NEHEMIA 9:16 - Sura Magali Nuntu Ngkatuwu

¹⁶ Paikanya waʼa ngkai mami mobangke-bangke pai mapeni raya; bareʼe medonge ri waʼa ncongkami.

NEHEMIA 9:16 Referans Kwoze

NEHEMIA 9:29

Ndiseko tau seʼe da naka mepoʼinaya ri waʼa pompaguru-Mi, paikanya ri kapeni ndayanya bareʼe natarima ntau seʼe Padika-Mi. Ntanoka ane nawianaka ntau seʼe Padikami, sangaya-ngaya da uono katuwunya. Tau seʼe mapeni woʼo pai mapeni raya, bareʼe medonge pai bareʼe mepoʼinaya.

Ibrani 3:15

Inceʼimo anu ndaʼuki ri Sura Magali, “Ane ri sandeme seʼi ndidonge oni nganga mPue Ala, neʼe boi ndipakapeni woʼomi ewa powia waʼa ntau piamomi meewa, ri tempo paewa ntau seʼe i Pue Ala.”

Roma 2:5

Paikanya ua kapeni ndayami bareʼe ndipokono majea. Mewali komi ngkaliomi anu marangani kanee hukumi ri tempo ngkagero lino, ane ndatujumo i mPue Ala karau ndaya-A da mangabotusi popahuku anu mayoa.

NEHEMIA 9:10

ri datu nto Masiri Ndipowia waʼa tanda ngkuasa, ewanceʼe seʼe ri waʼa mpegawainya pai waʼa mpalilinya, maka Ndiincani ewambeʼi napajeani waʼa ntaumi. Painaka tebambari toʼomi rata ri sandeme seʼi.

Ulang 31:27

Kuincani tau seʼe, maʼai ngkapeni mboʼonya pai to peewa. Sako ntongo tuwupa yaku tau seʼe meewa ri Pue, pagonya ane bemoreʼe yaku.

Ibrani 3:13

Mewali, da naka neʼe reʼe mau sambaʼa tau ri oyomi anu manawu ri raya ncalaa maewa i Pue Ala, mbolimo komi da mombepatiendo sandeme-sandeme ri sindara kita ntongo tuwupa ri tempo anu ndatoʼo “Eo Seʼi” ri Sura Magali.

Palaong mPomakau i mPue Yesu 7:51

Bara ewambeʼimo kojo kapeni mboʼomi painaka bareʼe liu-liu mepoʼinaya ri Pue Ala! Talingami bongo mpodago ri nuntu mPue Ala! Komi seʼi siwiamo pai waʼa ntau piamomi; bareʼe bali-bali ndipaewa Inosa mPue Ala!

Yeremia 19:15

i Pue Anu Makuasa, Pue Ala pue nto Isaraeli, mantoʼo ewaseʼi, “Ua komi mapeni woʼo pai bareʼe ndipokono mampedongeka, Yaku da mampapapereka kota seʼi pai ri pura-pura anu mantolilimi pura-pura karugi anu roomo kupapodede.”

Yeremia 2:31

Ee waʼa nto Isaraeli, pedongeka waʼa mpauku seʼi. Ara reʼemo powiaku ewa ri pada bone ri komi bara ewa ri tana anu wani mparokii? Paikanya painaka nditoʼo kakominya da rayami lapa pai bareʼemo ndipokono mewalili ri Yaku?

Yesaya 63:10

Paikanya tau seʼe meewa pai mampakapari raya i mPue. Painaka Sira metorobaka mewali iwali ntau seʼe. Sira ngkalioa anu moʼiwali maewa tau seʼe.

Yesaya 48:18

Ane da nupari ndaya waʼa ncongkaku, kagana-gana ngkatuwumu da ewa koro ue anu bereʼe kangaunya, pai porasimo da ewa ropo ri tasi, anu bereʼe peʼontonya.

Yesaya 48:4

Kuincani kasikonya mapeni raya, mapeni woʼo pai bareʼe mesua pau ndatoʼo.

PATADA 29:1

Isema anu balanganga ane ndapatujuki, sangkani tempo da malesa pai bareʼemo da ndakoto woʼu mampakoroka.

Masmur 106:6

Kami masalaamo ewa waʼa ntau tuʼa mami, kami mampowiamo jaʼa pai mobangke-bangke.

Masmur 81:8

Ri tempo ngkapari komi meboo, pai Yaku mancorepaka komi. Kusono peboomi ungka ri gundu kareʼe mpesambuni-Ku, Kuʼuji komi ri mata ua Meriba.

2 Tawarikh 36:13

I Datu Nebukanesa mariso i Sedekia montando koro mamposabi i Pue Ala, kasiʼanya da todo mepoʼinaya ri Nebukanesa. Paikanya ripurinya i Sedekia meewa ri Nebukanesa. Napakapeni i Sedekia rayanya ri Pue Ala pue nto Isaraeli. Bareʼe napokono mampalaika waʼa ncalaanya pai bareʼe napokono mewalili ri Pue.

2 Tawarikh 30:8

Neʼe ndipaka peni rayami ewa tau seʼe paikanya ndipepoʼinayamo ri Pue. Ndikamaʼimo ri Yerusale ri Banua i mPue inceʼe anu ndapatani i mPue Ala puemi da ndipampanyomba Sira da naka mongku karau ndayaa ri komi.

2 RAJA-RAJA 17:14

Paikanya bareʼe napokono nto Isaraeli pai to Yahuda mampedongeka. Tau seʼe mapeni woʼo ewa tau piamonya anu bareʼe meaya ri Pue, Pue Ala pue ntau seʼe.

Ulang 32:15

Waʼa ntau i mPue Ala mewali koreʼe, paikanya topeewa, tau seʼe paka maboko, maka gana pangkoninya. Nepa natalikusi i Pue Ala, anu mampapewali tau seʼe pai tau seʼe mampesapukamo toponcorepaka anu maroso.

Ulang 9:27

Da ndiendomo waʼa mbatuami i Burahima, i Saki pai i Yako, pai neʼemo ndikitanaka kapeni mboʼo ntau seʼe, kasalaa pai kajaʼa banca seʼi.

Ulang 9:13

Ndatoʼo woʼu i mPue ri yaku, ‘Kuincani banca setu lawi waʼa ntau anu mapeni woʼonya.

Ulang 9:6

Da naepe ndayami kaʼi Pue Ala puemi bareʼe mampepombaika tana anu maboko setu ri komi ua komi sintinaja da mantima, bareʼe! Komi seʼi inceʼemo banca anu mapeni woʼo.

Ulang 5:29

Tuarapa ewanceʼe mpaliu paepe ndaya ntau seʼe! Tuarapa ewanceʼe mpaliu petubunaka ntau seʼe ri yaku pai mepoʼinaya ri waʼa ncongkaku, da naka tau seʼe pai waʼa mulinya da tuwu ri kalindo ndaya rantani masae-sae!

Posuwunya 32:9

Kuincani ewambeʼi kapeni mboʼonya banca setu.

Posuwunya 15:26

Ndatoʼo i mPue ri tau seʼe, “Ndipepoʼinayamo ri yaku ri kaliogu ndayami pai da ndiwianakamo nunjaa anu madago silulu pai pepokonoku, ndilulumo pura-pura songkaku. Ane ewanceʼe poʼengkomi, komi bareʼe da kuhuku pai juʼa ewa anu roomo kepapaepeka to Masiri. Maka Yakumo Pue anu mampakaʼosa komi.”

Yeremia 7:26

Paikanya bereʼe anu mampedongeka bara mamparindaya. Sawanya ndipedongeka, jamaʼai ngkapenimo woʼomi pai meruu ngkajaʼa woʼu pai tau piamomi.”

YEHESIKIELI 5:6

Paikanya Yerusale bareʼe malulu songkaku pai tongawa meruu ngkajaʼa ungka ri waʼa banca ntaninya, pai meruu ngkabareʼenya mepoʼinaya pai waʼa negara anu mantolilimi. Yerusale topelewa ri waʼa ncongkaku pai bareʼe mepoʼinaya ri waʼa mpadikaku.”

2 Tawarikh 29:6

Ngkaita bareʼe todo ri Pue Ala pueta pai tau seʼe mawianaka waʼa anu mangkelo karau ndayaa. Tau seʼe malinga Sira pai bareʼemo mampakoroka kareʼe mpearia.