Pilipi 2:1 - Sura Magali Nuntu Ngkatuwu

¹ Komi maroso, ua komi sambaʼa-mbaʼa pai i Kerisitu. Pai lindo rayami maka i Kerisitu mampotowe komi! Komi ndaponinika Inosa mPue Ala, pai komi woʼu matowe pai pande mporaya sambaʼa pai sambaʼa.

Tuntu i mPue ri Basa Taa

¹ Wali komi seja samba’a pei i Kerisitu, see naka raya ngkomi rapakaroso, pasi pamporayangiNya mampakalindo raya ngkomi. Pasi see naka komi tuwu masingkatao pei i Nosa Mapasing, pasi masiporayang pei mangika anu to manoto resi yunu ngkomi samba’a pei samba’a.

Pilipi 2:1 Referans Kwoze

Kolose 3:12

Komi tau i mPue Ala, i Pue Ala mampotowe komi pai mampilisimo komi mewali tau anu ndapatani, inceʼe painaka da ndituju kapande ndaya, kalulu ndaya, kalauka ndaya, maʼalusu pai todo ri raya ngkapari.

1 Yohanes 4:12

Bareʼepa reʼe sako sambaʼa tau anu mangkitamo i Pue Ala, paikanya ane mombepotowe kita i Pue Ala da sambaʼa-mbaʼa pai kita pai towea da gana-gana ri kita.

Kolose 2:2

Mbolimo da maroso raya ntau seʼe, pai tau seʼe da mombepotowe da naka maroso kasambaʼa-mbaʼa ntau seʼe. Ane ewanceʼe monco-moncomo kojo parata ndaya ntau seʼe pai ganamo peaya ndayanya. Ane ewanceʼe da teranga-rangani paincani ntau seʼe rahasia mPue Ala, inceʼemo i Kerisitu ngkalio-A.

1 Korintus 12:13

Ewanceʼe seʼe kita pura-pura, madago to Yahudi bara anu banya to Yahudi, waʼa anamayunu bara waʼa ntau anu maradeka kita pura-pura ndariu nu Inosa anu sambaʼa-mbaʼa setu, da naka kita ndapapewali sambaʼa-mbaʼa ri koro i ngKerisitu. Kita pura-pura woʼu maepe Inosa anu sambaʼa-mbaʼa setu ri kagana-gananya.

Masmur 133:1

Ngayu mpesidoe i Daudi. Meawa ara lesesa, ane waʼa ntau i mPue, tuwu ri pombewangunaka!

Galatia 5:22

Ane Inosa mPue Ala mamponinika katuwu ntau sambaʼa, da mampowuaka, towe ndaya, wongko ndaya, kalindo ndaya, kayombu mponawa-nawa, kaloʼe ndaya, kapande ndaya pai katodo,

Galatia 4:6

Ua kakominya waʼa ana mPue Ala, i Pue Ala mampokau Inosa Ana-A meari ri rayami, pai ri rayaku inceʼemo Inosa anu mantoʼo, “Papa, boo Papaku.”

Palaong mPomakau i mPue Yesu 4:32

Pura-pura tau meaya setu tuwu siwia raya pai ponawa-nawa. Bereʼe mau sambaʼa tau ungka ri tau seʼe anu maepe nunjaa anu napotumpu podo anunya ngkalionya. Mpengaya-ngaya anu naporeʼe ntau seʼe, napake sangkani-ngkani.

1 Yohanes 3:24

Pura-pura tau anu medonge ri waʼa ncongka i mPue Ala, da tuwu ri kasambaʼa-mbaʼa pai Pue Ala, pai i Pue Ala da sambaʼa-mbaʼa pai tau seʼe. Pai taincanimo i Pue Ala lau ri kasambaʼa-mbaʼa pai kita maka roomo ndapepombaika ri kita Inosa-A.

Yohanes 17:13

Seʼi Yaku maʼi ri Papa, pura-pura Kutoʼo ntongo Yaku seʼipa ri lino; da naka gana-gana paepe ntau seʼe kawongko ndaya-Ku.

1 Yohanes 4:16

Kita ngkaliota taincani pai taaya ewambeʼi katowe ndaya i mPue Ala ri kita. I Pue Ala inceʼemo towe. Tau anu katuwunya nakuasai ntowe, tau setu lau ri kasambaʼa-mbaʼa pai i Pue Ala, pai i Pue Ala lau ri kasambaʼa-mbaʼa pai siʼa.

Pilipi 3:3

Ntanoka kitamo yau anu mantarima popasuna anu monco, banya tau seʼe. Kita manyomba ri Pue Ala ua popanini Inosa mPue ngkalio-A, pai tapokawongko ua kita sambaʼa-mbaʼa pai i Kerisitu Yesu. Kita bareʼe mantanje waʼa wawai anu napareʼe ntolino.

1 Korintus 3:16

Bara ndiincanimo kakominya inceʼemo Banua i mPue Ala? Pai Inosa mPue Ala meari ri rayami?

Roma 8:26

Ewanceʼe seʼe Inosa mPue Ala rata mampelae kita ane kita malente. Maka kita bareʼe taincani ewambeʼi kamonconya da pekakaita. Inosa setu anu da mancuara i Pue Ala, mampekakaika kita mamparata peʼode-ode anu bareʼe taincani mantoʼo.

Roma 5:5

Pampomata-mata seʼe bareʼe da melewa maka rayata buke pai towe mPue Ala, inceʼe ndawai i mPue ua potetala Inosa mPue Ala anu ndawaimo ri kita.

Palaong mPomakau i mPue Yesu 2:46

Bareʼe bali-bali pompasambaka ntau seʼe sandeme-sandeme ri Banua i mPue; pai mangkoni sangkani-ngkani ri kawongko ndaya pai ri kalauka ndaya ri waʼa banua ntau seʼe,

Ibrani 6:18

Radua ngaya setu bareʼe maya ndabalisaka: ri janji pai pontandokoro, i Pue Ala bareʼe sangkani da mombamba! Inceʼe painaka kita anu melerumo ri Pue Ala, ndaʼiowaka kojo da naka mekekeni maroso-rosonya ri pampomata-mata katuwuta ri tempo anu nepa da rata.

Pilipi 1:8

I Pue Ala ndaincani ewambeʼi kamonconya kamawo ndayaku ri komi ri paepe pampotowe i Kerisitu Yesu ngkalio.

Epesus 4:4

Maka podo sambaʼa-mbaʼa koro pai sambaʼa-mbaʼa Inosa. Ewanceʼe seʼe komi ndapeboo ri pampomata-mata anu siwia-wia.

2 Korintus 2:14

Paikanya, peunde tila i mPue Ala, anu bareʼe bali-bali mamponinika kami melinja sangkani-ngkani ri raya mpenangi i ngKerisitu. I Pue Ala mampake kami da naka nuntu kono i Kerisitu tolele ewa pasoa anu mawongi ri sambawo lino.

1 Korintus 15:31

Ee waʼa ngkasangkompo! Sandeme-sandeme yaku mantodosaka kapari ua mawongko rayaku kono katedikanakami maka komi meayamo ri Pueta i Yesu Kerisitu.

Yohanes 14:27

Kalindo ndaya Kudikaka komi, kalindo ndaya-Ku ngkalio-Ku anu Kuwaika komi. Anu da Kuwaika komi banya ewa anu nawai lino seʼi ri komi. Pakaroso rayami neʼe maeka.

Yohanes 14:18

Bareʼe da Kupalaika komi ewa ana ilu, Yaku da mewalili ri komi.

Lukas 2:25

Sindara setu lau ri Yerusale tau tuʼa sambaʼa i Simeo toʼonya. Siʼa sambaʼa tau meaya pai mampokaeka i Pue Ala, siʼa woʼu mampopea tempo da pancorepaka i mPue Ala to Isaraeli. Inosa mPue Ala mamponinika siʼa,

Yesaya 16:11

Mapari rayaku pai mapese wukuku mangkita katedikanaka Moabi pai Kiri-Heresi.