NEHEMIA 8:6 - Sura Magali Nuntu Ngkatuwu

⁶ Natoʼo i Esira: “Undemo i Pue, Pue Ala anu bangke!” Pura-pura tau sondo mantora palenya nepa mesono: “Ami, Ami!” Nepa mombukotu tau seʼe manyomba ri Pue Ala.

NEHEMIA 8:6 Referans Kwoze

1 Timotius 2:8

Ri mbeʼi-mbeʼi ntano, mbolimo waʼa ntuama mekakai ri kaliogu ndaya, neʼe ri kasengke bara ri posisala.

Posuwunya 4:31

Inceʼe painaka napoaya moncomo ntau seʼe, butu nadonge ntau seʼe i Pue mampetiromo to Isaraeli pai mangkitamo ewambeʼi kaparinya naepe ntau seʼe, mombukotumo tau seʼe manyomba.

2 Tawarikh 20:18

Madonge pau setu mombukotu manyomba i Mokole Yosapa, ewanceʼe seʼe waʼa ntau sondo mombukotu manyomba ri Pue sangkani pai siʼa.

Pangkita 7:11

Pura-pura malaʼeka mekakore mantolilimi gadera mpoparenta pai waʼa ntadulako sangkani pai pinatuwu anu aopo setu. Waʼa malaʼeka setu metutu ri suara gadera mpoparenta manyomba ri Pue Ala.

Masmur 134:2

Nditoramo palemi simpontu tampa anu magali, pai ndiundemo i Pue!

NEHEMIA 5:13

Ungka lairia kulede soʼo ntongoku kuwurentesaka, nepa kutoʼo, “Ewanceʼimo da ndapawurentesaka i mPue Ala tau anu bareʼe mabangani janjinya. Tau setu da mewali kaasi-asi, banua sangkani pai aga-aganya da ndatima i mPue Ala!” Pura-pura tau mogombo setu mesono, natoʼo, “Ami!” nepa naunde ntau seʼe i Pue. Nabangani kojo waʼa ntadulako setu janji ntau seʼe.

Pomulanya 24:26

Inceʼe painaka mombukotu manyomba ri mPue anamayunu setu.

1 Tawarikh 29:20

Roo mekakai ewanceʼe, natoʼo i Daudi ri waʼa ntau sondo anu njau tepasambaka njairia, “Ndiundemo i Pue Ala puemi!” Naunde-undemo ntau seʼe i Pue Ala anu napanyomba waʼa ngkai ntau seʼe, mombukotu tau seʼe manyomba mantubunaka i Pue pai mokole.

TADUMPANYOMBA 9:24

Tingkarasaka ndapatudu i mPue apu anu maʼombasi pura-pura waʼa mpanyomba anu da ndaʼombasi pai anu ntaninya anu molori anu njau ri wawo nu lampaʼani. Pangkita waʼa nto Isaraeli pewalinya ewanceʼe manggora-nggora tau seʼe nepa mombukotu manyomba.

Posuwunya 12:27

Sangaya-ngaya da ndisono, ‘Inceʼimo panyomba Pasa da mantubunaka i Pue, maka banuanto Isaraeli ri tana Masiri ndaliunaka, ri tempo ndapampepate ana uyue nto Masiri, pai kita bareʼe ndapepate!’ ” Inceʼe painaka mombukotumo waʼa nto Isaraeli manyomba.

1 Petrus 1:3

Maʼimo kita mangaunde i Pue Ala, Papa mPueta i Yesu Kerisitu! Ua maʼai kojo ndapampomawo kita painaka ndawaika kita katuwu anu dawoʼu, inceʼe mampoliu pampatuwu muni i Yesu Kerisitu ungka ri kapate. Inceʼe anu mawai ri kita pampomata – mata anu tuwu.

Epesus 1:3

Peunde ri Pue Ala, Papa mPueta i Yesu Kerisitu! Siramo anu mawaika kita popadonco ungka ri suruga ua kita sambaʼa-mbaʼamo pai i Kerisitu.

1 Korintus 14:16

Maka ane komi mampasowa pontarima kase ri Pue Ala podo pai tanoanami, pai reʼe tau ntaninya anu bareʼe marata ndaya basa rahasia anu ndapojingki ungka ri Pue Ala setu, bareʼe da nakoto ntau setu mantoʼo, “Yaku sintuwu” kono peundemi ri pekakai setu, maka bareʼe ndiincani nunjaa anu nditoʼo setu.

Matius 26:39

Roo setu melinja i Yesu lawa sakodi, nepa mombukotu metutu tudu ri tana pai mekakai. Ndatoʼo, “Papa, ane maya, ndipakalawa ungka ri Yaku kapari anu da Kupomberataka seʼi. Paikanya neʼe pepokono-Ku, pepokono-Mi Papa anu da mewali.”

Matius 6:13

Neʼe ndipapaliu paya peaya mami ri sindara komi ri pompebutuka, paikanya ndilapasaka kami ungka ri kuasa i Majaʼa. [Maka Komimo Mokole anu makuasa pai meawa anu bareʼe da reʼe kapusanya. Ami.]’

Yeremia 28:6

“Madago! Tuarapa powatimu setu da mewali ri kamonconya painaka i Pue monco-monco kojo da mangkeni mpewalili waʼa aga-aga Banua i mPue sangkani pai pura-pura tau anu roo ndataji njairia.

Masmur 141:2

Ndisabemo pekakaiku ewa sambaʼa dupa mpanyomba ri paleku anu tetora ewa panyomba mawengi.

Masmur 63:4

Towemi meruu ngkasulinya painaka katuwu, inceʼe painaka kuunde Komi.

Masmur 41:13

Komi mantulungi ua kayoa ndayaku, pai madika yaku tuwu sangkani-ngkani pai Komi rantani masae-sae.

Masmur 28:2

Ndipedongeka perapiku ane kumeboo merapi pompelae, pai mantora paleku sintondo Banuami anu magali.

2 Tawarikh 29:30

Napokaui mokole waʼa ntadulako ntau sondo setu da naka to Lewi mampongayuka ngayu mpeunde ri Pue, ngayu anu napaguru i Daudi pai i Nabi Asapi. Pura-pura tau setu mongayu ri kaʼai ngkawongko ndayanya seʼi mombukotu manyomba ri Pue Ala.

2 Tawarikh 6:4

Natoʼo, “I owi i Pue majanji ri papaku i Daudi, ewaseʼi, ‘Ungka ri pangkeniku waʼa ntauku mesuwu ungka ri tana Masiri nakarataka ri sandeme seʼi, ri tana nto Isaraeli bereʼe mau sambaʼa kota anu kupilisi da mewali kareʼe mpawangu banua anu da kareʼe mpawianaka panyomba ri Yaku, pai bereʼe mau sambaʼa tau anu kupilisi da mewali to pombawanaka tauku to Isaraeli. Paikanya seʼi-seʼi kupilisi Yerusale mewali kareʼe mpanyomba ri Yaku. Pai siko Daudi kupilisi da mamparenta tauku.’ Teundemo i Pue Ala pue nto Isaraeli anu mabanganimo janjia setu!”

Pomulanya 14:22

Paikanya mesono i Burahima natoʼo, “Montandokoro yaku ri suara i mPue, Pue Ala Anu Ndate ri Peawanya, anu mampapewali yangi pai lino,

1 Tawarikh 16:36

Undemo i Pue, Pue Ala pue nto Isaraeli, montepuʼu seʼi-seʼi rantani masae-sae. Ungka lairia mesono to Isaraeli pura-pura, “Ami”, nepa neunde ntau seʼe i Pue.

NEHEMIA 8:7

Roo setu meoko tau seʼe nepa mekakore ri tampanya sambaʼa-sambaʼa seʼe, sindarawaʼa nto Lewi mantotoraka tau seʼe kono bangani mPadika setu. Waʼa nto Lewi setu inceʼemo: i Yesua, i Bani, i Serebiya, i Yamini, i Akubi, i Sebetai, i Hodia, i Maaseya, i Kelita, i Asaria, i Yosaba, i Hanani pai i Pelaya.

1 Tawarikh 29:10

Ri suara waʼa ntau sondo setu i Mokole Daudi maunde-unde i Pue, natoʼo, “Boo, Pue Ala pue anu napanyomba ngkai mami i Yako, ndabangkeimo toʼomi rantani masae-sae.

2 Tawarikh 29:10

Seʼi-seʼi yaku da mampareʼe pojanji pai i Pue, Pue Ala pue nto Isaraeli, da naka bareʼemo marau rayaa ri kita.

Masmur 95:3

Maka i Pue inceʼe Pue Ala anu bangke kuasa, Mokole anu maroso mampariara pura-pura lamoa.