Sakharia 1:5 - Sura Magali Nuntu Ngkatuwu

⁵ Mbeʼimo waʼa ntau piamomi pai waʼa nabi setu seʼi-seʼi? Tau seʼe bareʼemo reʼe.

Sakharia 1:5 Referans Kwoze

TOPOTUNTU 12:5

Maeka rayaku mandake ri kandatekanya, painaka melinja mpodago. Keuwamo pai witimu jamo nunoʼo-noʼo melinja. Payamo waʼa ntangara pai sawoyo ndaya. Kita da njoʼumo ri kareʼeta anu kapusanya, waʼa ntau anu mangkabalusi pai mangkuousi santuntu njaya.

TOPOTUNTU 12:7

Wata ngkorota da mewalili ri wakanya, mewali awu ri lino. Inosa ngkatuwuta da mewalili ri Pue Ala. Siramo anu mangawai ewa sambaʼa pombaia.

Ibrani 9:27

Roomo ndapakanoto i mPue Ala tolino sangkanija da mate pai roo setu jamo mampopea pobotusi i mPue Ala.

Palaong mPomakau i mPue Yesu 13:36

I Daudi matemo pai roomo ndadayo sangkani-ngkani pai waʼa ngkainya, ri karoonya siʼa mawianaka anu ndapepokauka i mPue Ala ri siʼa. Wata ngkoro i Daudi puramo magero ri raya dayo.

Yohanes 8:52

Natoʼo waʼa nto Yahudi setu ri Yesu, “Seʼi-seʼi manotomo kojo ri raya mami kasikonya seʼi napesuaki inosa nceta! I Burahima matemo, ewanceʼe seʼe pura-pura waʼa nabi. Paikanya nutoʼo, ‘Tau anu malulu paumu bareʼe da mate rantani masae-sae!’

TOPOTUNTU 1:4

Tau tuwu salapi-salapi mombesawa-sawani, paikanya lino seʼi gori-gorinya.

Masmur 90:10

Painaka kami da tuwu podo pitu mpuyu ntaʼu, ane maroso kami gana yau uayu mpuyu ntaʼu. Paikanya podo kasusa pai kapari anu da karata; karoonya tuwu ri tempo anu podo sarai, payamo kami.

Yeremia 36:28

mantima yuyu ncura anu ntaninya, pai mangaʼuki muni pura-pura bangani ncura anu waramo ri sura anu ndakoyuyu setu.

Ratapan 5:7

Tau piamo mami masalaa, seʼi-seʼi tau seʼe bemoreʼe; paikanya kami sangaya-ngaya mangkoyo pari, ua waʼa ncalaa ntau seʼe.

2 RAJA-RAJA 13:14

Ri anu santempo i Nabi Elisa majuʼa maʼai, maʼimo i Mokole Yoasi mampeole siʼa. Pangkitanya i Elisa da matemo, tumangimo i Mokole Yoasi, natoʼo, “Papaku! Papaku! Topompelae to Isaraeli anu bangke!”

2 RAJA-RAJA 13:20

Bareʼe masae ungka lairia matemo i Elisa, pai ndadayo mpodago siʼa. Ri tempo setu sangkani santaʼu waʼa nto Moabi rata mampangaʼesi to Isaraeli.