NEHEMIA 8:7 - Sura Magali Nuntu Ngkatuwu

⁷ Roo setu meoko tau seʼe nepa mekakore ri tampanya sambaʼa-sambaʼa seʼe, sindarawaʼa nto Lewi mantotoraka tau seʼe kono bangani mPadika setu. Waʼa nto Lewi setu inceʼemo: i Yesua, i Bani, i Serebiya, i Yamini, i Akubi, i Sebetai, i Hodia, i Maaseya, i Kelita, i Asaria, i Yosaba, i Hanani pai i Pelaya.

NEHEMIA 8:7 Referans Kwoze

NEHEMIA 9:4

Njairia njau mimbari tila waʼa nto Lewi, ri wawonya mekakoremo i Yosua, i Bani, i Kadimieli, i Sebanya, i Buni, i Serebiya, i Bani pai i Kenani. Marombo oni nganganya mekakai ri Pue Ala puenya.

TADUMPANYOMBA 10:11

Pura-pura padika anu kuwaika komi mampoliu i Musa, inceʼe sangaya-ngaya da ndipaguruka to Isaraeli.”

MALEAKI 2:7

Lawi tetala waʼa ntadu mpanyomba da mampapeguruka anu monco kono Yaku Pue Anu Ndate ri Peawanya. Ri tau seʼe da pompeoasi waʼa ntau nunjaa pepokono-Ku, ua waʼa ntau seʼe setu pomokau-Ku.

NEHEMIA 12:33

Waʼa ntadu mpanyomba anu teʼuki toʼonya tondanya seʼi, inceʼe anu da mantondaraka mantawuisi surupeta, tau seʼe setu inceʼemo: i Asaria, i Esira, i Mesula, i Yahuda, i Benyami, i Semaya pai Yeremia. Tau seʼe natondaraka i Sakaria ana i Yonata makumpu i Semaya. Bara tesangkuja toʼo ri oyo waʼa ngkai ntau seʼe inceʼemo: i Matanya, i Mika, Sakuri ungka ri tina i Asapi.

NEHEMIA 11:19

Waʼa ntopojaga baa-baa: I Akubi, i Talimo pai waʼa yunu ntau seʼe, poromunya 172 tau.

NEHEMIA 10:2

Waʼa ntadu mpanyomba i Seraya, i Asaria, i Yeremia, i Pasuri, i Amaria, i Malikia, i Hatusi, i Sebanya, i Maluka, i Harimi, i Meremoti, i Obaja, i Danieli, i Ginetoni, i Baruki, i Mesula, i Abia, i Miyamini, i Maasia, i Biligai, pai i Semaya.

NEHEMIA 8:4

I Esira mekakore ri mimbari kaju anu ndapowia da ndapake ri pompasambaka setu. Ri tondo mokananya mekakore i Matica, i Sema, i Anaya, i Uria, i Hilikia pai i Maaseya, pai ri tondo mokaiinya mekakore: i Pedaya, i Misaeli, i Malikia, i Hasumi, i Hasibadana, i Sakaria pai i Mesula.

NEHEMIA 3:17

Reʼe bara tesangkuja ntila bente anu napakoroka nto Lewi, ndatila-tila woʼu ri waʼa nto Lewi santina-santina seʼe, ewaseʼi katetilanya: i Rehumi ana i Bani i Hasabiya anu mangkuasai santongo Wilaya Kehila. Siʼa anu mampakoroka bente anu simpontu pai kareʼe mpearinya. i Binui ana i Henada, anu mangkuasai woʼu santongo Wilaya Kehila. i Eseri ana i Yesua, anu mangkuasai Misipa: bente ri suno njaya ri suara gudangi parewa mpoʼiwali. Baruki ana i Sabai: bente ungka suno njaya rata ri boboka i nTadu mPanyomba Bangke Eliyasi. i Meremoti ana i Uria makumpu i Hakosi: bente ngkota ungka ri banua i Eliyasi rata ri tando banua setu.

ESIRA 8:18

Ua kapuru ndaya i mPue Ala napokauka ntau seʼe kami ri Serebiya sambaʼa to Lewi anu loʼe ri ponawa-nawa ungka ri tina i Mahali. Napoyunu woʼu waʼa ana waʼa ngkasangkomponya, romunya 18 tau.

Ulang 33:10

Tau seʼe mampaguru waʼa ntaumi malulu pura-pura songkami pai mampanyombaka panyomba ri wawo lampaʼanimi.

2 Tawarikh 35:3

Waʼa nto Lewi anu roo ndapakanoto tila mpeporiokoi ri Pue pai anu da mewali waʼa guru nto Isaraeli marata songka ungka ri Yosia ewaseʼi, “Ndidikamo Peti mPojanji i mPue Anu Magali setu ri raya Banua i mPue, anu nawangu i Mokole Salomo ana i Daudi. Bareʼemo maya da ndilimba-limba woʼu. Ndiporiokoimo i Pue Ala puemi pai banca Isaraeli tau-A setu.

NEHEMIA 8:6

Natoʼo i Esira: “Undemo i Pue, Pue Ala anu bangke!” Pura-pura tau sondo mantora palenya nepa mesono: “Ami, Ami!” Nepa mombukotu tau seʼe manyomba ri Pue Ala.

NEHEMIA 8:8

Tau seʼe mampalimba waʼa mPadika i mPue Ala setu nteasangaya pai mantotoraka da naparata ndaya waʼa ntau sondo posoki anu ndabasa setu.

NEHEMIA 8:12

Mewalilimo waʼa ntau sondo setu njoʼu mangkoni pai manginu pai mampotilaka pangkoni ri waʼa ntau ntaninya. Mawongko raya ntau seʼe maka narata ndayamo ntau seʼe posoki anu ndabasa anu nadonge ntau seʼe setu.

1 RAJA-RAJA 8:14

Roo mekakai, metorobaka i Mokole Salomo mancuaraki waʼa mpalilinya anu njau pura-pura mekakore njairia, merapi popadonco siʼa ungka ri Pue Ala tila waʼa mpalilinya.

NEHEMIA 9:3

Tempo-temponya tatogo jaa kasaenya Sura mPadika i mPue, Pue Ala pue ntau seʼe ndabasaka tau seʼe pai tatogo jaa woʼu tau seʼe mampangakuka waʼa ncalaanya. Roo setu nepa mombukotu tau seʼe manyomba ri Pue, Pue Ala puenya.