NEHEMIA 9:1 - Sura Magali Nuntu Ngkatuwu

¹ Ri rua mpuyu pai aopo eo mbuya setu seʼe, mompasambakamo waʼa nto Isaraeli. Tau seʼe mopuasa mampatongawa poncosoi ndaya ntau seʼe ua waʼa ncalaanya.

NEHEMIA 9:1 Referans Kwoze

NEHEMIA 8:2

Roo setu natima i Esira sura setu nakeni ri suara ntau sondo, njau waʼa ntuama, weʼa pai ananggodi anumangkotomo marata ndaya padika setu.

ESIRA 8:23

Ungka lairia mopuasamo kami pai mekakai ri Pue Ala merapi da naka ndakariani pai ndabangani pekakai mami.

Yosua 7:6

Maʼai kasusa ndaya i Yosua pai waʼa ntadulako nto Isaraeli painaka nasiati baju ntau seʼe, ungka ri mowuro nakarataka mawengi tau seʼe janjau metutu menyomba ri suara Peti mPojanji i mPue, nadika awu ri wawo ntanoananya mewali tanda ngkapari ndaya.

1 Samuel 4:12

Reʼe sambaʼa tau ungka ri lemba i Benyami anu molonco ungka ri kareʼe mpombetoto ndeku ri Silo, sandeme setu seʼe siʼa liu-liu jela ri Silo. Mampatongawa tanda kasusa ndayanya, nasempa-sempa rengkonya nepa nadika awu ri wawo ntanoananya.

Yesaya 22:12

Sindara setu i Pue Anu Ndate ri Peawanya pai Makuasa mampokau komi motumangi pai mokukuou, mangkou wuyua pai mamporengko karu.

AYUBI 2:12

Paikanya ri karata ntau seʼe njairia ntongo lawa-lawapa sakodi nasalamo ntau seʼe taʼa i Ayubi. Motumangi tau seʼe marimbo oni nganganya, nasiati ntau seʼe rengkonya napesawuka ntau seʼe awu ri raoa pai ri wawo mboʼo ntau seʼe.

SETERI 4:16

“Pasambakamo pura-pura to Yahudi anu reʼe ri kota Susani seʼi mampekakaika yaku. Tau seʼe neʼe mangkoni bara manginu togo ndeme togo mbengi. Yaku woʼu pai waʼa anaweʼa anu mamporiokoi yaku da mopuasa. Roo setu yaku da njoʼu mancuara i datu, mau powiaku setu malumpaʼi unda-unda. Ane inceʼemo wereku mbolimo yaku mate.”

SETERI 4:3

Ewanceʼe seʼe waʼa nto Yahudi ri pura-pura poropinci mokukuou butu nadonge songka i datu setu. Tau seʼe mopuasa pai motumangi meʼode-ode, maria ri oyo ntau seʼe anu mamporengko karu nepa moturu ri awu.

2 Tawarikh 20:3

Maeka raya i Yosapa, mekakai siʼa merapi totoraka ungka ri Pue. Napokau pura-pura palilinya mopuasa.

2 Tawarikh 7:10

bangke reme ri 23 eo mbuya kapapitu, napokaumo i Ncalomo waʼa ntau setu mewalili. Mawongko raya ntau seʼe mangkita waʼa anu madago ndapowia i mPue ri taua to Isaraeli, ri Daudi pai ri Salomo.

2 Samuel 1:2

Bangke reme, jelamo sambaʼa pemuda anu ungka ri pokema i Saulu. Pemuda setu manciati bajunya, nepa nadika tana ri wawo mboʼonya, mewali petondoni ntau anu mongkabalusi. Pamuda madadu i Daudi, karatanya ri suara i Daudi metutu mombukotu siʼa.

TADULAKO 20:26

Inceʼe painaka ndeku woʼu to Isaraeli ri Beteli motumangi ri suara i mPue. Njairia tau seʼe mopuasa rantani mawengi. Nepa napanyombaka ntau seʼe panyomba ngkasimadago pai panyomba anu ndaʼombasi ri Pue.

TADUMPANYOMBA 23:39

Karoo mpomota, montepuʼu ri sampuyu pai alima eo mbuya kapapitu, komi sangaya-ngaya da mawianaka posusa papitu ndeme kasaenya. Eo anu kaʼisa pai eo anu kaʼuayu inceʼemo eo anu ndapatani tila mpeosa.

Pangkita 11:3

Yaku da mampokau radua tau mewali sabi-Ku anu mampataka rengko ntau anu napere ncusa ndaya, pai tau seʼe da mampobambarika nuntu i mPue Ala 1260 ndeme kasaenya.”

1 Samuel 7:6

Mompasambakamo kojo tau seʼe pura-pura ri Misipa. Natombu ntau seʼe ue nepa nabubu mewali sambaʼa panyomba ri Pue, roo setu mopuasa tau seʼe sandeme setu. Maka natoʼo ntau seʼe, “Kami masalaamo ri Pue.” (Ri Misipa setumo napamparoo i Semueli i Semueli pura-pura waʼa mposisala nto Isaraeli.)

ESIRA 8:21

Nepa ri wingke ngKoro Ahawa itu kupantoʼoka tau seʼe pura-pura sangaya-ngaya da mopuasa pai da mampakalauka koronya ri suara i mPue Ala, kami mekakai da naka i Pue Ala da mangkariani kami ri raya mpelinja setu pai da mawawanaka kami pai waʼa ana mami sangkani pai waʼa aga-aga mami.

YOELI 2:12

Ndatoʼo i mPue, “Paikanya seʼi-seʼi, ndipewalilimo ri Yaku ri kaliogu ndayami, ndipopuasa, ndipokukuou pai ndipotumangi.