Sakharia 1:3 - Sura Magali Nuntu Ngkatuwu

³ Paikanya seʼi-seʼi kutoʼoka komi: Ndipewalilimo ri Yaku, maka Yaku woʼu da mewalili ri komi.

Sakharia 1:3 Referans Kwoze

MALEAKI 3:7

Ewa waʼa ntau piamomi owi, komi malewamo waʼa mpadikaku pai bareʼe todo mawianaka. Ndipewalilimo ri Yaku, da naka Yaku woʼu mewalili ri komi. Paikanya komi meoasi nditoʼo, ‘Nunjaa anu da kawianaka da mewalili ri Komi?’

Yeremia 3:22

Ee komi pura-pura anu mampalaikamo i Pue, ndipewalilimo! Sira da mampakaʼosa komi, pai da mampakatodo komi. Maka nditoʼo, “Io, wawaseʼi kami rata ri Pue, maka Sira Pue Ala pue mami.

YOELI 2:12

Ndatoʼo i mPue, “Paikanya seʼi-seʼi, ndipewalilimo ri Yaku ri kaliogu ndayami, ndipopuasa, ndipokukuou pai ndipotumangi.

Yeremia 4:1

Ndatoʼo i mPue, “To Isaraeli, ane ndipokono mewalili, ndipewalilimo ri Yaku. Nditajimo riunya waʼa lamoa anu kupobanciika setu pai ndikatodomo ri Yaku.

Yeremia 12:15

Paikanya ane roomo mampapesuwu tau seʼe, nepa da kupokapuru muni tau seʼe; sambaʼa-sambaʼa banca da kukeni mewalili ri tananya ngkalionya.

Yesaya 31:6

Ndatoʼo i mPue, “Banca Isaraeli, komi maewamo Yaku pai masalaamo ri Yaku. Paikanya seʼi-seʼi ndipewalilimo ri Yaku!

Hosea 14:4

Asuri bareʼe nakoto da mancorepaka kami, pai nyara mpoʼiwali bareʼe nakoto da mampelae kami. Kami bareʼemo da mangantoʼoka waʼa nturuki powia mpale mami katau seʼe Pue Ala mami. Boo Pue, komi mangampokapuru waʼa ntau anu pindongo bereʼe tau da petiondanya.”

Hosea 6:1

Waʼa nto Isaraeli mantoʼo, “Maʼi kita da mewalili ri Pue. Siramo anu mampakajuʼa kita, paikanya Sira woʼu anu da mampakaʼosa. Sira anu mampaka wela, paikanya Sira woʼu anu da mangawewesi waʼa mbelata.

YEHESIKIELI 33:11

Toʼoka tau seʼe, ua kayakunya Pue Ala anu tuwu, i Pue Anu Ndate ri Peawanya, bareʼe kupokawongko ane tau majaʼa mate; paikanya anu kutangara ndaya siʼa da mampalaika waʼa ncalaanya da naka siʼa tuwu mpaliu. Ee banca Isaraeli, peʼontoka mowia jaʼa! Wenu painaka ndipokono da mate?

Yeremia 35:15

Bareʼe bali-bali kupampokau pura-pura waʼa nabi, pai roomo napatujuki komi da naka ndibalisaka engkomi pai da ndipeʼontoka mowia jaʼa. Tau seʼe mampatiendo komi da naka neʼe manyomba ri waʼa lamoa ntaninya pai bareʼe meʼuru ri tau seʼe. Da naka ndileʼo meari mpaliu ri tana seʼi, tana anu roo kuwaika komi pai waʼa ntau piamomi. Paikanya bareʼe ndipokono mampedongeka Yaku.

Yeremia 25:5

Tau seʼe mampokau komi da mangantaji engko ngkatuwu anu majaʼa, pai waʼa mpowiami anu masalaa, da naka komi meari mpaliu ri tana seʼi tana anu ndawaikamo i mPue ri komi pai waʼa ntau piamomi da mewali pantami.

Hosea 14:1

Samaria sangaya-ngaya da ndahuku, ua mangaewa Yaku. Waʼa mpalilinya da mate ri pombetoto; waʼa ongaanya da ndaija-ijaki, pai waʼa mbeʼa anu manee koro da ndabira komponya.”

NEHEMIA 9:28

Paikanya jabutu maʼuono muni tananya, napowia woʼu ntau seʼe salaa. Ndipepombaika woʼu tau seʼe ri iwali anu majeani. Paikanya butu majea pai moncosoi, meboo tau seʼe ri Komi merapi nda-sorepaka. Ungka ri suruga Ndipedongeka, pai papongkani-ngkanimo Ndipantulungi maka merata puru ndaya-Mi pai maʼai Ndipampomawo.

2 Tawarikh 15:4

Paikanya jabutu napomberataka ntau seʼe kapari, meboo tau seʼe merapi pompelae ungka ri Pue Ala pue nto Isaraeli. Merapi totoraka-A, painaka Sira mawai totoraka.

AYUBI 22:23

Pewalilimo ri Pue ri kalauka ndaya da nupeʼontoka waʼa jaʼa ri raya banuamu.

Yesaya 44:22

Kasalamu Kupapalai ewa limu. Salamu kupakapaya ewa gawu. Pewalilimo ri Yaku, maka Yaku malapasakamo siko!”

Yeremia 3:1

Ndatoʼo i mPue, “Ane rapanya sambaʼa rongo napogaʼaka langkainya, nepa naporongo ntau ntaninya weʼa setu, langkainya anu riunya bareʼe maya mawali ntima muni siʼa naporongo, maka inceʼe mampakajaʼa tana seʼi. Siko Isaraeli, mampotumpumo maria gaga anu nupotowe, wenu painaka wawaseʼi da rayamu mewalili ri Yaku!

YEHESIKIELI 18:19

Paikanya, bara da reʼe tau anu da mompeoasi, wenu painaka ananggodi setu bareʼe tesua mangkoyo huku waʼa ncalaa mpapanya. Sononya ewaseʼi: Ua ananggodi setu madago pai mayoa rayanya, siʼa mepoʼinaya ri waʼa mpadikaku pai todo mawianaka inceʼe painaka siʼa da tuwu.

2 Tawarikh 15:2

painaka njoʼu siʼa mampomberataka i Mokole Asa natoʼo, “Ee Mokole Asa sangkani pai waʼa bangani Yahuda pai Benyami! Ndipedongeka! I Pue mosu pai komi ane komi woʼu mosu pai Sira. Ane komi mamperapi totoraka ungka ri Pue, sangaya-ngaya da ndawaika komi. Paikanya ane bareʼe ndilinga Sira, Sira woʼu bareʼe da ndalinga komi.

YEHESIKIELI 18:31

Ndipeʼontoka pura-pura jaʼa anu ndiwianaka pai mbolimo raya pai nawa-nawami dawoʼu. Wenu painaka komi sangaya-ngaya da mate?

YEHESIKIELI 18:32

Yaku bareʼe mawongko rayaku ane sambaʼa tau mate. Ndipalaika waʼa ncalaami da naka komi tuwu mpaliu. Yaku Pue Anu Ndate ri Peawanya mantoʼomo seʼi.”