NEHEMIA 9:25 - Sura Magali Nuntu Ngkatuwu

²⁵ Waʼa ntau-Mi mangarampa waʼa bente anu maroso, tana anu maboko pai banua anu buke pai kakoreʼe. Waʼa ntibubu pai mata ue narampa ntau seʼe, bonde anggoro, puʼu saitu pai waʼa mpinamuya anu ntaninya. Napomabokomo ntau seʼe mangkoni gori mpepokononya. Mpengaya-ngaya pombaimi anu madago nakatuwuka ntau seʼe.

NEHEMIA 9:25 Referans Kwoze

Ulang 32:15

Waʼa ntau i mPue Ala mewali koreʼe, paikanya topeewa, tau seʼe paka maboko, maka gana pangkoninya. Nepa natalikusi i Pue Ala, anu mampapewali tau seʼe pai tau seʼe mampesapukamo toponcorepaka anu maroso.

NEHEMIA 9:35

Ndidonco waʼa mokole anu mamparenta waʼa ntaumi ri tongo mpeari ntau seʼe ri tana bangke pai maboko anu Ndiwaika tau seʼe. Paikanya bareʼe napalaika ntau seʼe engko ngkatuwu anu majaʼa, bareʼe napokono meʼuru pai manyomba ri Komi.

Ulang 3:5

Pura-pura kota setu ndabenteka watu anu ndateka. Baa-baanta maroso kojo ndasingkuagi damponya. Paikanya maria woʼu anu bareʼe mampobente watu.

Hosea 3:5

Paikanya da rata temponya banca Isaraeli da mewalili ri Pue Ala pue ntau seʼe pai ri mokole ntau seʼe ungka ri muli i Daudi. Nepa da maeka pai da metubunaka tau seʼe ri Pue, pai mantarima waʼa mpombai-A.

YEHESIKIELI 20:6

Ri tempo setu montando koro pai mangkeni tau seʼe mesuwu ungka ri tana Masiri njoʼu ri tana anu kupilisi tila ntau seʼe. Tana setu koreʼe pai maboko, inceʼemo tana anu maʼai ngkadagonya ri sambawo lino.

1 RAJA-RAJA 8:66

Ri eo anu kaʼuayu nepa napokau i Salomo waʼa ntau setu mewalili. Tau seʼe pura-pura maunde siʼa nepa mewalili ri banuanya ri kawongko-wongko ndayanya, ua waʼa mpombai anu ndawaimo i mPue ri watua-A i Daudi sangkani pai waʼa ntau-A to Isaraeli.

Ulang 32:13

Sira mampapewali tau seʼe mampotumpu waʼa buyu; tau mangkoni sili lengenya ri waʼa jamaa pai mainu juyu uani yopo ungka ri roka mbatu. Tau seʼe marata lana ungka ri puʼu ngkaju saitu anu tuwu ri tana kewatu.

Roma 2:4

Bara komi da mampesaru-saru puru ndaya i mPue Ala, kapande ndaya pai kayombu ndaya anu bangke? Manoto ndiincanimo i Pue Ala mampatongawa kapande ndaya-A maka pepokonoa da naka pura-pura komi da majea ungka ri kasalaami.

Hosea 13:6

Paikanya jabutu komi meari ri tana anu madago, komi mabosu rantani osa rayami, komi mewali mekiunde pai ndikalinganimo Yaku.

Yeremia 31:14

Waʼa ntadu mpanyomba da kupakaʼosa rayanya pai pangkoni anu gana-gana; pai pura-pura anu da nukatuwuka waʼa ntauku da kuwaika tau seʼe. Yaku Pue anu mangantoʼomo seʼi.”

Yesaya 6:10

Nepa mompau woʼu Sira ri yaku ndatoʼo, “Pakakuyumo ponawa-nawa waʼa ntau setu, pakabongomo talinganya pai pakabutamo matanya, da naka neʼe nakita, bara nadonge, bara narata ndaya painaka da metoro mbalili ri yaku painaka da ʼosa.”

Masmur 65:11

Komi anu mauesi jaya mpajekonya pai waʼa lopa ntananya ndiyoʼosi. Komi anu mampakabowo tana pai uja, painaka malimbokori katuwu mpinamuyanya.

PATADA 30:9

Maka ane koreʼe yaku, boi da kutoʼo, yaku bareʼemo reʼe pokentaku pai Komi. Pai ane yaku kaasi-asi, boi da kumangangka painaka mampakajaʼamo toʼomi.”

Yesaya 63:7

Yaku da mampobambarika towe i mPue pai maunde Sira ua waʼa mpowiaa. Ri gana-gananya Sira mangadonco waʼa ntau-A, ua Sira pande mporaya pai towea bereʼe kapusanya.

DANIELI 11:24

Ri pokira-kiranya siʼa da mangaungku lemba anu malimbokori ri tempo waʼa ntau anu njau njairia tuwu ri kalindo ndayanya. Siʼa da mangawianaka anu bareʼepa reʼe napawianaka ntau piamonya. Nepa da natila-tilaka waʼa ntaunya aga-aga anu napamuru pai kakoreʼe anu naleʼo ri poʼiwali. Siʼa da mampowia akala da mangaungku waʼa ngkota anu reʼe bentenya, paikanya temponya da ronga pura.

Ulang 32:14

Pinatuwu ntau seʼe japi, mbula pai bimba mampareʼe susu anu sondo; pinatuwu ntau seʼe paka madolidi; gandu pai ue anggoro ntau seʼe maʼai adagonya.

1 RAJA-RAJA 14:9

Paikanya siko mawianaka jaʼa anu maʼai peruunya painaka jaʼa waʼa ntau anu moparenta mamporiuka siko. Siko mantalikusimo Yaku pai mampapebete karau ndayaku ri pampowiamu lamoa pai waʼa nturuki ungka ri tambaga da ndapanyomba.

Masmur 105:44

Tana waʼa banca ntaninya ndawaika taua seʼe, waʼa bondenya ndapapotumpuka waʼa ntaua,

Yeremia 2:7

Kupoyunu tau seʼe ri tana anu maboko da katuwu waʼa mpinamuya anu da mowua pai mpengaya-ngaya anu madago njairia. Paikanya njairia tanaku napaka karika ntau seʼe pai anu Yaku tumpunya napapewali ntau seʼe ndapokarika.

Yeremia 32:23

Paikanya ri karata ntau seʼe ri tana seʼi, pai ri pampotundasi ntau seʼe tana seʼi, tau seʼe bareʼe mepoʼinaya ri waʼa ncongka-Mi, pai bareʼe tuwu silulu pai waʼa mpatadami. Pura-pura anu ndipesongkaka ri tau seʼe, bereʼe mau sangaya anu nawianaka ntau seʼe. Inceʼe painaka ndipapapereka tau seʼe waʼa ngkapari seʼi.