Sakharia 1:6 - Sura Magali Nuntu Ngkatuwu

⁶ Mampoliu waʼa nabi watua-Ku setu, kuparata waʼa ncongka pai waʼa mpatiendo-Ku ri waʼa ntau piamomi. Paikanya bareʼe napedongeka ntau seʼe, inceʼe painaka sangaya-ngaya nakoyo ntau seʼe silinya. Nepa moncosoi tau seʼe pai mangaʼaku muni ka-Yakunya Pue Anu Makuasa, mangahukumo tau seʼe silulu pai kasala ntau seʼe, pai singkono pai Kupampakanoto.”

Sakharia 1:6 Referans Kwoze

Ratapan 2:17

I Pue mawianakamo popahukua anu ndadedewaka iʼowi pai ndapatiendoka kita. Kita ndalesaki bereʼe puru ndaya, iwali ndapapenangi. Sira mampakawongko raya ntau seʼe mangkita kapanangita.

Ulang 28:15

“Paikanya ane bareʼe mepoʼinaya komi ri Pue Ala puemi, pai bareʼe todo mawianaka songka pai padika anu kuwaika komi sandeme seʼi, pura-pura tadeasi anu mampaka pari komi da ndikoyo:

Matius 24:35

Yangi pai lino da paya, paikanya nuntu-Ku bareʼe da paya rantani masae-sae.”

Yeremia 23:20

Karau ndaya bareʼepa manturu ane bareʼepa pura anu ndatinako ndaya tewianaka. Ripurinya nepa da narata ndaya kojo waʼa ntau-A kono incetu.”

AMOSI 9:10

Waʼa ntau anu masalaa ri oyo waʼa ntauku mangantoʼo, ‘I Pue Ala bareʼe da mampapaliuka kita napere ngkapari.’ Paikanya kamonconya tau seʼe da ndapepate ri raya mpoʼiwali.”

Yeremia 44:28

Podo bara tesangkuja tau anu da tesorepaka pai da mewalili ri Yahuda ungka ri tana Masiri. Mewali pura-pura to Yahuda anu njau ri tana Masiri da mangangkita bara pauku bara pau ntau seʼe anu tongawa kamonconya.

Pombilang 23:19

I Pue banya ewa tolino, anu saru-saru tebalisaka rayanya pai mampokono mombamba Ane i Pue Ala mojanji, manoto da ndabangani! Ane sira mompau, manoto da mewali.

1 Tesalonika 5:4

Paikanya komi banya tau anu tuwu nakuasai mbani, painaka eo setu da ndiposalutengku ewa nakarataka nto pangangka.

MALEAKI 3:18

Waʼa ntau-Ku da mangkita woʼu posisalanya katedikanaka ntau madago pai tau majaʼa, anu mepoʼinaya ri Yaku pai anu bareʼe.”

Hosea 9:15

Ndatoʼo i mPue, “Pura-pura jaʼa ntau seʼe montepuʼu ungka ri Giligali. Njairiamo pontepuʼunya kupampobanciika tau seʼe. Ua powia ntau seʼe anu majaʼa, Yaku da mangairi tau seʼe ungka ri tana-Ku seʼi. Yaku bareʼemo da mampotowe tau seʼe; pura-pura tadulako ntau seʼe maewamo Yaku.

YEHESIKIELI 37:11

I Pue Ala mantoʼo ri yaku, “Ee tolino anu podo awu ntana, waʼa mbuku seʼi mantuju katedikanaka banca Isaraeli. Tau seʼe meʼode-ode ua mangau naepe, bereʼe pampomata-mata dago ri eo anu da rata.

YEHESIKIELI 20:43

Njairia nepa da kono ndiendo waʼa mpowia anu karika anu mampakakarikamo koromi. Nepa da wusu luami mangaendowaʼa njaʼa setu.

Ratapan 1:18

Paikanya i Puemo anu monco, maka yaku malewamo songkaa. Ndipedongeka yaku ee waʼa banca, ndipeolemo yaku ri tongo ngkapari. Waʼa ntau manguraku tuama pai waʼa ndatawani, pai ndakeni ri kareʼe mpantaji.

Yeremia 26:15

Paikanya neʼe ndikalingani, ane ndipepate yaku, komi sangkani pai waʼa ntau bangani ngkota seʼi da mangkoyo huku ncalaa ua mampepate tau anu bareʼe masalaa. Maka i Pue anu mampokau yaku da mamparata patiendo setu ri komi.”

Yeremia 4:4

Ndikekeni kojo janjimi ri Yaku, Puemi, pai ndipakagali koromi da tilaku, ee bangani Yahuda pai Yerusale. Maka ane bareʼe, karau ndayaku da mesongke pai da monunju ewa apu anu bereʼe bara isema ntano anu mangkoto da mampepate. Pura-pura setu da mampere koromi ua waʼa mpowiami anu majaʼa.”

Yesaya 55:1

Ndatoʼo i mPue, “Ndikamaʼimo komi komi pura-pura anu maranganga, ndipanginumo, ue tokamo. Ndikamaʼimo komi anu bareʼe mampotumpu doi, nditarimamo gandu anu bareʼe ndabayari pai ndikonimo! Anggoro pai susu tokamo, nditarimamo bareʼe ndibayari.

Yesaya 44:26

Yaku anu mampakaroso pompau mbatua-Ku, pai mawianaka rencana anu napatongawa mpomokau-Ku, Yaku mangantoʼo Yerusale da ndawali mpeari muni pai waʼa ngkota Yahudi da Kuwali baresi muni; waʼa awunya da Kuwali wangu.

AYUBI 6:29

Da ndirata ndayamo, neʼe manee ncambali komi! Neʼe ndiposari yaku maka monco kojo yaku bareʼe masala.

Ulang 28:45

Pura-pura kapepa setu da mangkono komi, da mamparini komi rantani magero, maka komi bareʼe mepoʼinaya ri Pue Ala puemi pai bareʼe ndiwianaka waʼa mpadika anu ndawaika komi.

Ulang 28:20

Ane komi mawianaka jaʼa pai mantalikusimo i Pue, Sira da mamparataka komi kapari, kasigali ganggo, kasusa ri mpengaya-ngaya anu ndiwianaka, painaka ri tempo anu sambinoroja komi da ndaʼopisaka pura-pura.

Pombilang 33:56

Ane bareʼe ndiiri tau seʼe, yaku da mangagero komi silulu pai rencanaku ri tau seʼe.”

Pombilang 32:23

Paikanya da ndipaincani, ane bareʼe ndibangani janjimi, komi masalaa ri Pue pai da ndahuku ua salaami setu.

Ulang 28:2

Ndipeayamo ri Pue Ala puemi, pura-pura popadonco seʼi da ndawaika komi:

Yesaya 21:17

Waʼa ntopepana Kedari inceʼemo waʼa ntau pomaaka. Paikanya podo pongoli anu da tesorepaka. Yaku, Pue Ala pue nto Isaraeli anu roo mompau seʼi.”

Yeremia 5:14

Nepa mompau i Pue Anu Makuasa ndatoʼoka yaku, “Yeremia, ua ewancetu pompau ntau seʼe, inceʼe painaka tau seʼe da nakono ngkapari anu malulu paepe ntau seʼe bareʼe da mewali. Yaku da mampapewali waʼa mpauku ewa apu ri raya ngangamu. Banca seʼi da ewa kaju apu, pai apu setu da mantunju tau seʼe rantani pura.”

Yeremia 32:24

Waʼa nto Babeli mawangumo waʼa bente, melimbu ncape kota ntau seʼe da napaleʼo marampa kota setu, pai seʼi-seʼi tau seʼe mopaungku. Pombetoto, kaoro pai juʼa lele da mewali popuʼu ngkanawu ngkota setu ri pale ntau seʼe. Komi mangkita kono pura-pura anu nditoʼo paka tepewalimo.

Yeremia 36:28

mantima yuyu ncura anu ntaninya, pai mangaʼuki muni pura-pura bangani ncura anu waramo ri sura anu ndakoyuyu setu.

Yeremia 39:16

mantoʼoka i Ebe-Meleki to Sudani setu i Pue Anu Makuasa, Pue Ala nto Isaraeli, mantoʼo ewaseʼi. “Ewa anu kutoʼomo riunya, yaku da mampapapereka kota seʼi kapari, pai banya kadago. Siko da mangkita katepewalinya setu.

Yeremia 44:29

Yaku da mamparata rugi ri komi ri kareʼemi seʼi, da mewali tanda ri komi, pura-pura popahuku anu kupatokaka komi mnco-monco kojo da mewali.

DANIELI 4:28

Pura-pura setu tepewali ri wotongkoro, Datu Nebukanesa.

Hosea 5:9

Isaraeli da magero, maka ratamo eonya da ndapangahuku siʼa. Padongeka ee palili Isaraeli, inceʼe manoto da mewali.

Sakharia 1:7

Ri ruampuyu aopo eo mbuya Sebati bara wuya kasampuyu pai sambaʼa, ri taʼu karadua poparenta i Datu Dariusi, ndaparata i mPue nuntu-A ri yaku. Mampojaya sangaya pepatongawa ri ntongo mbengi,

Yesaya 55:11

ewanceʼe woʼu waʼa mpau anu kupasowa, bareʼe da mewalili soa-soa ri Yaku, paikanya da mawia-naka nunjaa anu kutangara ndaya, pai da rata ri mpengaya-ngaya anu kutinako ndaya.

Yeremia 28:17

Inceʼe painaka ri taʼu setu seʼe ri wuya kapapitu, mate i Hananya.

Yeremia 44:2

Ewaseʼi nuntu i mPue anu Makuasa, Pue Ala pue nto Isaraeli rata ri tau seʼe, “Komi ngkaliomi mangangkitamo rugi anu kupapapereka Yerusale pai pura-pura kota Yahuda. Nakarataka wawaseʼi waʼa ngkota setu ntongo malesapa bereʼe tau anu mampeari.

Yeremia 44:6

Inceʼe painaka kupatudu karau pai kapane ndayaku ri waʼa ngkota Yahuda pai ri waʼa njaya Yerusale. Pura-pura kutunju da naka mewali awu painaka mance-mancegi ewa anu ndikita wawaseʼi.

Ratapan 3:42

“Kami masalaa pai meewa ri Komi, Boo Pue, pai bareʼe ndiwai kabareʼenya ndikitanaka salaa.