NEHEMIA 9:15 - Sura Magali Nuntu Ngkatuwu

¹⁵ Ri tempo ntau seʼe maoro pai bareʼe gana pangkoni, Ndipatudu roti ungka ri yangi. Pai ungka ri roka mbatu pangi Ndipapebete ue gana-gana mampapaya karanganga. Ndipokau tau seʼe mangkuasai tana, anu Ndijanjika tau seʼe.

NEHEMIA 9:15 Referans Kwoze

Ulang 1:8

Yaku, Pue anu roomo majanjika komi juku-juku tana setu ri ngkaimi i Burahima, i Saki pai i Yako pai waʼa mulinya. Mewali ndikanjoʼumo mampotundasi tana setu.’ ”

Posuwunya 17:6

Yaku da mekakore ri suara ri wawo sambaʼa watu bangke ri Buyu Sinai. Bobakimo watu setu. Da mesuwu ue anu da nainu ntau seʼe.” Napowia i Musa ewanceʼe ri suara waʼa ntadulako nto Isaraeli.

Posuwunya 16:4

Ndatoʼo i mPue ri Musa, “Seʼi-seʼi da kupapenaʼu pangkoni anu gana-gana da ewa katudu uja da galami komi pura-pura. Sandeme-sandeme komi da maruru pangkoni pai anu da ndikoni ri raya anu sandeme setu. Ewanceʼe da Kupampebutuka waʼa ntau-Ku, da Kupaincani bara mepoʼinaya tau seʼe ri waʼa ncongka-Ku bara bareʼe.

YEHESIKIELI 20:15

Ri pada bone setu seʼe kukarausi tau seʼe, njairia kutoʼo Yaku bareʼe da mangkeni mpesua to Isaraeli ri tana anu kupakanotokamo tau seʼe, tana anu koreʼe pai maboko tana anu maʼai ngkadago ri sambawo lino.

Masmur 114:8

anu mawalisaka roka mbatu mewali limbo ue, pai buyu roka mbatu mewali mata ue.

Ulang 8:3

Ndapapaepeka komi oro, nepa ndawaika komi roti mana da ndikoni. Komi pai waʼa ntau piamomi bareʼepa reʼe ndipangkoni pangkoni setu. Powia i mPue ewanceʼe da mampaguruka komi katolinomi, kamonconya tolino banya podo mampotuwu roti paikanyua ungka ri mpengaya-ngaya anu ndatoʼo i mPue.

NEHEMIA 9:20

Kuasami anu manondo mampaguru tau seʼe, tau seʼe mangkoni roti mana pai mainu ue gana-gana.

Pombilang 14:30

Inceʼe puʼunya painaka komi da mate, pai wata ngkoromi da morempo-rempo ri pada bone seʼi. Ndasangadika i Kalebi pai i Yosua, komi anu tinuwu ruampuyu ntaʼu waindeku bereʼe mau sambaʼa tau anu da mampesuaki tana anu roo kujanji ri komi setu.

Pomulanya 14:22

Paikanya mesono i Burahima natoʼo, “Montandokoro yaku ri suara i mPue, Pue Ala Anu Ndate ri Peawanya, anu mampapewali yangi pai lino,

Posuwunya 6:8

Pura-pura patada i Pue setu naparata i Musa ri banca Isaraeli, paikanya bareʼe napedongeka ntau seʼe i Musa, ua kaparimo pampowatua setu painaka pulimo ponawa-nawa ntau seʼe.

Posuwunya 17:3

Paikanya janaʼaiwaka ntau seʼe manggantali i Musa nakeni ngkaʼai ngkaranganganya. Natoʼo ntau seʼe, “Wenu painaka nupoyunu kami mesuwu ungka ri tana Masiri? Da naka kami sangkani pai waʼa ana mami pai waʼa mpinatuwu mami da mate maranganga?”

Yesaya 48:21

Sindara Sira mamponinika tau seʼe moliu ri pada bone tau seʼe bareʼe maepe pari ua maranganga. I Pue mabira buyu roka mbatu pai mampapoili ue, ungka ri watu Sira mampapoili ue ntau seʼe.

Yeremia 32:23

Paikanya ri karata ntau seʼe ri tana seʼi, pai ri pampotundasi ntau seʼe tana seʼi, tau seʼe bareʼe mepoʼinaya ri waʼa ncongka-Mi, pai bareʼe tuwu silulu pai waʼa mpatadami. Pura-pura anu ndipesongkaka ri tau seʼe, bereʼe mau sangaya anu nawianaka ntau seʼe. Inceʼe painaka ndipapapereka tau seʼe waʼa ngkapari seʼi.