Pilipi 4:1 - Sura Magali Nuntu Ngkatuwu

¹ Inceʼe puʼunya ee waʼa ngkasangkompo anu kupotowe, ewanceʼemo da katuwumi ri peaya ndaya anu monco ri Pue. Mawo kojo rayaku ri komi! Komi kupeunde-undeka, kakominya anu mampakawongko rayaku.

Tuntu i mPue ri Basa Taa

¹ Wali a’i-a’ingku to kuporayang kojo, see naka pakaroso pangaya ngkomi resi i Pue apa komi seja samba’a pei Ia. Aku mamporayang komi pasi mawongko kojo rayangku resi komi. Pasi aku ndende rayangku mampobuuka komi. Komi wua mpalaongingku wali komi raporapaka ewa dale to meyawa to narata ntau to manang.

Pilipi 4:1 Referans Kwoze

Pilipi 1:27

Anu moyowe wawaseʼi inceʼemo komi da tuwu silulu pai Nuntu ngKatuwu kono i Kerisitu. Ane ewanceʼe ntano, bara da momberatapa komi pai yaku bara bareʼemo, paikanya da kudonge kakominya maroso ri kasambaʼa-mbaʼa, monggale sangkani-ngkani ri tinako ndaya anu sambaʼa-mbaʼa, inceʼemo tila mpeaya ndaya silulu pai Nuntu ngKatuwu ungka ri Pue Ala.

1 Korintus 16:13

Mbolimo komi da mainga-inga pai da maroso peaya ndayami. Neʼe maeka pai da ndipakaroso.

Pilipi 2:16

ndikekeni maroso nuntu ngkatuwu, da naka maʼai ngkabangke kawongko ndayaku ri eo ngkarata i ngKerisitu. Inceʼe katongawanya bareʼe ngkabongo posilumbaku pai pompari-mpariku maka reʼe powuanya.

Masmur 27:14

Ndipomata-matamo i Pue, ndipakarosomo pai ndipakarodomo rayami; io peondamo ri Pue!

1 Korintus 15:58

Inceʼe painaka ee waʼa ngkasangkompo anu ndapotowe, mbolimo komi da maroso pai bareʼe da tegencu. Ndipotetala mpaliu tila i mPue ri gori mpangkotomi, maka ndiincani pura-pura anu ndipotetalaka tila i mPue bareʼe da paya ngkabongo.

Pilipi 1:8

I Pue Ala ndaincani ewambeʼi kamonconya kamawo ndayaku ri komi ri paepe pampotowe i Kerisitu Yesu ngkalio.

Ibrani 10:23

Mbolimo kita mangkekeni kojo pampomata-mata anu taʼakumo, maka i Pue Ala meawa pai da ndasarumaka, ka-Siranya da mabangani pojanjia.

Roma 2:7

I Pue Ala mawai katuwu anu monco pai bereʼe kapusanya ri waʼa ntau anu todo mampowia anu madago, tau seʼe da marata peawa pai pebangkei anu bareʼe da reʼe kapusanya.

Yohanes 8:31

Ungka lairia ndatoʼo i Yesu ri waʼa nto Yahudi anu meayamo ri Sira, “Ane todo komi mangalulu anu Kupaguruka komi, mewalimo anaguru-Ku anu monco komi.

2 Timotius 2:1

Ee, Timotiu, anaku! Mbolimo siko da maroso ua puru ndaya anu ndawai ri kita, ua sambaʼa-mbaʼa pai i Kerisitu Yesu.

Pilipi 2:26

Maʼai kamawo ndayanya ri komi pura-pura, masusa rayanya maka ndidongemo kajuʼanya.

2 Korintus 1:14

Ewa anu roomo katotorakaka komi santila, inceʼe ri eo ngkarata mPueta i Yesu Kerisitu da maʼai kawongko ndayami ri kami, da ewa kawongko ndaya mami ri komi.

Palaong mPomakau i mPue Yesu 11:23

Kajela i Baranaba ri Antiokia, nakita ewambeʼi padonco i mPue Ala tau seʼe, mawongko kojo rayanya. Natoʼoka tau seʼe da naka monco-monco kojo pepoʼinaya ntau seʼe ri Pue Ala ungka-ungka ri rayanya.

Palaong mPomakau i mPue Yesu 2:42

Mompari-mpari kojo waʼa ntau seʼe meguru ri waʼa ncuro pai bareʼe bali-bali pompasambaka ntau seʼe. Tau seʼe mangkoni sangkani-ngkani pai mekakai sangkani-ngkani.

Masmur 125:1

Ngayu mpesidoe. Tau anu meaya ri Pue, inceʼe da ewa Pongku ntana Sioni anu maroso bareʼe monjua, pai rodo rantani masae-sae.

2 Petrus 3:17

Paikanya komi, ee waʼa ngkasangkompo anu kupomawo, ndiincanimo pura-pura kono inceʼe. Inceʼe painaka komi da mainga-inga da naka komi bareʼe tepesua ri kalingu ndaya ntau anu majaʼa poʼengkonya painaka komi da manawu ungka ri kareʼe mpekakoremi anu maroso setu.

Ibrani 4:14

Inceʼemo puʼunya kita sangaya-ngaya da mangkekeni maroso pangaʼaku peayata. Maka kita mampotumpu Tadu mPanyomba Bangke anu bangke mpodago, anu mesuamo rata ri suara mPue Ala – Siramo i Yesu Ana mPue Ala.

Ibrani 3:14

Kita pura-pura inceʼemo yunu sampotetala i ngKerisitu, podoia kita mekekeni maroso ri peaya ndaya anu tapotumpu ungka ri pontepuʼunya.

2 Tesalonika 2:15

Inceʼe painaka komi da maroso pekakoremi pai mekekeni maroso ri waʼa anu roo kapaguruka komi, madago anu kapau nguju ri komi bara anu kaʼuki ri sura.

Kolose 4:12

Tabea ungka ri Epaperasi, siʼa woʼu sambaʼa tau ungka ri oyomi. Siʼa anamayunu i ngKerisitu Yesu, anu bareʼe bali-bali mampekakaika komi. Naperapi ri kamonco-monconya ri Pue Ala da naka maroso peaya ndayami pai komi monco-monco kojo da matinuwumo ri peaya ndaya, da naka komi gana-gana mepoʼinaya ri pepokono mPue Ala.

Galatia 5:1

Kita seʼi-seʼi banyamo anamayunu, maka i Kerisitu malapasakamo kita ungka ri kaʼanamayunuta. Inceʼe puʼunya painaka ndikekeni mpakaroso katelapasakami setu, neʼe ndipokono da ndapoanamayunu woʼu.

Palaong mPomakau i mPue Yesu 14:22

Mebia tau seʼe ri kota-kota setu mantotoraka waʼa ntau anu meaya ri Yesu, napakaroso peaya ndaya ntau seʼe, natoʼo, “Lawi maria kapari pai pejeani anu da taepe riunya, nepa da rata karodondaya ri Lino Dawoʼu mPue Ala.” Ewaseʼemo pampaguru waʼa neuro setu waʼa anaguru i Yesu ri waʼa ngkota setu.

1 Tesalonika 3:13

Ua ewanceʼe i Pue makuasa mampakaroso rayami, painaka da magali komi bereʼe posarinya ri suara mPue Ala Papata ri karata mPueta i Yesu Kerisitu sangkani-ngkani pai pura-pura waʼa ntau anu-A.

Matius 10:22

Pai komi da napobanciika ntau pura-pura ua kakominya anaguru-Ku, paikanya tau anu todo rantani rata ri kapusanya inceʼe da tesorepaka.

AYUBI 31:36

da mawongko rayaku mangkoyo, da mewali makota kupasuncuka ri woʼoku.