NEHEMIA 8:18 - Sura Magali Nuntu Ngkatuwu

¹⁸ Papitu ndeme kasaenya posusa ntau seʼe. Sandeme-sandeme bara tesangkuja ntila bangani Ncura mPadika i mPue Ala setu nabasa i Esira. Ri eo anu kaʼuayu ndapowia upacara pampapusa posusa, silulu pai songka mPadika setu.

NEHEMIA 8:18 Referans Kwoze

Pombilang 29:35

Ri eo anu kaʼuayu kami da mompasambaka da mangawianaka panyomba pai bareʼe maya motetala manee.

Yohanes 7:37

Ri eo ngkapusa posusa setu, inceʼemo anu ndatoʼo mata ncusa, mekakore woʼu i Yesu motuntu ri Banua i mPue marimbo oni nganga-A ndatoʼo, “Tau anu maranganganya ndikamaʼimo manginu ri Yaku.

TADUMPANYOMBA 23:41

Posusa setu sangaya-ngaya da ndiwianaka ri raya anu papitu ndeme. Songka setu sangaya-ngaya da nawianaka waʼa mulimi rantani masae-sae.

NEHEMIA 8:2

Roo setu natima i Esira sura setu nakeni ri suara ntau sondo, njau waʼa ntuama, weʼa pai ananggodi anumangkotomo marata ndaya padika setu.

NEHEMIA 8:3

Ungka lairia montepuʼu ungka ri mpowuro nakarataka ntongo ndeme i Esira mabasaka tau seʼe Padika setu. Napedongeka mpodago ntau seʼe bangani mPadika setu.