Sakharia 10:1 - Sura Magali Nuntu Ngkatuwu

¹ Ane ratamo tempo mporeme, ndiperapimo uja ungka ri Pue. I Pue da mampasambaka limu makundongi da mampatudu uja marombo da naka waʼa jamaa ndakita mayawuyu, lese nakita ntau pura-pura.

Sakharia 10:1 Referans Kwoze

Yesaya 44:3

Maka Yaku anu mampareʼe ue ri tana anu mangau pai mampapoili waʼa ngkoro ue ri tana anu makara. Yaku da mangawai Kuasaku ri mulimu, pai da mangadonco waʼa mulimu.

Yakobus 5:7

Inceʼe painaka ndikatodomo ee waʼa ngkasangkompo, rantani rata i Pue. Ndipeolemo ewambeʼi katodo ncambaʼa topojamaa mampopea da kareʼe wua mpojamaanya anu da nakatuwuka. Siʼa todo mampetaʼa karata tempo mpouja pai tempo mporeme.

YEHESIKIELI 36:37

I Pue Anu Ndate ri Peawanya mantoʼo, “Ee banca Isaraeli, Kuwai muni tempo ri komi maya merapi tulungi ri Yaku, da kurangani imbami ewa dompu bimba.

Yesaya 30:23

Ane mancawu inii komi, i Pue da mampatudu uja da naka tuwu inii painaka da gana-gana anu ndapota. Tila mpinatuwumi da toka ewo pai pada anu bangke.

Masmur 65:9

Pura-pura bangani lino maeka pai metubunaka mangkita waʼa mpowiami anu bangke. Pura-pura bangani lino ungka ri tandonya sambali rata ri tandonya sambali ndipapogumora ri wongko ndaya.

Ulang 28:23

Bareʼemo da tudu-tudu uja painaka tanami mapenimo ewa besi.

Yohanes 16:23

Ri eo setu bareʼemo da reʼe bara nunjaa-njaa anu da ndipeoasi ri Yaku. Monco kutoʼoka komi, “Bara nunjaa ntano anu ndiperapi ri Papa ri toʼoku da ndawaika komi.

Mikha 5:7

To Isaraeli anu maroo-roo ri oyo waʼa banca da ewa singa ri tongo waʼa mpinatuwu yopo bara ewa ri tongo dompu bimba ri pada ewo. Singa setu mesua ri tongo-tongo dompu bimba setu, naija-ijaki pai nasempati; bereʼe anu mangkoto malapa waʼa bimba setu.

AMOSI 4:7

Yaku anu maompo katudu uja ri tempo waʼa mpinamuyami mampodaraya kareʼe ue. Yaku da mampatudu uja ri kota anu sambaʼa, pai bareʼe da mampatudu uja ri kota anu ntaninya. Jamaa anu sambaka marata uja, pai jamaa anu ntaninya mangau-ngau.

Hosea 10:12

Mompau Yaku kutoʼo, ‘Ee Isaraeli! Powiamo jamaa dawoʼu galamu, sawukamo inii ngkayoa, pai potamo popadonco anu napowuaka ua kamonco mawomu ri Yaku. Maka ratamo temponya siko da mampepali Yaku, Puemu, Yaku da rata pai da mangabubuka siko waʼa mpombai-Ku.

YEHESIKIELI 34:26

Yaku da mangadonco tau seʼe pai da mampapeari ri tana anu mantolilimi pongku ntana-Ku anu magali. Tau seʼe da Kupatuduka uja ane da napake ntau seʼe.

Yeremia 14:22

Waʼa lamoa waʼa banca, bareʼe nakoto mampatudu uja ri lino. Yangi seʼe bareʼe nakoto mampatudu uja ua kuasanya ngkalionya. Podo Komi anu kasarumaka. Komi anu mampapewali pura-pura.

Yeremia 10:13

Podo pai songkaa ndawai, mogundumo ue ri waʼa yangi, ungka ri suno-suno yangi ndapapeumba limu, pai ndapareʼe kila moginunggi ri raya uja, sangkani pai ngoyu ndapakatu ungka ri kareʼe mpangadika.

Yesaya 5:6

Da kupapaliuka naka tuwu ewo pai rui. Puʼu anggoronya bareʼemo da kupengawasi, pai bareʼemo da kupekamarasi. Da kupapaliuka da napangkaʼuwi ndui pai ewo, sakoja limu da kupetangani da mampatudu uja ri wawonya.”

PATADA 16:15

Kapande ndaya i mokole mampareʼe kalindo ndaya ri katuwu, ewa limu anu mampatudu uja ri tempo mporeme.

Masmur 104:13

Ndipatudu uja ri wawo buyu mongkodo ungka ri yangi, lino buke pai waʼa mpowia mpalemi.

Yeremia 51:16

Podo pai songkaa mokuumo ue ri wawo yangi, ungka ri waʼa ntando lino ndaparatamo limu pai ndapapoginunggi kila ri raya uja, pai ndapapewui ngoyu ungka ri kareʼe mpadika.

1 RAJA-RAJA 17:1

Reʼemo sambaʼa nabi i Elia toʼonya. Siʼa ungka ri Tisibe, sambaʼa kota ri daera Galilea. Ri anu sandeme njoʼu siʼa momberata pai Mokole Aha, natoʼo, “Mamposabi i Pue anu tuwu, Pue Ala anu napanyomba nto Isaraeli Sira anu kuporiokoi, kuparata i komi mokole ewaseʼi, ri raya anu radua bara tatogo ntaʼu anu darata seʼi bareʼe da reʼe rini bara uja mau sakodi, sangadi yaku da mangantoʼo.”

1 Korintus 3:6

Yaku mampomuya i Apolo mabubusi, paikanya i Pue Ala ngkalio-A anu mampatuwu pinamuya setu.

Hosea 6:3

Inceʼe painaka maʼimo tapompari-mpari ri gori ngkamonconya mangaincani i Pue. Manoto Sira da maʼi ri kita, da ewa powinangkasi ndeme, pai da ewa uja anu mangayoʼosi tana ri potando turo mpouja.”

Masmur 72:6

Tuarapa siʼa ewa uja anu tudu ri pada, ewa uja anu marimbo anu mauesi waʼa njamaa.

AYUBI 29:23

Pura-pura tau mancabe waʼa mpauku ri kawongko ndayanya, ewa kawongko ndaya ntopojamaa marata uja ri tempo mpeboʼa ncese.

Masmur 135:7

Ungka ri tando lino Sira mamparata limu, Sira mampareʼe kila pai uja. Nepa ndasongka ngoyu da naka mesuwu ungka ri kareʼe mpadikaa.

Yeremia 5:24

Bereʼe ndipangaendo da mangantubunaka Yaku, ntanoka Yakumo anu mawai uja madago ri tepuʼu pai ri potando nturo mpouja. Yaku seʼe anu mawaika komi turo mpomota santaʼu-santaʼu.