Sakharia 13:2 - Sura Magali Nuntu Ngkatuwu

² Ri eo setu da Kupalisi waʼa ntoʼo lamoa ungka ri tana seʼi, painaka bareʼemo reʼe anu mangaendo. Pura-pura tau anu mangaʼaku koronya nabi da Kuiri sangkani pai waʼa ntau anu napesunculoki inosa majaʼa.

Sakharia 13:2 Referans Kwoze

1 RAJA-RAJA 22:22

Ndatoʼo i mPue, ‘Ewambeʼi jaya da nupangkanarasi?’ Mesono inosa setu, natoʼo, ‘Yaku da njoʼu mampaguru pura-pura nabi i Aha setu da mewali kambamba-mbamba.’ Ndatoʼo i mPue, ‘Monco, wianakamo sangaya-ngaya da nuleʼo mangkanarasi siʼa.’ ”

Hosea 2:17

Siʼa bareʼemo da kuwai mangantoʼo-ntoʼo Baali, rantani nakalingani ntau toʼo setu.

Posuwunya 23:13

Da ndiparindayamo mpengaya-ngaya anu roo kutoʼoka komi. Neʼe manyomba ri waʼa lamoa ntaninya, sako da ndisabe mbiwi bareʼe maya.”

YEHESIKIELI 36:25

Roo setu komi da kuwebusika ue anu malino, da naka magali komi ungka ri salami pai ungka mpengaya-ngaya lamoami pai ungka ri mpengaya-ngaya anu mampakakarikamo komi.

YEHESIKIELI 30:13

I Pue Anu Ndate ri Peawanya mantoʼo, “Yaku da mangagero waʼa lamoa pai waʼa lamoa tuama ri Mempi. Bareʼemo da reʼe datu ri Masiri. Pura-pura palilinya da kupakaeka rayanya.

Pangkita 19:20

Paikanya pinatuwu setu ndasoko sangkani-ngkani pai nabi kambamba-mbamba anu roomo mampowia waʼa ntanda ngkuasa ri suara mpinatuwu. (Pai waʼa tanda ngkuasa setumo pinatuwu setu mambambasi waʼa ntau anu mampotumpu tanda mpinatuwu setu, pai waʼa ntau anu manyomba ri turuki mpinatuwu setu.) Nepa pinatuwu pai nabi kambamba-mbamba setu ndatajika tuwu-tuwu ri tasi apu anu mareka-reka pai belerangi.

Lukas 11:20

Paikanya Yaku marumba inosa majaʼa ua kuasa i mPue Ala, inceʼe posokinya i Pue Ala montepuʼumo moparenta riʼoyomi.

Matius 12:43

“Ane inosa majaʼa mesuwu ungka ri tau sambaʼa, inosa setu molayo-layo ri waʼa ngkareʼe anu mangau da mampepali kareʼe mpeosa paikanya bareʼe narata.

SEPANYA 2:11

I Pue da mampakaeka tau seʼe. Sira da mangagero waʼa lamoa ri wawo lino. Nepa mpengaya-ngaya banca da manyomba ri Pue, sambaʼa-sambaʼa seʼe ri tananya ngkalionya.

Mikha 2:11

Komi mampokono nabi anu napokono mombamba pai metengosi pai montonaa kakononya komi da mampotumpu anggoro pai panginu anu mampaka yangu ri kagana-gananya.”

YEHESIKIELI 37:23

Tau seʼe bareʼemo da mampakakarika koronya mowia salaa pai manyomba ri waʼa lamoa anu mampakakarika. Yaku da mangalapasaka tau seʼe ungka ri pura-pura kasala jaya anu mampapopuʼu tau seʼe meewa ri Yaku. Yaku da mangampakagali tau seʼe; tau seʼe da mewali tau-Ku, pai Yaku Pue Ala pue ntau seʼe.

YEHESIKIELI 14:9

Ane sambaʼa nabi anu roomo ndambambasi rantani sala pesononya, Yakumo anu roo mambambasi. Yaku, Pue Ala Anu Ndate ri Peawanya da mampapesuwu siʼa ungka ri oyo nto Isaraeli.

YEHESIKIELI 13:23

Seʼi-seʼi da motandomo waʼa mpepatongawa mbamba pai waʼa mpekitandaya lopumi. Da kuwawence waʼa ntau-Ku ungka ri kuasa njaʼami. Da ndiincanimo kayakunya Pue.”

Yeremia 29:23

Ewanceʼemo katedikanaka ntau seʼe ua pawianakanya waʼa ncalaa anu bangke ri Isaraeli: tau seʼe mosalara, pai mamposabi toʼo i mPue mangampau anu bareʼe monco. Inceʼe mombetadai pai pepokono i mPue. Sira maincani nunjaa anu nawianaka ntau seʼe, pai Sira ngkalio anu mewali sabi maewa tau seʼe. I Pue anu mantoʼomo pau seʼi.”

Yesaya 2:18

Waʼa lamoa pura-pura da ndapakapaya.

Masmur 16:4

Mbolimo waʼa ntau anu manyomba ri lamoa da kakoteranga-rangani kapari ndayanya. Yaku bareʼe kupokono mawai panyomba ri waʼa lamoa, sako da mantoʼo toʼonya bareʼe kupokono.

Yosua 23:7

Ua kaʼinceʼenya komi bareʼe da mombegalo pai waʼa anu ntongo reʼepa meari ri oyomi. Komi bareʼe da mantoʼo bara mampeboo toʼo waʼa lamoa ntau seʼe bara da montando koro mamposabi toʼo lamoa setu. Ewanceʼe seʼe komi bareʼe da manyomba bara da mombukotu ri suara waʼa lamoa setu.

Ulang 12:3

Da ndiruasi waʼa lampaʼani ntau seʼe, da ndigero waʼa nono watu anu nareke ntau seʼe reʼe kuasanya. Da ndipanowa waʼa mpetondoni i Asera, pai da ndigero waʼa nturuki lamoa ntau seʼe, da naka neʼemo boi ndapanyomba woʼu lamoa setu njairia.

Posuwunya 22:13

Ane rapanya pinatuwu setu nasoko mpinatuwu masii, tau mongkambi setu sangaya-ngaya da mantujuka tumpunya waʼa yabi wuku mpinatuwu anu nakoni mpinatuwu masii setu, inceʼe da mewali petondoni ngkamonconya, ane ewanceʼe bareʼe da nabayari karugi ntumpu mpinatuwu setu.

Pangkita 18:2

Pai oni nganganya anu bangke, meboo siʼa natoʼo, “Masuamo! Babeli anu bangke setu masuamo! Seʼi-seʼi siʼa jamo napeari waʼa nceta pai waʼa inosa majaʼa. Njairiamo kareʼe mpeari mpengaya-ngaya tonci anu karika anu napobanciika ntau.

Matius 7:15

“Ndipepeole mpodago waʼa nabi kambamba-mbamba. Tau seʼe da maʼi mampomberataka komi da mokira-kira ewa bimba, ntanoka raya ntau seʼe ewa sarigala anu masii.

Hosea 14:8

Tau seʼe da mewalili ri Yaku pai da maroo-roo ri pangkariani-Ku. Ganggara kojo tau seʼe da teranga-rangani kagana-gana ngkatuwunya, ewa gandu anu tuwu ri bonde anu maboko, pai da ewa bonde anggoro. Ewa ua anggoro Libano toʼo ntau seʼe da tebambari.

YEHESIKIELI 6:6

Pura-pura kota nto Isarael da ndagero, pai pura-pura lampaʼani pai lamoanya malesa ndapaija., waʼa ngkareʼe mantunju dupa, tepujaa. Pai mpengaya-ngaya nunjaa anu napowia ntau seʼe da paya.

YEHESIKIELI 12:24

Ri Isaraeli bemo da reʼe pepatongawa bara wati mbamba,

YEHESIKIELI 36:29

Komi da Kulapasaka ungka ri waʼa ngkakarikami. Yaku da mangasongka gandu da naka tuwu malimbokori painaka komi bareʼemo da naperampe oro.

Ulang 18:20

Paikanya ane reʼe sambaʼa nabi anu mantaha mompau mamposabi toʼoku, ntanoka bareʼe kupokau siʼa da mowia ewanceʼe, siʼa sangaya-ngaya da mate; ewanceʼe seʼe sambaʼa-sambaʼa nabi anu mompau mamposabi toʼo waʼa lamoa sangaya-ngaya da mate.’

YEHESIKIELI 43:7

“Ee tolino anu podo awu ntana, inceʼemo gadera mpoparenta-Ku. Ireʼimo da karoo-rooku ri tongo-tongo nto Isaraeli pai pai moparenta ri tau seʼe rantani masae-sae. Madago tau seʼe, ewanceʼe seʼe waʼa mokole ntau seʼe, bareʼemo da mampakakarika Toʼo-Ku anu magali ri panyomba lamoa bara ri pangadayo ntau seʼe watangkoro waʼa mokole ntau seʼe ireʼi.

Hosea 2:19

Isaraeli, siko da Kupapewali rongo-Ku, rongo anu mpuʼu rantani masae-sae. Siko da Kupotowe pai da Kupomawo mpaliu; Yaku da manoto pai todo.