiwalinya.” I Pue roomo mompau, Pue anu ndapanyomba pai ndatubunaka pai panyomba anu ndaʼombasi ri Yerusale.

Yesaya 32:18

Waʼa ntau i mPue Ala da lapa ungka ri kapari pai da tuwu ri kareʼe anu maʼuono pai kalindo ndaya.

YEHESIKIELI 38:14

Inceʼe painaka i Pue Anu Ndate ri Peawanya mampokau yaku da mamparata ri Gogi pau seʼi, “Lawi ri tempo waʼa ntauku Isaraeli uono pai lindo katuwunya, siko rata mopaungku.

YEHESIKIELI 42:20

Mewali tana kareʼe mpotunda Banua i mPue setu mosulapa aopo, sanculapa-sanculapa seʼe siwia karatenya 250 meteri. Tana setu natolilimi tembo anu mangaoyoti tana kareʼe Banua i mPue pai tana anu ri sambalikunyu.

Sakharia 2:10

Ndatoʼo i mPue, “Pongayumo ri kawongko ndayamu ee bangani Yerusale. Yaku da maroo-roo ri oyomi!”

Sakharia 2:11

Ri tempo setu maria banca anu da rata ri Pue da mewali tau-A. Siʼa da maroo-roo ri oyomi, pai da ndiincanimo kaʼi Puenya anu mampokau yaku ri komi.

Sakharia 9:14

I Pue da mampapamara koroa ri waʼa ntau-A ewa pesindi ngkila da pesupalaka waʼa mata mpanaa. I Pue Anu Ndate ri Peawanya da mantawuisi surupeta petondoni mpopaungku, nepa melinja ri raya lompiu ungka ri selata.

Yeremia 31:39

Ungka njairia pontepuʼunya mantotoka Pongku ntana Garebi, nepa mebia njoʼu ri Goa.

YEHESIKIELI 47:3

Tuama setu mampontubuka toko mpontubunya, pai mampoyunu yaku malulu poili ue setu njoʼu ri tondo pebetea 500 meteri kalawanya, nepa nopakau yaku mowote. Njairia kayombu uenya podo rata ri wuku yali.

Sakharia 1:16

Seʼi-seʼi Yaku mewalili ri Yerusale da mampatongawaka tau seʼe kapuru ndayaku ri kota setu. Banua-Ku da ndawali wangu pai kota Yerusale da ndabaresi muni.”