Pilipi 4:3 - Sura Magali Nuntu Ngkatuwu

³ Ri waʼa sampotetalaku anu todo, kuperapi woʼu da naka nditulungi weʼa radua setu. Tau seʼe roomo motetala ri gori mpangkotonya sangkani-ngkani pai yaku mampetumbu Nuntu ngKatuwu anu ungka ri Pue Ala; ewanceʼe seʼe i Kaleme pai waʼa ntau seʼe anu motetala sangkani-ngkani pai yaku. Waʼa ntoʼo ntau seʼe teʼukimo ri Sura nTau Tuwu.

Tuntu i mPue ri Basa Taa

³ Pasi yunungku to monso pu’u samba’a palaong pei aku, aku mamporapika resi korom mangansawang tau we’a dua etu see sira mawali masingkatao. Apa seore sira dua maroso palaonginya mangansawang aku mampakarebaka kareba matao. Sira mangansawang aku sindara-ndara pei i Klemen pasi samparia yunungku to yusa to samba’a palaong pei aku. Pasi sanga nsira samparia paka re’e ratulis nja’u raya buku to rapangantulis sanga ntau to mangarata katuwu to singkasaenya. Wali to’oka sira to tao-tao sira dua masingkatao.

Pilipi 4:3 Referans Kwoze

Pangkita 13:8

Pinatuwu setu da napanyomba ntau pura-pura anu tuwu ri sambawo lino, banya mantoʼo waʼa ntau anu teʼukimo toʼonya ri kabareʼepanya ndapapewali lino seʼi ri raya ncura ri Ana Bimba anu roo ndasambale.

Pangkita 3:5

Waʼa ntau seʼe da ndawaika morengko mabuya. Toʼo ntau seʼe bareʼe da tepalisi ungka ri sura ntau tuwu. Pai ri suara mPapa-Ku pai waʼa malaʼeka da Kupangakuka tau seʼe inceʼemo waʼa ntau-Ku.

Lukas 10:20

Paikanya neʼe ndipokawongko ua meʼurumo waʼa ngkuasa inosa majaʼa ri komi, paikanya anu da ndipokawongko inceʼemo toʼomi teʼukimo ri suruga.”

Pilipi 1:27

Anu moyowe wawaseʼi inceʼemo komi da tuwu silulu pai Nuntu ngKatuwu kono i Kerisitu. Ane ewanceʼe ntano, bara da momberatapa komi pai yaku bara bareʼemo, paikanya da kudonge kakominya maroso ri kasambaʼa-mbaʼa, monggale sangkani-ngkani ri tinako ndaya anu sambaʼa-mbaʼa, inceʼemo tila mpeaya ndaya silulu pai Nuntu ngKatuwu ungka ri Pue Ala.

Pangkita 21:27

Paikanya waʼa ntau anu mawianaka waʼa anu majaʼa, pai waʼa ntau anu kambamba-mbamba bareʼe kojo da ndawai mesua ri rayanya – kaʼedenya pura-pura anu bareʼe magali, bareʼe liu-liu maya ndakeni mpesua ri rayanya. Anu maya mesua ri rayanya podo waʼa ntau anu toʼonya teʼuki ri raya Ncura i Ana Bimba setu inceʼemo Sura nTau Tuwu.

Pangkita 17:8

Pinatuwu setu lawi reʼe tuwu ntongo ipiamo, paikanya bareʼemo reʼe tuwu wawaseʼi. Sakodipa tempo siʼa da mesuwu ungka ri ngoyo ngkapate, nepa da malai njoʼu ri kareʼe ngkagero. Waʼa ntau anu tuwu ri lino, anu bareʼe teʼuki toʼonya ri raya Ncura nTau Tuwu ri kabareʼepanya ndapapewali lino seʼi da jingki rayanya ane nakita pinatuwu setu. Maka pinatuwu setu reʼe tuwu ipiamo. Wawaseʼi bemoreʼe siʼa, paikanya siʼa da wali mpesuwu muni.

Pilipi 4:2

I Euodia pai i Sintike! Kuperapi kojo da naka komi da siuju-uju raya ewa waʼa ntau anu sampepeaya.

Roma 16:12

Tabeaku rata ri Taripena pai Tariposa anu motetala kojo mamporiokoi i Pue pai ri Perisi anu kupotowe. Siʼa woʼu anu motetala ri gori mpangkotonya tila i mPue.

Roma 16:9

Petubunaka ndiparata ri Urubanu, kasangkompota anu motetala sangkani-ngkani pai kita tila i ngKerisitu. Ewanceʼe seʼe petubunaka ri Sitaki anu kupotowe.

Roma 12:1

Ee waʼa ngkasangkompo! I Pue Ala pande mporaya ri kita. Inceʼe painaka kupomata-mata da naka komi mampanyombaka koromi ewa sambaʼa panyomba anu tuwu pai magali ri suara mPue Ala, anu da mampakawongko rayaa da ewanceʼe kamonconya panyombami ri Pue Ala.

Masmur 69:28

Mbolimo da teranga-rangai kasondo ncalaa ntau seʼe; neʼe ndipompasambiraka tau seʼe.

Posuwunya 32:32

Tuarapa bareʼe ndikitanaka salaa ntau seʼe; maka ane bareʼe, moruana ndipalisimo toʼoku ungka ri sura kalau ntoʼo ntau anu tuwu.”

Pangkita 20:12

Nepa kukita waʼa ntau mate, kodi bangke mekakore ri suara gadera mpoparenta setu. Nepa ndabulere waʼa ncura. Nepa ndabulere sambaʼa sura anu ntaninya, inceʼemo Sura nTau Tuwu. Roo setu ndabotusimo huku ntau mate, singkono pai waʼa mpowia ntau seʼe ewa anu lau ndaʼuki ri waʼa ncura setu.

Kolose 1:7

Inceʼe napetumbuka komi i Epaperasi, siʼa sampotetala mami anu kapotowe, siʼa sambaʼa sampotetala i ngKerisitu anu todo ri potetalanya anu moyowe ri kita.

DANIELI 12:1

Malaeka anu mampake rengko ayapa lena setu mompau woʼu natoʼo, “Ri tempo setu da rata malaeka bangke i Mikaeli topongkariani bancamu. Ungka lairia da rata tempo ngkapari anu bereʼe kasiwianya ungka ri kareʼe waʼa banca. Paikanya pura-pura tau ungka ri bancamu anu toʼonya teʼuki ri sura mPue Ala ndasorepaka.

Pangkita 20:15

Waʼa ntau anu bareʼe teʼuki toʼonya ri raya Ncura nTau Tuwu, ndatajika ri raya ntasi apu.

YEHESIKIELI 13:9

Yaku da mangahuku komi, ee waʼa nabi anu mangantoʼo wati lopu pai manganawa-nawa waʼa mpepatongawa! Komi bareʼemo maya da tesua mawai pobotusi ri pogombo waʼa ntau-Ku. Waʼa ntoʼomi da ndatai ri podede ntoʼo nto Isaraeli, pai komi bareʼemo da mewalili ri tana mpebete ntanoanami. Da ndiincanimo ka-Yakunya Pue Anu Ndate ri Peawanya.

Yesaya 4:3

Wuwunya tau anu ndapalaika ri Yerusale, waʼa ntau anu ndapilisi i mPue Ala da ndasorepaka, pai da ndatoʼo magali.

Pilipi 1:5

Kuunde i Pue Ala maka ungka ri pontepuʼunya rantani rata wawaseʼi komi mantulungimo yaku mampobambarika Nuntu ngKatuwu ungka ri Pue Ala.

Pilipi 1:7

Lawi sitinaja paepe ndayaku ewanceʼe kono komi, maka komi pura-pura lau ri rayaku. Maka komi woʼu sangka-ngkani pai yaku mantarima, pombai mpuru i mPue Ala ri yaku; madago seʼi-seʼi yaku ntongo ri raya ntarunggu, ewanceʼe seʼe ri tempo reʼe ri sambalikunya tila pampelae pai pangkogomaka pompetumbu Nuntu ngKatuwu setu.

Pilipi 1:12

Pampokonoku da naka ndiincani, kakononya pura-pura anu mewalimo ri woto ngkoroku ua kaʼinceʼenya pai naka maʼaimo katolele Nuntu ngKatuwu setu.

Pilipi 1:16

Tau seʼe mampobambarika ua katowe ndaya ntau seʼe ri Pue Ala, maka manoto ri raya ntau seʼe i Pue Ala anu mampokau tau seʼe da mampetumbu Nuntu ngKatuwu setu.