Pilipi 2:2 - Sura Magali Nuntu Ngkatuwu

² Mewali, koisa ndipakagana kojo kawongko ndayaku ri waʼa mpowiami anu ewanceʼi. Ndikatuwumo ri kasintuwu ndaya pai ri towe ndaya anu siwia-wia, pai ri kasiwia mponawa-nawa pai tinako ndaya.

Tuntu i mPue ri Basa Taa

² Wali apa saba ewa wetu resi komi, tuwu-tuwuja komi datuwu masingkatao samba’a pei samba’a pasi masiporayang. Pasi tuwu-tuwuja komi samba’a songka ngkomi pasi samba’a pampobuuka ngkomi. Apa ane ewa wetu, bae wo’u kandende ndayangku mampobuuka komi.

Pilipi 2:2 Referans Kwoze

Roma 12:16

Ndikatuwumo da mombepotowe sambaʼa pai sambaʼa, neʼe mapeni raya, komi da mosintuwu ri kalauka ndaya, ndipasiwia pai tau anu lauka neʼe mobangke-bangke, neʼe nditoʼo ri rayami podo komi anu loʼe.

1 Korintus 1:10

Ee waʼa ngkasangkompo! Ri toʼo mPueta i Yesu Kerisitu kuperapi da naka ndipasintuwu kojo rayami komi pura-pura; neʼe reʼe posisala ri oyomi. Ndipakaroso kasambaʼa-mbaʼami, siwia raya siwia nawa-nawami.

2 Korintus 13:11

Kapusanya, ee waʼa ngkasangkompo ndipakawongko rayami, ndipompari-mpari da naka bareʼe reʼe kakuranya. Ndisabemo waʼa mpatujuku. Mbolimo komi da siwia raya, tuwu mombepotowe. Pai i Pue Ala Matowe pai pande mporaya da sangkani-ngkani pai komi.

3 Yohanes 1:4

Bereʼe anu manangi kawongko ndayaku ane madonge waʼa anaku tuwu silulu pai pompaguru mPue Ala.

Pilipi 2:16

ndikekeni maroso nuntu ngkatuwu, da naka maʼai ngkabangke kawongko ndayaku ri eo ngkarata i ngKerisitu. Inceʼe katongawanya bareʼe ngkabongo posilumbaku pai pompari-mpariku maka reʼe powuanya.

Palaong mPomakau i mPue Yesu 2:46

Bareʼe bali-bali pompasambaka ntau seʼe sandeme-sandeme ri Banua i mPue; pai mangkoni sangkani-ngkani ri kawongko ndaya pai ri kalauka ndaya ri waʼa banua ntau seʼe,

2 Yohanes 1:4

Mawongko kojo rayaku ri paincaniku kareʼenya waʼa anami anu tuwu silulu pompaguru mPue Ala ewa anu roo ndasongkaka i mPue Ala Papa ri kita.

2 Tesalonika 2:13

Ee waʼa ngkasangkompo anu ndapotowe i mPue! Bareʼe bali-bali kapantoʼo tarima kase ri Pue Ala kakononya komi, maka ungka ri tepuʼunya i Pue Ala roo mampilisi komi ua da ndasorepaka. Inceʼe mewali ua potetala Inosa mPue Ala anu magali ua peaya ndayami ri Nuntu anu monco ungka ri Pue Ala.

Kolose 2:5

Maka mau yaku mombelawa-lawa pai komi, paikanya yaku reʼe sangkani-ngkani pai komi. Pai mawongko rayaku mangkita kasambaʼa-mbaʼa ndayami pai karoso mpeaya ndayami ri Kerisitu.

Pilipi 4:2

I Euodia pai i Sintike! Kuperapi kojo da naka komi da siuju-uju raya ewa waʼa ntau anu sampepeaya.

Pilipi 2:20

Podo i Timotiu ri waʼa ntau anu reʼe ireʼi anu siwia peepe ndayanya pai yaku, pai monco-monco kojo nanawa-nawa kono da kadagomi.

2 Korintus 7:7

Katepalindo ndaya mami banya podo ua kajela i nTitu, paikanya tepalindo raya mami ua pampetumbunya ewambeʼi kalindo ndayanya ua kadago ndayami. Napetumbuka kami ewambeʼi kamawo ndayami da momberata pai yaku; maʼai poncosoi ndayami pai wawaseʼi ri kawongko ndayami mampompasambiraka yaku. Inceʼe anu mampakaʼai woʼu kawongko ndayaku.

2 Korintus 2:3

Inceʼe puʼunya painaka kuʼuki sura setu ri komi. Bareʼemo kupokono njoʼu ri komi, boi mampakasusa raya ntau anu kamonconya da mampakawongko rayaku. Maka yonto ri rayaku ane mawongko rayaku, komi woʼu pura-pura mawongko rayami.

Palaong mPomakau i mPue Yesu 5:12

Maria tanda ngkuasa pai petondoni anu ndapojingki anu napowia waʼa ncuro ri tongo ntau sondo. Ri kasambaʼa-mbaʼa ndaya waʼa ntau meaya, mompasambaka tau seʼe pura-pura ri Tambale i Salomo ri Banua i mPue.

Palaong mPomakau i mPue Yesu 1:14

tau seʼe pura-pura mompasambaʼa-mbaʼa raya, sintuwu-ntuwu mekakai. Sangkani-ngkani pai waʼa mbeʼa, pai i Maria ine i mPue Yesu pai waʼa ngkasangkompo-A.

Pilipi 1:4

Sangkani-sangkani kupekakaika komi pura-pura, kumekakai ri wongko ndayaku.

Yohanes 3:29

Tumpu ngkoro weʼa inceʼe tumpu ngkoro tuama tumpunya. Waʼa balenya podo maaweri siʼa, pai maʼai kojo kawongko ndaya waʼa balenya ane nadonge oni nganga i tumpu ngkoro tuama. Ewanceʼemo woʼu yaku, seʼi-seʼi maʼai kawongko ndayaku.

2 Timotius 1:4

Kuendo ewambeʼi kapari ndayamu, inceʼe puʼunya da rayaku kojo momberata pai siko, da naka maliogu kojo kawongko ndayaku.

Palaong mPomakau i mPue Yesu 2:1

Jelamo ri eo Pentakosita mompasambakamo pura-pura waʼa ntau meaya.

Pilemon 1:20

Inceʼe painaka ee kasangkompo, koisa tulungi yaku ri toʼo i mPue; pakawongko rayaku ewa sambaʼa kasangkompo ua i Kerisitu.

Masmur 122:8

Ua waʼa ntinamu pai baleku kutoʼo, “Tuarapa siko da uono!”