Pilipi 3:1 - Sura Magali Nuntu Ngkatuwu

¹ Kapusanya ee waʼa ngkasangkompoku, mbolimo da mawongko-wongko rayami ua komi sambaʼa-mbaʼa pai Pue. Bareʼe manee rayaku da mantoʼoka komi nunjaa anu roomo riunya kuʼukika komi; maka inceʼe moyowe tila da ngkatesorepakami.

Tuntu i mPue ri Basa Taa

¹ Wali a’i-a’ingku, re’e katawanya aku mampakaroo sura si’i, re’e wo’u paposia to aku rani manganto’oka komi. To tao-tao ndende raya ngkomi apa komi seja samba’a pei i Pue. Aku taa mosa mangantulisika wo’u komi mangkonong anu to aku roomo manganto’oka komi. Apa samparia paposia to aku manganto’oka komi damangajagang katuwu ngkomi.

Pilipi 3:1 Referans Kwoze

Pilipi 4:4

Mbolimo bareʼe bali-bali wongko ndayami ua komi tuwu ri kasambaʼa-mbaʼa pai Pue. Sangkanipa da kutoʼo ndipakawongkomo rayami!

Roma 5:11

Meruu pai inceʼe da mawongko rayata woʼu kono kapande ndaya mPue Ala anu tongawa ri Pueta i Yesu Kerisitu. Maka mampojaya i Yesu Kerisitu, kita wawaseʼi reʼemo ri pokenta anu meawa pai i Pue Ala.

Yakobus 1:2

Ee waʼa ngkasangkompo anu kupotowe, ane ndipomberataka mpengaya-ngaya pompebutuka, inceʼe da ndiepe ewa porasi.

1 Petrus 4:13

Jadandipokawongko ndaya yau ua komi maepe kapari sangkani-ngkani pai i Kerisitu. Maka ane ndapatongawamo peawa i ngKerisitu, da mawongkomo rayami.

1 Tesalonika 5:16

Mbolimo bareʼe da bali-bali kawongko ndayami.

Pilipi 4:8

Kapusanya, da kutoʼoka komi, mbolimo nawa-nawami da kobangani pai waʼa anu moyowe, anu meawa da ndaunde; inceʼemo waʼa anu monco, tetubunaka, mayoa, magali, lese pai madago.

1 Petrus 3:8

Kamonconya ewaseʼi: Komi pura-pura da siuju-uju pai da siwia raya. Komi da mombepokapuru sambaʼa pai sambaʼa da ewa tau sangkompo. Mbolimo komi da pande mporaya ri kalauka ndaya.

2 Korintus 13:11

Kapusanya, ee waʼa ngkasangkompo ndipakawongko rayami, ndipompari-mpari da naka bareʼe reʼe kakuranya. Ndisabemo waʼa mpatujuku. Mbolimo komi da siwia raya, tuwu mombepotowe. Pai i Pue Ala Matowe pai pande mporaya da sangkani-ngkani pai komi.

2 Petrus 3:1

Ee waʼa ngkasangkompo anu kupomawo! Inceʼimo suraku anu karadua rata ri komi. Kupari-pari mantotoraka ri raya ncuraku anu radua setu, da malike muni nawa-nawami anu madago.

Epesus 6:10

Kapusanya da kutoʼoka komi, mbolimo komi da maroso ua roso anu nditarima ungka kuasa i mPue, maka komi sambaʼa-mbaʼa pai Sira.

Lukas 1:47

pai napokawongko ntanoanaku, maka i Pue Ala Toponcorepakaku.

Sakharia 10:7

Waʼa nto Isaraeli da ewa waʼa mpomakoje anu maroso, ewa tau anu mainu anggoro, da mawongko raya ntau seʼe. Muli ntau seʼe popalapi-lapi bareʼe da mangkalingani penangi anu kuwai seʼi. Tau seʼe da modoro-doro ua waʼa mpowiaku tila ntau seʼe.

SEPANYA 3:17

Komi ndakariani i mPue Ala puemu anu maroso. Komi menangi podo ua kuasaa. Mawongko pai madonde raya i mPue ua komi, ua katowe ndaya-A ndawaika komi katuwu dawoʼu.

SEPANYA 3:14

Ee Isaraeli, ndipeboomo pai ndipongayumo! Ee Yerusale ndipodoro-doromo ri kawongko ndayami!

YOELI 2:23

Ee waʼa ntau bangani ngkota Sioni ndipodoro-doro! Ndipakawongko rayami pai ndipanggoramo! ua waʼa ngkapuru ndaya i mPue Ala puemi. Maka ri turo mporeme, gana uja ndawaika komi. Ri turo ngkaranindinya ndapatudu uja ewanceʼe ri turo mpouja ewa biasanya.

Masmur 37:4

Ndipepalimo kalindo ndayami ri Pue, Sira anu da mampakawongko rayamu.

Masmur 32:11

Ee waʼa ntau meaya, ndipakawongko rayami pai ndipokawongkomo waʼa anu roo ndapowia i mPue. Ndipeboomo ri wongko ndaya, ee waʼa ntau anu mayoa raya!

AYUBI 22:26

Pai da nuaya mpaliu i Pue Ala pai da nuincani kasiranya puʼu ngkalindo ndayamu.

1 Tawarikh 29:22

Ri eo setu tau seʼe mangkoni ri wongkondaya ri suara i mPue. Roo setu ndapobambarika woʼu ri karua ngkaninya i Salomo mewali mokole. Mamposabi toʼo i mPue, tau seʼe mampatongko i Salomo mewali mokole ntau seʼe pai i Sadoki mewali tadu mpanyomba.

Pilipi 3:3

Ntanoka kitamo yau anu mantarima popasuna anu monco, banya tau seʼe. Kita manyomba ri Pue Ala ua popanini Inosa mPue ngkalio-A, pai tapokawongko ua kita sambaʼa-mbaʼa pai i Kerisitu Yesu. Kita bareʼe mantanje waʼa wawai anu napareʼe ntolino.

Matius 5:12

Maka waʼa nabi anu mamporiukamo komi, roomo mangkoyo kapari mpejeani anu ewancetu. Ndipakawongko-wongkomo rayami, maka bangke silinya anu ndapatokaka komi i mPue.”

Yesaya 61:10

Yerusale mangantoʼo, “Mawongko-wongko rayaku ua i Pue, madonde rayaku ua i Pue. Ewa tumpungkoro tuama pai weʼa ndapatakaka parewa ngkadolidi paka magaya, ewancetumo i Pue mampaporengkoka baju ngkatesorepaka pai penangi.

Yesaya 41:16

Siko da mangantapi tau seʼe, nepa da nawaro ngoyu tau seʼe, pai napesawuka ncumbara. Siko da mampokawongko ua ka-Yakunya Pue, pai mampekiundeka kayakunya, Pue Ala pue nto Isaraeli.

Masmur 149:2

Ndikawongkomo ee to Isaraeli ua nau malaburu komi; ndikawongkami ee bangani Sioni ua Mokolemi!

Masmur 97:1

I Pue Inceʼe Mokole! Mbolimo lino da mawongko rayanya, pai waʼa ntogongi da mawongko rayanya.

Masmur 42:4

Ri eo ri wengi yaku motumangi, ue mata anu mewali pangkoniku. Rantani soyo reme meoasi iwaliku, “Mbeʼimo Pue Ala puemu?”

Masmur 5:11

Ndihukumo tau seʼe, boo Pue Ala, mbolimo tau seʼe marugi ua tangara ndayanya ngkalionya. Ndiirimo tau seʼe maka mariamo salaa ntau seʼe, maka tau seʼe maewamo Komi.

NEHEMIA 8:10

Seʼi-seʼi ndipewalilimo ri karodo ndayami ndipangkoni pai ndipanginu ri kawongko-wongko ndayami. Ndiwai santila pangkonimi pai anggoromi ri waʼa ntau anu megana katuwunya. Eo seʼi eo ndapatani tila mPueta, mewali neʼe masusa rayami. Wongko ndaya anu ndawai i mPue ri komi inceʼe anu da mampakaroso rayami.”

1 Tawarikh 16:10

Podo Sira Pue anu sambaʼa-mbaʼa, tapakawongko rayata, maka kita mewali tau-A: Mbolimo pura-pura anu manyomba ri Sira da mawongko-wongko raya.

1 Tawarikh 15:28

Pura-pura to Isaraeli njoʼu ri pantima Peti mPojanji setu nalulu ntau seʼe rantani rata ri Yerusale, mogumora tau seʼe nakeni ngkawongko ndayanya, seʼi oni surupeta pai napiri, rebana pai kecapi bareʼe marapa.

1 Samuel 2:1

Mekakai i Hana natoʼo, “I Pue, mampakawongko rayaku; powia-A maoretakamo tanoanaku. Ua kalindo mponawa-nawaku, kupanggeoni waʼa iwaliku, maka kuepe kojo ewambeʼi pampelae i mPue Ala yaku.

Ulang 16:11

Ri suara i mPue Ala puemi komi sangaya-ngaya da mawongko-wongko raya sangkani-ngkani pai waʼa anami, waʼa anamayunumi pai to Lewi, tau mencua, ana ilu paiwaʼa bemba anu reʼe maroo-roo ri kotami.

Ulang 12:18

Komi pai waʼa anami pai waʼa anamayunumi pai waʼa nto Lewi anu maroo-roo ri kotami, tau seʼe sangaya-ngaya da mangkoni panyomba setu ri suara i mPue Ala puemi ri tampa anu ndapilisi i mPue Ala puemi. Njairiamo komi sangaya-ngaya da mawongko-wongko raya ua waʼa sili lengemi.

1 Tesalonika 4:1

Kapusanya ee waʼa ngkasangkompo, mbolimo komi da mampopandiri kami kono katuwumi anu da mampakawongko raya mPue Ala. Lawi wawaseʼi seʼe ewanceʼemo katuwumi. Paikanya seʼi ri kuasa i mPue Yesu kaperapi pai katudoka kojo da naka ndiranga-rangani pompari-mparimi ri katuwu anu ewanceʼe!

Yesaya 65:14

Monco, tau seʼe da mowoo-woo ua mawongko raya, paikanya komi da matumangi ua kapari ndaya.

Masmur 33:1

Ee waʼa ntau meaya, ndipolingamo ri wongko ndayami ua nunjaa anu roo ndawianaka i mPue; singkana tau anu mayoa rayanya da maunde-unde.