NEHEMIA 9:26 - Sura Magali Nuntu Ngkatuwu

²⁶ Paikanya waʼa ntau-Mi meewa bareʼe mepoʼinaya ri komi, nalewamo padika pai waʼa ncongka-Mi, tau seʼe mampepate waʼa nabi anu ma-mpatiendo tau seʼe, pai anu mampokau tau seʼe da mewalili ri Komi Pue Ala puenya. Boo Pue, sangkani-sangkani ndapatiendo woʼu, Komi napetikodi ntau seʼe.

NEHEMIA 9:26 Referans Kwoze

1 RAJA-RAJA 14:9

Paikanya siko mawianaka jaʼa anu maʼai peruunya painaka jaʼa waʼa ntau anu moparenta mamporiuka siko. Siko mantalikusimo Yaku pai mampapebete karau ndayaku ri pampowiamu lamoa pai waʼa nturuki ungka ri tambaga da ndapanyomba.

NEHEMIA 9:18

Napowia ntau seʼe lamoa ewa taʼa japi, nepa natoʼo ntau seʼe, ‘Inceʼimo Pue Ala puemu, anu mangkeni komi ungka ri tana Masiri ri pampowatua komi.’ Boo Pue Ala Komi ngkalio-Mi anu napeti kodi!

Palaong mPomakau i mPue Yesu 7:52

Ara reʼe nabi anu bareʼe najeani ntau tuʼami piamo? Napepate ntau seʼe waʼa mpomokau i mPue Ala, anu roomo mompetumbu owi kono da karata Watua i mPue Ala anu mayoa setu. Seʼi-seʼi komi majeani pai mampepate Watua i mPue Ala setu.

1 RAJA-RAJA 19:10

Mesono i Elia, natoʼo, “Boo Pue, Pue Ala Anu Makuasa, yaku podo motetala mawianaka pepokonomi. Paikanya to Isaraeli malewamo pojanji ntau seʼe pai komi. Narongkasi ntau seʼe waʼa lampaʼani mpanyomba ri komi, pai mampepate waʼa nabimi. Jamo yaku seʼi Pue anu totaʼa, pai yaku seʼe napepali ntau seʼe da napepate!”

1 RAJA-RAJA 18:4

Ri tempo pampepate Isebeli waʼa nabi i mPue, nasambunika i Obaja 100 tau nabi i mPue ri raya mbayau, radua wayau napasambunika tau seʼe, sambajau seʼe 50 tau–pai napakoni woʼu waʼa nabi setu.)

Matius 21:35

Paikanya waʼa anamayununya seʼe nasoko waʼa nto potetala ri bonde anggoro, sambaʼa nabobaki, saʼe napepate, pai anu ntaninya woʼu nawunu mbatu.

YEHESIKIELI 20:21

Paikanya tau anu tuwu salapi setu seʼe meewa ri Yaku. Tau seʼe mangalewa waʼa mpadika-Ku pai bareʼe mawianaka waʼa ncongka-Ku anu mampakanoto tau seʼe anumepoʼinaya da tuwu. Tau seʼe mampakakarika eo Umapo. Inceʼe painaka Yaku tokamo da mampesuparika karau ndaya-Ku ri tau seʼe ri pada bone setu da maʼopisaka tau seʼe pura-pura.

Masmur 50:17

Maka siko bareʼe nupokono mantarima peseko-Ku, pai mancapu pura-pura waʼa ncongka-Ku.

NEHEMIA 9:30

Santaʼu-santaʼu ri kayombu ndaya-Mi ndipatiendo tau seʼe; mampoliu waʼa nabi, Inosami mompau ri tau seʼe. Paikanya nadampo waʼa ntau-Mi setu talinganya painaka Ndipepombaika ri waʼa banca ri sambawo lino.

2 Tawarikh 36:16

Paikanya jananggarati ntau seʼe waʼa mpomokau i mPue Ala setu, napopogeleka ntau seʼe waʼa nabi-A, bareʼe napedongeka ntau seʼe paunya. Ripurinya maʼaimo karau ndaya i mPue ri tau seʼe, painaka bareʼemo reʼe jaya ntaninya anu da malapasaka tau seʼe ungka ri popahuku-A.

2 RAJA-RAJA 21:11

“I Mokole Manase maʼai kojo kajaʼanya, waʼa mpowianya meruu ngkajaʼanya pai powia nto Kanaʼa. Ua pampowianya waʼa lamoa painaka manawu ri salaa waʼa nto Yahuda.

1 RAJA-RAJA 18:13

Bara bareʼepa ndidonge pewalinya, ri tempo pampepate Isebeli waʼa nabi i mPue, kusambunika 100 nabi ri raya mbayau radua – 50 tau sambayau seʼe – pai tau seʼe kupakoni pai kupapanginu?

TADULAKO 10:6

Waʼa nto Isaraeli masalaa woʼu ri Pue. Bareʼe nalinga ntau seʼe i mPue, bareʼemo manyomba ri Sira. Tau seʼe manyombamo ri waʼa lamoa Baali pai Asitore, sangkani pai waʼa lamoa nto Siria, Sidoni, Moabi, Amoni pai Pelisiti.

NEHEMIA 9:29

Ndiseko tau seʼe da naka mepoʼinaya ri waʼa pompaguru-Mi, paikanya ri kapeni ndayanya bareʼe natarima ntau seʼe Padika-Mi. Ntanoka ane nawianaka ntau seʼe Padikami, sangaya-ngaya da uono katuwunya. Tau seʼe mapeni woʼo pai mapeni raya, bareʼe medonge pai bareʼe mepoʼinaya.

Yeremia 2:30

Bereʼe yowenya komi kuhuku, maka komi bareʼe ndipokono mantarima peseko. Ewa singa anu ntongo mpamewu-mewu, ewanceʼemo ndipampepate waʼa nabimi.

Yeremia 16:11

Toʼoka tau seʼe Yaku mangantoʼoka tau seʼe ewaseʼi, ‘Waʼa ntau piamomi mampalaikamo Yaku pai manyomba ri waʼa lamoa ntaninya. Tau seʼe bareʼemo napokono mangalinga Yaku pai bareʼemo napokono mepoʼinaya ri Yaku.

Yeremia 32:23

Paikanya ri karata ntau seʼe ri tana seʼi, pai ri pampotundasi ntau seʼe tana seʼi, tau seʼe bareʼe mepoʼinaya ri waʼa ncongka-Mi, pai bareʼe tuwu silulu pai waʼa mpatadami. Pura-pura anu ndipesongkaka ri tau seʼe, bereʼe mau sangaya anu nawianaka ntau seʼe. Inceʼe painaka ndipapapereka tau seʼe waʼa ngkapari seʼi.

Yeremia 42:19

Nepa kutoʼo woʼu, “I Pue mangasongkamo, da naka komi anu ntongo reʼepa yabinya ri tana Yahuda seʼi neʼe njoʼu ri tana Masiri. Inceʼe painaka yaku mampatiendo komi seʼi-seʼi.

Ratapan 3:42

“Kami masalaa pai meewa ri Komi, Boo Pue, pai bareʼe ndiwai kabareʼenya ndikitanaka salaa.

Ulang 32:14

Pinatuwu ntau seʼe japi, mbula pai bimba mampareʼe susu anu sondo; pinatuwu ntau seʼe paka madolidi; gandu pai ue anggoro ntau seʼe maʼai adagonya.

Ulang 32:15

Waʼa ntau i mPue Ala mewali koreʼe, paikanya topeewa, tau seʼe paka maboko, maka gana pangkoninya. Nepa natalikusi i Pue Ala, anu mampapewali tau seʼe pai tau seʼe mampesapukamo toponcorepaka anu maroso.

2 RAJA-RAJA 21:10

Inceʼe painaka mampoliu waʼa nabi, waʼa mpomokau i mPue, ndatoʼo i mPue,

Yeremia 2:7

Kupoyunu tau seʼe ri tana anu maboko da katuwu waʼa mpinamuya anu da mowua pai mpengaya-ngaya anu madago njairia. Paikanya njairia tanaku napaka karika ntau seʼe pai anu Yaku tumpunya napapewali ntau seʼe ndapokarika.