Sakharia 10:2 - Sura Magali Nuntu Ngkatuwu

² Waʼa ntau merapi totoraka ungka ri waʼa lamoa pai waʼa ntopontonaa, paikanya waʼa sononya anu da rata ntau seʼe inceʼe podo mbamba podo pau soa ngkabongo. Reʼe anu mamposoki pangipi, paikanya totoraka ntau seʼe podo mampakalingu komi, pai pompalindo anu nawai ntau seʼe bereʼe yowenya. Inceʼe painaka waʼa mpalilinya tewuraga ewa bimba. Mapari raya ntau seʼe maka bemoreʼe tepombawanaka.

Sakharia 10:2 Referans Kwoze

Matius 9:36

Pangkita i Yesu tau sondo setu merata puru ndayaa, maka tau seʼe dindinganimo pai bareʼemo naincani da kanjoʼunya, ewa bimba anu bareʼemo reʼe topongkambinya.

HABAKU 2:18

Pulorumo siko! Mompau ri kaju saowo, “Pembangumo!” bara ri watu bangke saogu, “Pakarosomo!” Ara da nakoto nturuki da mampompauka siko? Mau rapanya turuki setu ndaparada mbuyawa bara salaka, paikanya belau inosa ri siʼa. Nunjaa yowenya turuki lamoa setu? Incetu podo powia mpale ntolino. Anu da nurata ungka ri siʼa podo waʼa mbamba ngkabongo. Bereʼe yowenya peaya ndaya ntau anu mampowia lamo ri lamoa powia mpalenya, anu bareʼe nakoto mompau-mpau setu.

Hosea 3:4

Ewanceʼemo katedikanakanya to Isaraeli; masae kojo temponya tau seʼe sangaya-ngaya da tuwu bereʼe mokole anu mawawanaka, bara topombawanaka, bereʼe panyomba bara waʼa ntugu anu ndasarumaka reʼe kuasanya, bereʼe waʼa lamoa bara waʼa ajima anu da mampapaincanika nunjaa anu da mewali ripurinya.

YEHESIKIELI 34:5

Ua bareʼe mampotumpu topongkambi, waʼa bimba setu tewuraga, pai mewali sinoko mpinatuwu masii.

Yeremia 27:9

Neʼemo ndipedongeka waʼa nabi bara isema ntano anu mampetangani komi da meʼuru ri datu nto Babeli, mau tau mangaku maratamo totoraka mampoliu pangipi, bara waʼa angga bara roso ncigawu.

Pomulanya 31:19

Sindara setu i Laba njau ri pada magunci wuyu bimbanya, pai ri tempo setumo napampelima i Raheli turuki lamoa anu mangkariani sombori anu napapakoroka mpapanya.

YEHESIKIELI 34:8

Ua ka-Yakunya Pue Ala anu tuwu, pedongeka! Waʼa bimba-Ku nasokomo pai nakonimo mpinatuwu anu masii, ua bereʼe anu mangangkambi tau seʼe. Komi waʼa ntopongkambi bareʼe mangangkambi waʼa bimba setu. Komi podo manawa-nawa koromi ngkaliomi, banya manawa-nawa katuwu waʼa bimbami.

Mikha 2:12

Ndatoʼo woʼu i mPue, “Ee waʼa nto Isaraeli anu njaupa yau yabinya! Komi sangaya-ngaya da Kupasambaka pai da Kupasambaʼa-mbaʼa da ewa bimba anu mewalili ri monconya. Da ewa pada ewo anu buke-buke pai bimba, da ewanceʼemo woʼu tanamu da buke pai waʼa ntau anu sondo.

YEHESIKIELI 21:29

Pepatongawa anu ndikita podo mbamba, wati anu nditoʼo woʼu podo mbamba pai lopu. Komi majaʼa pai baleparu, pai tempo mpahuku komi anu kapusanya mosumo. Penai setu anu da mangasewo leʼemu.

YEHESIKIELI 21:21

I datu Babeli da mekakore mosu ri dopi patoto njaya setu. Da napaincani jaya mbeʼi anu da nalulu, siʼa merapi totoraka ungka ri waʼa lamoanya, narekosi mata mpana pai mamparesa ate mpinatuwu anu nepa roo mpinca ndapanyombaka.

Ratapan 2:14

Anu naparata waʼa nabi ri siko, podo lopu pai mbamba ngkabongo. Bereʼe napancungketi ntau seʼe salaamu, inceʼe painaka bareʼe majeʼa siko. Paikanya tau seʼe podo mamparataka siko waʼa mpau mbamba anu mampakawongko raya.

Yeremia 51:23

Siko da Kupake mangagero topongkambi pai pinatuwunya, topojamaa pai japi anu napopajekoka, tau makuasa pai waʼa ntadulako bangke ncurodadonya.”

Yeremia 50:17

Ndatoʼo i mPue, “Waʼa nto Isaraeli jamo ewa bimba anu ndaduduki pai nawuraga ncinga. Uyu-uyunya tau seʼe naungku datu nto Asuri, nepa i Nebukanesa datu nto Babeli mangkokoti rata ri wuku ntau seʼe.

Yeremia 37:19

Mbeʼi waʼa nabini Mokole anu mangantoʼo i Datu Babeli bareʼe da maungku komi pai tana seʼi Mokole?

Yeremia 29:8

Yaku Pue Anu Makuasa, Pue Ala pue nto Isaraeli, mampatiendi komi da naka neʼe ndipokono nambambasi waʼa nabi kalopu-lopu anu reʼe maroo-roo ri oyomi, bara isema ntano anu mangantoʼo tau seʼe maincani nunjaa anu dia mewali ri reme-reme anu nepa da rata, Neʼe ndipedongeka waʼa mpangipi ntau seʼe.

Yeremia 28:15

Pura-pura setu kuparataka i Hananya, nepa kutoʼoka woʼu, “Pedongeka ee Hananya! I Pue bareʼe mampokau siko mampowiamo banca seʼi maaya pau mbamba.

Yeremia 23:17

Ri waʼa ntau anu bareʼe mampokono mampedongeka waʼa mpauku, bareʼe bali-bali napantoʼoka tau seʼe, ‘Komi da tesorepaka.’ Pai ri pura-pura tau anu mapeni woʼo, natoʼoka ntau seʼe, ‘Siko bareʼe da marata rugi.’ ”

Yeremia 14:22

Waʼa lamoa waʼa banca, bareʼe nakoto mampatudu uja ri lino. Yangi seʼe bareʼe nakoto mampatudu uja ua kuasanya ngkalionya. Podo Komi anu kasarumaka. Komi anu mampapewali pura-pura.

Yeremia 14:13

Nepa mompau yaku kutoʼo, “Boo Pue Anu Ndate ri Peawanya, ndiincani waʼa nabi roo mompau ri waʼa mpalili, mantoʼo kabare-enya reʼe poʼiwali bara kaoro, maka roomo ndijanji ri tana seʼi da reʼe mpaliu kaʼuononya.”

Yeremia 10:8

Tengo pai tengo kojo tau seʼe pura-pura, maka lamoanya podo kaju ngkabongo, bareʼe nakoto mampaguru anu moyowe.

Yeremia 8:11

Waʼa mbela waʼa ntauku nareka ntau seʼe podo wela kodi, ‘Oo bareʼe makuja-kuja,’ natoʼo ntau seʼe, ‘pura-pura madago-dago,’ uono, ntanoka banya liu-liu ewanceʼe.

Yeremia 6:14

Waʼa mbela waʼa ntauku napesaru-saru ntau seʼe podo ewa wela anu kodi. ‘Oo bareʼe makuja-kuja,’ natoʼo ntau seʼe, ‘Pura-pura madago-dago pai bareʼe makuja-kuja.’ Ntanoka banya ewanceʼe.

Yesaya 46:5

Pai isema anu da ndipasiwiaka pai Yaku? Ara da reʼe anu ndipasiwia pai Yaku?

Yesaya 44:9

Waʼa ntau anu mampowia turuki lamoa bereʼe yowenya, pai waʼa lamoa anu napanyomba ntau seʼe bareʼe yowenya. Waʼa ntau anu mampanyomba turuki setu buta pai bareʼe naincani bara nunjaa-njaa, inceʼe painaka tau seʼe da mangarata ea mata.

AYUBI 21:34

Mewali, pompalindomi setu soa, pai waʼa mpesonomi podo mbamba!”

AYUBI 13:4

Maka komi mangkaʼuwi katengomi pai pombamba ewa poʼengko ntopopagere.

1 RAJA-RAJA 22:17

Mesono i Mika, natoʼo, “Kukita waʼa ncurodado nto Isaraeli tewuraga ri wawo buyu mongkodo, tau seʼe jamo ewa bimba, anu bereʼe topongkambinya, ewanceʼe pantoʼo i mPue kono tau seʼe, ‘Waʼa ntau seʼe bereʼe tadulakonya, mbolimo napewalili madago-dago.’ ”

TADULAKO 18:14

Natoʼo ntau alima anu ndapokau padaso owi ri waʼa yununya, “Bara bareʼe ndiincani ri oyo waʼa banua seʼi, reʼe sambaʼa banua kareʼe nturuki anu ndalapisika salaka? Reʼe woʼu waʼa nturuki ntaninya pai epo, koisa ndinawa-nawa nunjaa anu da tapowia?”

Pombilang 27:17

sambaʼa tau anu mangkoto da mewali tadulako mpoʼiwali ri tempo mpoʼiwali ntau seʼe. Neʼe ndipapali waʼa ntaumi seʼi, da ewa bimba anu bareʼe mampotumpu topongkambi.”

Markus 6:34

Ri tempo mpenaʼu i Yesu ungka ri duanga, ndakita tau sondo. Merata puru ndaya-A ri tau seʼe maka tau seʼe ewa bimba anu bemoreʼe topongkambinya. Ndatepuʼu mampaguruka anu maria ngaya ri tau seʼe.

Yeremia 23:32

Yaku, Pue, da mangaewa woʼu waʼa nabi anu mamparata waʼa mpangipinya anu buke pai mbamba. Tau seʼe mangalinguni waʼa ntau-Ku pai mbamba ri wosa ntau seʼe. Bareʼe Kupokau waʼa nabi setu. Tau seʼe manoto beliu-liu reʼe yowenya ri waʼa ntauku. Yaku, Pue, anu mompaumo seʼi.”

Sakharia 11:17

Pulorumo waʼa ntopongkambi anu bereʼe yowenya setu! Siʼa mampalaikamo dompu bimbanya. Poʼiwali inceʼe anu mampaposa kakuasanya. Takienya da malente pai da buta matanya anu mokana.”

Ulang 13:2

mantinako ndaya da naka komi da manyomba pai da mepue ri waʼa lamoa ntaninya anu bareʼepa reʼe ndipaincani, mau rapanya nunjaa anu najanji setu tepewali kojo,

Yesaya 41:29

Monco kojo, waʼa lamoa setu bereʼe yowenya, tau seʼe podo turuki ndataʼa anu baereʼe molengko, pai bareʼe nakoto mampowia bara nunjaa-njaa.”

Yesaya 44:25

Yakumo anu mangaompo tonaa ntau topontonaa, pai mampogeleka waʼa ntopowurake. Kusapu waʼa mpau ntau loʼe, kaloʼe ntau seʼe kupapewali katengo.

Yeremia 27:10

Tau seʼe mambambasi komi, painaka komi ndakeni lawa ungka ri tanami. Da kuiri komi ungka ri tanami pai komi da magero.

Yeremia 27:14

Neʼe ndipedongeka waʼa nabi anu mampetangani komi mokole da meʼuru ri datu Babeli; maka tau seʼe podo mambambasi komi mokole.