NEHEMIA 9:5 - Sura Magali Nuntu Ngkatuwu

⁵ Panyomba ri eo setu natepuʼu waʼa nto Lewi, inceʼemo: i Yosua, i Kadimieli, i Bani, i Hasabeniya, i Serebiya, i Hodia, i Sebanya pai i Petahiya. Natoʼo ntau seʼe, “Ndipekakoremo pai ndiundemo i Pue Ala pueta. Ndioretakamo peunde ri Sira rantani masae-sae! Taundemo toʼo-A anu buke pai peawa, toʼo anu meawa meruu ri pura-pura peunde!”

NEHEMIA 9:5 Referans Kwoze

1 Petrus 1:3

Maʼimo kita mangaunde i Pue Ala, Papa mPueta i Yesu Kerisitu! Ua maʼai kojo ndapampomawo kita painaka ndawaika kita katuwu anu dawoʼu, inceʼe mampoliu pampatuwu muni i Yesu Kerisitu ungka ri kapate. Inceʼe anu mawai ri kita pampomata – mata anu tuwu.

2 Korintus 4:6

Ndatoʼo i mPue Ala, “Mbolimo ungka ro tongo mbani da mebete reme.” I Pue anu mampapebetemo reme ri rayata, da naka menaa rayata monawa-nawa pai da tarata ndaya kakilaya mpeawa mPue Ala anu tongawa merara ri lio i ngKerisitu.

Matius 11:25

Sindara setu i Yesu mekakai ndatoʼo, “Papa, Pue yangi pai lino! Tarima kase kupasowa ri suarami, maka pura-puranya seʼi ndisambunika ri waʼa ntau loʼe pai moua rayanya, paikanya ndipatongawa ri waʼa ntau anu begana paincaninya.

ESIRA 3:11

Waʼa ntau sondo mongayu-ngayu maunde i Pue, paunya anu kapusanya mawali-wali ngayu ntau seʼe anu mantoʼo, “Madago kojo i Pue, pande ndayaa ri to Isaraeli bereʼe kapusanya.” Pura-pura tau sondo meboo maunde i Pue, ua pondasi Banua i mPue ndatepuʼumo mampotetalaka.

1 Tawarikh 29:13

Seʼi-seʼi boo Pue Ala pue mami, kaunde komi kabangkei toʼomi anu meawa.

Masmur 146:2

Yaku da maunde i Pue sangkarate ngkatuwuku, pai da mongayu maunde-unde i Pue Ala sindara reʼepa yaku.

Masmur 145:5

Tau seʼe da mampobambarika kabangke pai peawa-Mi, powia mpale-Mi anu ndapojingki da kunawa-nawa.

Masmur 145:2

Sandeme-sandeme yaku montarima kase ri Komi, pai mangaunde Komi rantani masae-sae.

Masmur 134:1

Polinga mpesidoe. Ndikaliga, undemo i Pue, ee pura-pura tau i mPue, pura-pura anu mekakai ri Banua-A ri mposambengi.

Masmur 106:2

Isema anu mangkoto da mampobambarika karoso i mPue, pai da mawai peunde anu singkana ri Sira?

Masmur 16:2

Yaku mantoʼo, “Komimo Pueku, puʼu ngkalindo ndayaku bereʼe anu maliunaka Komi!”

2 Tawarikh 20:19

Nepa mekakore waʼa nto Lewi tina i Ngkehati pai Kora, meboo maunde-unde i Pue, Pue Ala pue nto Isaraeli.

2 Tawarikh 20:13

Sindara setu pura-pura tuama nto Yahuda sangkani pai rongonya pai ananya njau mekakore ri suara Banua i mPue.

1 Tawarikh 29:20

Roo mekakai ewanceʼe, natoʼo i Daudi ri waʼa ntau sondo anu njau tepasambaka njairia, “Ndiundemo i Pue Ala puemi!” Naunde-undemo ntau seʼe i Pue Ala anu napanyomba waʼa ngkai ntau seʼe, mombukotu tau seʼe manyomba mantubunaka i Pue pai mokole.

1 Tawarikh 29:11

Komi anu bangke mpodago pai makuasa. Komi meawa ndabangkei pai magali. Pura-pura anu reʼe ri yangi pai ri lino komi tumpunya. Komi datu anu bangke, mangkuasai mpengaya-ngaya.

1 RAJA-RAJA 8:27

Paikanya, Boo Pue Ala, ara da mabuya kojo rayami da maroo-roo ri lino seʼi? Ntanoka samba-samba yangi bareʼe songkoba da ndikareʼe, pagonya podo Banua anu kuwangu seʼi!

1 RAJA-RAJA 8:22

Ungka lairia mekakoremo i Salomo ri suara waʼa mpalilinya anu njau njairia, pekakorenya seʼe siʼa mancuaki lampaʼani, natora palenya nepa mekakai siʼa,

1 RAJA-RAJA 8:14

Roo mekakai, metorobaka i Mokole Salomo mancuaraki waʼa mpalilinya anu njau pura-pura mekakore njairia, merapi popadonco siʼa ungka ri Pue Ala tila waʼa mpalilinya.

Ulang 28:58

Ane komi bareʼe todo malulu pura-pura padika i mPue Ala puemi anu ndaʼuki ri sura seʼi pai bareʼe mantubunaka i Pue Ala puemi anu bangke pai meawa pai ndapojingkio,

Posuwunya 15:11

Pue Ala mbeʼi anu da mangkasiwiaka komi boo Pue Anu Bangke peawami? Isema anu mangkoto mampowia waʼa ngkuasa anu ndapojingki, pai waʼa mpowia anu bangke ewa i Pue?

Posuwunya 15:6

Karosomi maʼai ndapampojingki boo Pue ndipakajianja pura-pura iwali.

1 RAJA-RAJA 8:15

Natoʼo, “I owi i Pue roo mojanji ri papaku i Daudi, ewaseʼi, ‘Montepuʼu ungka ri Kupangkeni mpesuwu waʼa ntau-Ku ungka Masiri, ri sambawo ntana nto Isaraeli bereʼe mau sambaʼa kota anu Kupilisi da mewali kareʼe mpawangu Banua i mPue ri Yaku. Paikanya siko Daudi Kupilisi da mamparenta tauku.’ Teundemo i Pue Ala pue nto Isaraeli anu mabanganimo janji-A!”

NEHEMIA 9:4

Njairia njau mimbari tila waʼa nto Lewi, ri wawonya mekakoremo i Yosua, i Bani, i Kadimieli, i Sebanya, i Buni, i Serebiya, i Bani pai i Kenani. Marombo oni nganganya mekakai ri Pue Ala puenya.

NEHEMIA 9:6

Ungka lairia mekakaimo waʼa nto Isaraeli ewaseʼi: “Komimo Pue, Komi Pue Ane Sambaʼa-mbaʼa; Komi anu mampapewali betuʼe pai sambawo yangi. Ewanceʼe seʼe tasi, lino sangkani pai waʼa banganinya. Komi anu mampatuwu pai mamporewu. Ri komi panyomba pai pepue pura-pura kuasa ri yangi; tau seʼe meʼuru pai mombukotu ri suarami.

TADULAKO 13:18

Meoasi malaʼeka i mPue seu natoʼo, “Nunjaa puʼunya painaka da rayamu maincani toʼoku? Toʼoku inceʼe toʼo anu ndapojingki.”

1 Tawarikh 16:36

Undemo i Pue, Pue Ala pue nto Isaraeli, montepuʼu seʼi-seʼi rantani masae-sae. Ungka lairia mesono to Isaraeli pura-pura, “Ami”, nepa neunde ntau seʼe i Pue.

AYUBI 1:21

“Yaku ndapoana doe-doe pai yaku woʼu da mate doe-doe. I Pue anu roomo mawai, Sirawoʼu seʼe anu roomo mantima. Teundemo toʼo-A!”

Masmur 66:2

Ndipongayumo pai ndibangkeimo toʼoa, ndipapeawamo Sira pai waʼa mpeunde.

Masmur 99:3

Mbolimo tau seʼe mangaunde toʼoa anu meawa. Magalimo Sira!

DANIELI 2:20

naroʼo, “I Pue Ala loʼe pai maroso, taundemo Sira rantani masae-sae!