NEHEMIA 9:7 - Sura Magali Nuntu Ngkatuwu

⁷ Komimo Pue Ala, Pue Anu Sambaʼa-mbaʼa. Ndipilisi i Burahima ungka ri oyo ntinanya. Napalaika tana Uri pai Babeli, ua komi anu mawawanaka. Nepa Ndiwaika siʼa toʼo anu dawoʼu: i Burahima, inceʼe anu napotoʼo montepuʼu ungka njairia.

NEHEMIA 9:7 Referans Kwoze

Pomulanya 11:31

I Tera malai ungka ri kota Uri ri Babeli sangkani-ngkani pai ananya i Burahima, makumpunya i Loʼoti, pai ri Sarai manianya, inceʼemo rongo i Burahima. Tinako ndayanya da njoʼu ri tana Kanaʼa. Paikanya karatanya ri Harani, maroo-roomo njairia tau seʼe.

Yesaya 51:2

Endomo tau piamomu i Burahima pai i Sara; ri tempo pampeboo-Ku i Burahima, siʼa bereʼe ananya; nepa Kudonco siʼa pai Kuwaika muli anu sondo.

Ulang 10:15

Paikanya ua towe i mPue anu bangke ri tau piamomi, painaka ungka ri oyo waʼa banca ri lino, komimo anu ndapilisi pai rantani rata wawaseʼi mewali taua anu ndapilisi.

Pomulanya 15:7

Nepa ndatoʼo woʼu i mPue ri siʼa, “Yakumo Pue anu mawawanakamo siko mesuwu ungka ri tana Uri ri Babeli, da mangawaika siko tana seʼi da nupotumpu.”

Pomulanya 18:19

Siʼa roomo kupilisi da mangancongka waʼa ananya pai waʼa mulinya da mepoʼinaya ri yaku pai da mangawianaka nunjaa anu madago pai mayoa. Ane nawianaka ntau seʼe inceʼe, pura-pura anu roo kujanjika i Burahima da kubangani.”