Pilipi 1:11 - Sura Magali Nuntu Ngkatuwu

¹¹ Katuwumi da gana-gana pai waʼa mpowia anu mayoa anu podo i Yesu Kerisitu ngkalio-A mangkoto mampowia; inceʼe mewali unde pai pebangkei ri Pue Ala.

Pilipi 1:11 Referans Kwoze

Ibrani 12:11

Lawi ri tempo pampaguruka kita popahuku setu bareʼe tapokawongko maka podo mampakapari rayata. Paikanya ripurinya kita anu ndapaguru setu nepa da taepe pompaguru setu mamponinika kita da tuwu silulu pai pepokono mPue Ala, pai da mampareʼe kalindo ndayata.

Yohanes 15:8

Ane maria wuami, komi mampapeawamo i Papa pai tongawamo kamonconya komi anaguru-Ku.

Kolose 1:10

Ane ewanceʼe da ndikotomo tuwu malulu pepokono mPue Ala anu mampakawongko raya-A, painaka mpengaya-ngaya da tongawa wuanya anu madago. Pai pangaincanimi i Pue Ala da kakoteranga-rangani woʼu.

Pilipi 4:17

Inceʼe banya posokinya yaku podo da rayaku marata-rata petulungi. Anu kupodaraya inceʼemo da mangkita powuanya anu maranga-rangani porasimi.

Kolose 1:6

Nuntu ungka ri Pue Ala setu tolelemo ri sambawo lino, pai ua nuntu setu katuwu ntau ndadonco, siwia pai katuwumi woʼu ndadonco, montepuʼu ungka ri padongemi kono puru ndaya mPue Ala pai monco-monco kojo ndipotuwumo.

Roma 6:22

Paikanya seʼi-seʼi komi lapamo ungka ri kuasa ncalaa pai mewalimo watua i mPue Ala. Rasimi inceʼemo komi tuwu tepatani tila i mPue Ala pai da mampareʼe katuwu anu monco anu bareʼe da reʼe kapusanya.

Yesaya 61:11

Ewa inii anu ndasawu da tuwu mewali pinamuya, ewanceʼe ndapampatuwu i mPue Ala katesorepakaku pai pura-pura banca da mangaunde Sira.”

1 Petrus 2:9

Paikanya komi inceʼemo banca anu ndapilisi, waʼa ntadu mpanyomba, anu morioko ri mokole banca anu magali ndapatani waʼa ntau i mPue Ala ngkalio-A. I Pue Ala mampilisi pai mampeboo komi mesuwu ungka ri kawenginya, mesua ri karemenya anu meawa, anu ndatinako ndaya da naka komi mampobambarika waʼa mpowiaa anu ndapojingki.

2 Tesalonika 1:12

Ane ewanceʼe Pueta i Yesu ndibangkei, pai komi woʼu ndabangkei i Yesu ua kapande ndaya mPue Alata pai i Pue Yesu Kerisitu.

Epesus 5:9

Maka ungka ri rememo setu da mebete waʼa mpowia anu madago pai monco ri pangkita mPue Ala.

Epesus 1:14

Inosa setumo anu mampakanoto kakitanya da marata nunjaa anu roomo Ndajanji i mPue ri waʼa ntau-A. Inceʼe mewali kanoto ri kita kaʼi Pue Alanya da mancorepaka tau-A. Taundemo i Pue Ala ua kabangke mpeawa-A!

1 Korintus 10:31

Nunjaa ntano anu nuwianaka – Siko mangkoni bara Siko manginu – pura-pura setu nuwianaka da mabangkei i Pue Ala.

Matius 5:16

Da ewanceʼe seʼe komi ewa reme nu lino da merara ri suara waʼa ntau, da napangkita ntau seʼe pura-pura powiami anu madago, painaka da naunde Papami anu ri suruga.”

1 Petrus 4:14

Morasi komi ane komi ndapetikodi ua pelulumi ri Kerisitu inceʼe posokinya Inosa anu meawa inceʼemo Inosa mPue Ala reʼe ri komi.

1 Petrus 2:12

Ri oyo ntau anu bareʼe maincani i Pue da madago-dagonya poʼengkomi, da naka ane nanuntuki ntau seʼe komi ewa waʼa ntau majaʼa, sangaya-ngaya da naʼaku ntau seʼe waʼa mpowiami anu madago, painaka da naunde ntau seʼe i Pue Ala ri eo ngkarata-A.

1 Petrus 2:5

Komi ewa waʼa mbatu anu tuwu, inceʼe painaka komi da toka mewali watu anu da ndapake mawangu Banua i mPue Ala anu magali. Ewanceʼemo komi da mewali waʼa ntadu mpanyomba anu tepatani tila i mPue Ala, pai anu mampoliu i Yesu Kerisitu mampanyombaka ri Pue Ala, panyomba anu magali anu silulu pai pepokono i mPue Ala.

Epesus 2:10

Kita ndapapewali i mPue Ala ri raya i ngKerisitu, i Pue Ala mamponinika kita da mawianaka waʼa anu madago anu roomo Ndapatokaka kita.

Epesus 1:12

Mbolimo kita anu uyu-uyunya metionda ri Kerisitu, maunde i Pue Ala ua kabangke mpeawa-A!

2 Korintus 9:10

I Pue Ala anu mampatoka inii ri toponcawu pai mampatoka pangkoni da galata, i Pue Ala seʼe anu mampatoka pai mampapewali powua waʼa anu ndisawu, da naka powua ngkapande ndayami da kakoteranga-rangani woʼu.

Yohanes 15:16

Banya komi anu mampilisi Yaku, paikanya Yaku anu mampilisi komi, pai mampokau komi malai da naka sondo wuami – inceʼemo waʼa mbua anu bareʼe da magero. Pai Papa da mawaika komi waʼa anu ndiperapi ri toʼo-Ku.

Yohanes 15:2

Sandaʼa-sandaʼa ri Yaku anu bareʼe mowua da ndatandosi pai sandaʼa-sandaʼa anu mowua inceʼe da ndapengawasi da naka maria powuanya.

Yesaya 61:3

da mawai wongko ndaya pai donde ndaya, ri waʼa ntau anu mapari raya pai masusa raya; da mangabalisaka kapari ndaya ntau seʼe mewali ngayu mpeunde. Tau seʼe da ewa puʼu ngkaju anu ndapomuya i mPue ngkalioa. Tau seʼe da mangawianaka anu madago pai monco, painaka i Pue ndapapeawa.

Yesaya 60:21

Waʼa banganimu da mowia anu monco, tau seʼe da mampotumpu tana rantani masae-sae. Tau seʼe da ewa anu ndacangko nepa kupamuya ngkalioku da mampatongawa kabangke mpeawaku.

Masmur 1:3

Tau setu da mowua pura-pura anu napotetalaka; siʼa da ewa puʼu ngkaju anu ri wingke ngkoronya anu da mawua ane ratamo temponya, pai bereʼe da kalele iranya.

Yesaya 5:2

Napomanggi tananya pai nayalisi waʼa mbatunya. Napomuya anggoro anu ndapilisi, nawangu kandepe mpojaga. Nakae sambaʼa wayau tampa pampaa anggoronya, jamo nalantu katasa mbuanya, paikanya wuanya podo anggoro anu maincu.

Roma 15:28

Ane roomo kuparoo waʼa ntetalaku seʼi, pai mamparata waʼa mpetulungi anu ndapasambaka seʼe ri Yerusale, nepa da kumalai njoʼu ri Sipanyo da moliu ri kotami.

Titus 3:14

Waʼa ntauta sangaya-ngaya da meguru mampowia waʼa anu madago da mampagana waʼa anu da napake ri katuwunya; neʼe boi katuwu ntau seʼe bereʼe yowenya.