NEHEMIA 8:15 - Sura Magali Nuntu Ngkatuwu

¹⁵ Inceʼe painaka sandaya ngkota Yerusale, ri waʼa ngkota pai waʼa desa, naparata ntau seʼe songka setu, “Ndipalaimo ri buyu mongkodo nditimamo waʼa raʼa ngkaju cemara, saitu, puʼu ngkaju lana, koroma pai kaju ntaninya da ndipampowia kuani silulu pai songka anu lau ndaʼuki ri Sura mPadika.”

NEHEMIA 8:15 Referans Kwoze

TADUMPANYOMBA 23:40

Ri eo anu kaʼisa komi sangaya-ngaya da mampupu waʼa wua ngkaju anu madago mpodago ungka ri bondemi, ewanceʼe seʼe ira mpalima pai waʼa raʼa ngkaju anu marombo iranya, nepa ndatepuʼu posusa anu madoro da mangabangkei i Pue Ala puemi.

Ulang 16:16

Pura-pura tuama nto Isaraeli sangaya-ngaya da njoʼu manyomba ri Pue Ala puemi ri tampa anu roo ndapakanoto, tatogo ngkani ri raya anu santaʼu, inceʼemo ri Eo mPosusa Pasa, Eo mPosusa mPadungku pai ri Eo mPosusa mPokuani. Sambaʼa-sambaʼa tau da mangkeni panyombanya,

TADUMPANYOMBA 23:4

Inceʼemo waʼa eo bangke anu ndapakanoto i mPue anu sangaya-ngaya da ndipapaincanika waʼa nto Isaraeli ri tempo anu ndapakanoto.

Pangkita 7:9

Roo setu kumeole woʼu, nepa kukita tau anu maʼai ngkasondo imbanya – bereʼe tau anu mangkoto da maimba kasondonya! Tau seʼemo ungka ri sambaʼa-sambaʼa banca, lemba, negara pai basa. Rengko ntau seʼe juba mabuya pai mantangke ira ncoi, waʼa ntau sondo setu mekakore ri suara gadera mpoparenta pai mancuaraki i Ana Bimba setu.

Yohanes 12:13

Natima ntau seʼe ira mpalemi mangura nepa njoʼu natomu ntau seʼe i Yesu, seʼi manggora-nggora natoʼo, “Undemo i Pue Ala! Ndadoncomo Sira anu rata ri toʼo mPue! Ndadoncomo Mokole nto Isaraeli!”

Matius 21:1

Mosumo kota Yerusale, jelamo tau seʼe ri lipu Bepage ri puʼu buyu ngKaju Lana. Njairia ndapokau i Yesu anaguru-A radua da mesindiu.

Pomulanya 8:11

Ri kalauka ndeme mewalili tonci setu ri siʼa, mantanjua ira ngkaju lana anu da matapa. Seʼi-seʼi naincanimo i Noho kateloomo ue.

Sakharia 1:8

kukita malaʼeka i mPue mampelamba sambaʼa nyara mawaa. Meʼonto sira ri sambaʼa rato ri oyo waʼa mpuʼu ngkaju mire. Ndapotataliku, njau bara tesangkuja nyara ntaninya mekakore, reʼe anu mawaa, anu abu-abu pai anu mabuya.