Sakharia 2:10 - Sura Magali Nuntu Ngkatuwu

¹⁰ Ndatoʼo i mPue, “Pongayumo ri kawongko ndayamu ee bangani Yerusale. Yaku da maroo-roo ri oyomi!”

Sakharia 2:10 Referans Kwoze

Matius 28:20

Ndipatadaka tau seʼe da napaincani malulu pura-pura anu roo Kusongkaka komi. Pai da ndipaincani Yaku da sangkani-ngkani pai komi rantani rata ri kapusa lino.”

Sakharia 8:3

Yaku da mewalili ri Yerusale, kota-Ku anu magali setu. Yerusale da tetoʼo ewa sambaʼa kota anu todo. Pai pongkuntana i mPue Anu Makuasa da natoʼo Pongkuntana Magali.

Yohanes 1:14

Nuntu mewalimo tolino, ri oyotamo peari-A, takitamo peawa-A. Peawa setu ndatarima ua ka-Siranya Ana mPapa anu sambaʼa-mbaʼa. Mampojaya Sira kita mangkita i Pue Ala pai towe ndaya-A ri kita.

Sakharia 9:9

Ee bangani Sioni, pakawongkomo rayamu! Ee bangani Yerusale, ponggoramo! Peolemo! Mokole rata mangkeni penangi! Siʼa Mokole anu mayoa anu mangkeni katesorepaka. Paikanya Sira lauka raya, Sira rata mampelamba kalide, sambaʼa kalide anu mangurapa.

SEPANYA 3:17

Komi ndakariani i mPue Ala puemu anu maroso. Komi menangi podo ua kuasaa. Mawongko pai madonde raya i mPue ua komi, ua katowe ndaya-A ndawaika komi katuwu dawoʼu.

YEHESIKIELI 37:27

Yaku da maroo-roo sangkani-ngkani pai tau seʼe, Yakuda mewali Pue Ala pue ntau seʼe pai tau seʼe da mewali tau-Ku.

TADUMPANYOMBA 26:12

Yaku da sangkani-ngkani pai komi, yaku da mewali Pue Ala puemi, pai komi da mewali tauku.

Pangkita 21:3

Kudonge oni nganga ungka ri gadera mpoparenta setu meboo marimbo oni nganganya natoʼo, “Seʼi-seʼi kareʼe mPue Ala sangkani-ngkani pai waʼa ntolino! Sira da sangkani-ngkani pai tau seʼe, pai tau seʼe da mewali tau-A. I Pue Ala ngkalio-A da reʼe ri oyo ntau seʼe pai da mewali Pue ntau seʼe.

Yohanes 14:23

Mesono i Yesu, “Tau anu mampotowe Yaku, da nalulu totoraka-Ku. Pai siʼa da ndapotowe i mPapa. Yaku pai Papa da maʼi maroo-roo sangkani-ngkani pai siʼa.

Yeremia 33:11

Paikanya ri waʼa ngkareʼe setu da ndadonge muni oni nganga ngkawongko ndaya pai kadoro mposusa mpopawawa. Da ndadonge muni ngayu waʼa anu mangkeni panyomba mpeunde njoʼu ri banua-Ku. Da natoʼo ntau seʼe, ‘Pontarima kasimo ri Pue Anu Makuasa, ua Sira pande mporaya pai towea bereʼe kapusanya.’ Tana seʼi da kupapewali gana-gana ewa ri tepuʼunya. Yaku Pue anu mompaumo seʼi.”

Yeremia 30:19

Waʼa banganinya da mangaunde-unde Yaku pai ngayu, pai da manggora-nggora ri wongko ndaya. Yaku da mangampowia tau seʼe tetubunaka pai bareʼemo da ndapetikodi, pai imba ntau seʼe da kako teranga-rangani mpaliu.

Yesaya 66:14

Mangkita incetu, da mawongko rayami, da maroso pai madonde ewa ewo anu mangura. Waʼa mbatua-Ku da mangaepe kakuasa-Ku pai iwali-Ku da mangaepe karau ndayaku.”

Yesaya 51:11

Inceʼe painaka waʼa ntau anu ndalapasaka i mPue da mewalili, tau seʼe mesua ri Yerusale manggora-nggora, lio ntau seʼe makilaya ua wongko-ndaya anu bereʼe kapusanya. Mawongko raya ntau seʼe pai modoro-doro, payamo kasusa pai parindaya.

Yesaya 12:6

Panggora-nggoramo ee bangani Sioni, pongayumo ri wongko ndaya. I Pue Ala anu magali pue nto Isaraeli anu maʼai mpeawa, Sira maroo-roo ri oyomi.”

Pangkita 2:1

“Tila malaʼeka dompu ri Epesu, ukika ewaseʼi: Inceʼimo patiendo ungka ri Sira anu mantangke betuʼe papitu ri pale-A mokana, pai melinja ri oyo papitu potunda ncilo wuyawa setu.

Pilipi 4:4

Mbolimo bareʼe bali-bali wongko ndayami ua komi tuwu ri kasambaʼa-mbaʼa pai Pue. Sangkanipa da kutoʼo ndipakawongkomo rayami!

MALEAKI 3:1

Mesono i Pue Anu Makuasa ndatoʼo, “Yaku da mampokau pomokauku da mampatokaka Yaku jayaku. Bareʼe da ndisoro-soro tingkarasaka Yaku, Pue anu ndipepali, da rata ri Banua-Ku. Pomokau-Ku anu ndipomawu setu da rata mampebooka janji-Ku.”

Sakharia 14:5

Komi da molonco malulu rato anu mantila radua pongkuntana anu mewali radua setu. Komi da molonco ewa tau piamomi tempo mpolinduginya sindara mpoparenta i Usia mokole Yahuda. Nepa da rata i Pue Ala pueku, naaweri malaeka pura-pura.

Yeremia 31:12

Ri Pongku ntana Sioni da karata ntau seʼe, seʼi mongayu ri wongko ri wongko ndaya, ua pura-pura pombaiku ri tau seʼe inceʼemo gandu, lana, anggoro, japi pai bimba. Tau seʼe da ewa bonde anu gana-gana uenya, pai bereʼe nunjaa-njaa anu napomakura.

Yesaya 61:10

Yerusale mangantoʼo, “Mawongko-wongko rayaku ua i Pue, madonde rayaku ua i Pue. Ewa tumpungkoro tuama pai weʼa ndapatakaka parewa ngkadolidi paka magaya, ewancetumo i Pue mampaporengkoka baju ngkatesorepaka pai penangi.

Yesaya 54:1

Yerusale, i owi siko ewa weʼa anu tamana. Paikanya wawaseʼi panggora-nggoramo, pai pongayumo ri wongko ndaya! Maka waʼa anamu maria kojo, meruu ri ana mbeʼa anu bareʼe napalaika langkainya.

Yesaya 42:10

Ndipongayukamo ngayu dawoʼu tila i mPue, undemo Sira, ee sambawo lino! Pewakuumo, ee tasi sangkani pai waʼa banganinya, waʼa ntaua anu lawa pai pura-pura anu mampeari!

Masmur 68:18

Pai kareta ntau seʼe anu mompuyu ncowu pai maroso i Pue Ala njoʼu ri oyo ntau seʼe ri kakuasa-A.

Masmur 40:7

Panyomba pai panyomba pangkoni bareʼe Ndipokono, panyomba ndaʼombasi pai panyomba ngkasalaa bareʼe ndipesingaraka. Paikanya ndiwaikaku talinga anu da madonge oni nganga-Mi.

Yesaya 35:10

Waʼa ntau anu ndalapasaka i mPue da mewalili; tau seʼe da manggora-nggora mesua ri kota Yerusale, lio ntau seʼe da makilaya ua kawongko ndaya ntau seʼe anu bereʼe kapusanya. Tau seʼe da mawongko-wongko pai da madonde rayanya; parindaya pai susandaya da payamo.

Posuwunya 29:45

Yaku da maroo-roo ri tongo banca Isaraeli, pai da mewali Pue Ala ntau seʼe.

Yesaya 37:22

Ndatoʼo, i mPue, “Kota Yerusale da mampopogeleka pai da panggeoni siko Saniheri;

YEHESIKIELI 48:35

Karate ntembo setu pura-pura sasio kilometeri. Pai montepuʼu seʼi-seʼi kota setu da natoʼo ntau: “I Pue NJAU NJAIRIA!”

Sakharia 1:16

Seʼi-seʼi Yaku mewalili ri Yerusale da mampatongawaka tau seʼe kapuru ndayaku ri kota setu. Banua-Ku da ndawali wangu pai kota Yerusale da ndabaresi muni.”

Sakharia 2:5

Roo ndajanji i mPue, Sira ngkalioa anu da mewali bente apu anu mantolilimi kota setu da mantatondoi pai Sira da maroo-roo njairia ri kakuasa-A pai peawa-A.”

Sakharia 2:11

Ri tempo setu maria banca anu da rata ri Pue da mewali tau-A. Siʼa da maroo-roo ri oyomi, pai da ndiincanimo kaʼi Puenya anu mampokau yaku ri komi.

Ulang 28:64

I Pue da mawuraga komi ri oyo waʼa banca ri sambawo lino. Njairia komi da mampanyomba waʼa lamoa anu ndataʼa ungka ri kaju pai watu, waʼa lamoa anu bareʼe ndiincani pai bareʼepa woʼu naincani ntau piamomi.

Yesaya 48:20

Palaimo pai poloncomo ungka ri Babeli, pobambarikamo bambari seʼi ri mbeʼi-mbeʼi. Pobambarikamo pai peboo ri wongko ndaya; “I Pue, mancorepakamo Isaraeli, watua-A!

Yesaya 52:11

Palaimo! Palaikamo kota Babeli ee komi anu mangkeni parewa banua mPue Ala! Neʼe boi ndiisu anu karika; Ndipakagali koromi ri kabareʼepanya tepalai.