NEHEMIA 9:6 - Sura Magali Nuntu Ngkatuwu

⁶ Ungka lairia mekakaimo waʼa nto Isaraeli ewaseʼi: “Komimo Pue, Komi Pue Ane Sambaʼa-mbaʼa; Komi anu mampapewali betuʼe pai sambawo yangi. Ewanceʼe seʼe tasi, lino sangkani pai waʼa banganinya. Komi anu mampatuwu pai mamporewu. Ri komi panyomba pai pepue pura-pura kuasa ri yangi; tau seʼe meʼuru pai mombukotu ri suarami.

NEHEMIA 9:6 Referans Kwoze

Pomulanya 1:1

Ri uyu-uyunya, ri tempo pantepuʼu i mPue Ala malaburu yangi pai lino,

Pangkita 4:11

“Boo Pue, Pue Ala mami! Komimo anu singkana kojo mantarima peunde, petubunaka pai kuasa. Maka Komi anu mampapewali pura-pura, pura-puranya setu tepewali pai tuwu silulu pai pepokono-Mi.”

Ulang 10:14

I Pue Ala puemi inceʼe tumpu yangi anu ri wawo ngkandatekanya, lino seʼi Sira tumpunya pai pura-pura anu reʼe ri lino.

Ulang 6:4

Ee waʼa ngkasangkompo, neʼe ndikalingani! Podo i Pue, pai i Pue seʼe Pue Ala pueta!

Yesaya 44:8

Banca-Ku, neʼe maeka bara tesalu-ntengku; ara banya ungka ipiamo nakarataka wawaseʼi, roomo Kuwati nunjaa anu da mewali? Komimo waʼa ncabi-Ku. Petatondo anu ntaninya bereʼe pai bareʼe Kuincani.”

Yesaya 44:6

Ewaseʼi nuntu i mPue Anu Makuasa, Mokole anu mangkantawi Isaraeli, “Yaku Pue Ala Anu Sambaʼa-mbaʼa anu kaʼisa pai anu kapusanya.

2 RAJA-RAJA 19:15

nepa mekakai siʼa natoʼo, “Boo Pue, Pue Ala pue nto Isaraeli, anu meari ri wawo malaeka, waʼanyamo podo komi Pue Ala anu mangkuasai pura-pura kamokole ri sambawo lino seʼi. Komi anu mampapewali yangi pai lino.

Pomulanya 2:1

Mewali tumumpumo ndapalaburu yangi pai lino.

Yesaya 43:10

Ee waʼa ntau-Ku, komimo waʼa ncabi-Ku, komi Kupilisi mewali waʼa mbatua-Ku, da naka mangaincani Yaku pai mepoʼinaya ri Yaku, pai marata ndaya ka-Yakunya Pue Ala. Yaku Pue Ala anu sambaʼa-mbaʼa, bereʼe anu ntaninya anu mampesindiu-ka bara mamperipurisi Yaku.

Pangkita 14:7

pai meboo siʼa marimbo oni nganganya, “Nditubunakamo i Pue Ala pai ndibangkeimo Sira, maka ratamo tempo da mpobotusia, pai ndipanyombamo Sira anu mampapewalimo yangi pai lino, tasi pai pura-pura mata ue.”

Masmur 36:6

Boo Pue, towe-Mi ewa kandateka yangi, pai katodo-Mi sawi ri limu.

1 RAJA-RAJA 8:27

Paikanya, Boo Pue Ala, ara da mabuya kojo rayami da maroo-roo ri lino seʼi? Ntanoka samba-samba yangi bareʼe songkoba da ndikareʼe, pagonya podo Banua anu kuwangu seʼi!

Ibrani 1:3

Siramo anu mampatongawa peawa mPue Ala anu kangkido-ngkido makilaya; Siramo turuki ngkoro i mPue Ala ngkalio-A. Ua kakuasa ri nuntu-A Sira mangkekeni kasambaʼa-mbaʼa yangi pai lino. Ri karoonya Sira mampakagali tolino ungka ri waʼa ncalaa ntau seʼe, Sira motunda ri gadera mpoparenta ri suruga sangkani-ngkani pai Pue Ala, anu Makuasa ri wawo pura-pura kuasa.

Ibrani 1:6

Paikanya ri tempo pampokau i mPue Ala Ana-A anu uyue ri lino seʼi, ewaseʼi pantoʼo i mPue Ala, “Pura-pura malaʼeka i mPue Ala sangaya-ngaya da manyomba ri Ana-A setu.”

Yesaya 37:20

Boo Pue Ala pue mami, ndilapasaka kami ungka ri waʼa nto Asuri setu napaincani waʼa banca ri lino seʼi kapodo Kominya Pue Anu sambaʼa-sambaʼa.”

Masmur 86:10

Maka Komi maroso pai waʼanyamo Komi Pue Ala anu mawianaka waʼa ntanda ngkuasa.

2 RAJA-RAJA 19:19

Boo Pue. Pue Ala pue mami ndisorepaka kami ungka ri pale nto Asuri, da napaincani pura-pura banca ri wawo lino seʼi kawaʼanyamo Komi Pue Ala anu sambaʼa-mbaʼa.”

YEHESIKIELI 20:11

Njairia Kuwaika tau seʼe waʼa ncongka-Ku pai Kupaguruka waʼa mpadika-Ku anu sangaya-ngaya da nalulu ntau seʼe, maka tau anu mepoʼinaya inceʼe da tuwu.

Masmur 146:6

Siramo anu mampapewali yangi pai lino, tasi sangkani pai waʼa banganinya; Sira todo bareʼe bali rantani masae-sae.

Masmur 103:21

Undemo i Pue, ee pura-pura bangani ncuruga, pura-pura watuaa anu mawianaka pepokonoa.

Masmur 33:6

Ndawai i mPue songka, mewalimo yangi; eo, wuya, betuʼe ndapapewali pai nuntu-A.

1 RAJA-RAJA 22:19

Natoʼo woʼu i Mika, “Seʼi-seʼi pedongeka nunjaa anu ndatoʼo i mPue! Kukita i Pue motunda ri gadera mpoparenta-A ri suruga, natolilimi waʼa malaʼeka mekakore sape-sape ri sori-A.

Yohanes 10:30

Yaku pai i Papa sambaʼa-mbaʼa.”

Pomulanya 32:2

Ri pangkita i Yako tau seʼe, mompau siʼa natoʼo, “Inceʼe kareʼe mpokema mPue Ala,” inceʼe painaka napapotoʼoka tampa setu Mahanai.

Palaong mPomakau i mPue Yesu 4:24

Butu nadonge ntau seʼe, napasintuwu ntau seʼe rayanya mekakai ri Pue Ala, merapi tau seʼe ri Pue Ala, natoʼo, “Pue, komimo anu mampapewali yangi, tana pai ue sangkani pai waʼa banganinya.

NEHEMIA 9:5

Panyomba ri eo setu natepuʼu waʼa nto Lewi, inceʼemo: i Yosua, i Kadimieli, i Bani, i Hasabeniya, i Serebiya, i Hodia, i Sebanya pai i Petahiya. Natoʼo ntau seʼe, “Ndipekakoremo pai ndiundemo i Pue Ala pueta. Ndioretakamo peunde ri Sira rantani masae-sae! Taundemo toʼo-A anu buke pai peawa, toʼo anu meawa meruu ri pura-pura peunde!”

Masmur 24:10

Ara isema Mokole anu meawa setu? I Pue Anu Makuasa, Siramo Mokole anu meawa.

Masmur 102:25

Inceʼe pai kupantoʼo, “Boo Pue Ala, neʼe nditima inosaku, ri parantongo ngkatuwuku.” Pue, Komi tuwu rantani masae-sae,

Masmur 115:15

Tuarapa komi ndadonco i mPue, anu mampapewali yangi pai lino!

Yesaya 45:12

Yakumo Pue anu mampapewali lino, pai mampareʼe tolino anu mampeari. Ri kakuasa-Ku kubini yangi, pai mancongka eo, wuya pai waʼa betuʼe.

Yunus 1:9

Mesono i Yona natoʼo, “Yaku seʼi to Ibarani. Yaku manyomba ri Pue Ala anu ri suruga anu mampapewali tasi pai karatana.”

Pomulanya 1:9

Ungka lairia ndatoʼo i mPue Ala, “Waʼa ue anu ri ara yangi da mompasambaka, da naka tongawa tana.” Mewalimo kojo ewanceʼe.

Ulang 32:39

Ndipeolemo, Yaku Pue Ala anu sambaʼa-mbaʼa, bereʼe Pue Ala ntaninya waʼanya podo Yaku. Yaku makuasa mampepate pai mampatuwu, mawelai pai mampakaʼosa. Ane Yaku anu monggale, bereʼe sako sambaʼa tau anu mangkoto meewa.

Masmur 124:8

Petulungi ri kita rata ungka ri Pue anu mempapewali yangi pai lino.

Yeremia 32:17

“Pue Anu Ndate ri Peawanya, Komi anu mampapewali yangi pai lino ua kabangke ngkuasa pai pangkotomi. Bereʼe mau sangaya anu bareʼe ndikoto.