NEHEMIA 8:10 - Sura Magali Nuntu Ngkatuwu

¹⁰ Seʼi-seʼi ndipewalilimo ri karodo ndayami ndipangkoni pai ndipanginu ri kawongko-wongko ndayami. Ndiwai santila pangkonimi pai anggoromi ri waʼa ntau anu megana katuwunya. Eo seʼi eo ndapatani tila mPueta, mewali neʼe masusa rayami. Wongko ndaya anu ndawai i mPue ri komi inceʼe anu da mampakaroso rayami.”

NEHEMIA 8:10 Referans Kwoze

PATADA 17:22

Penaa ndaya mangkeni kadonde ngkoro; kasusa ndaya mampakalente wuku.

TOPOTUNTU 9:7

Mewali, ndiʼiomo, pangkonimo pai pakawongkomo rayamu, inumo anggoro ri kawongko ndaya. I Pue Ala bareʼe mampetangani, inceʼe yau anu ndapokono.

Masmur 149:2

Ndikawongkomo ee to Isaraeli ua nau malaburu komi; ndikawongkami ee bangani Sioni ua Mokolemi!

Yesaya 61:10

Yerusale mangantoʼo, “Mawongko-wongko rayaku ua i Pue, madonde rayaku ua i Pue. Ewa tumpungkoro tuama pai weʼa ndapatakaka parewa ngkadolidi paka magaya, ewancetumo i Pue mampaporengkoka baju ngkatesorepaka pai penangi.

SETERI 9:19

Inceʼe puʼunya painaka waʼa nto Yahudi anu meari ri waʼa ngkota anu kodi mangaendo eo setu ri sampuyu pai aopo eo mbuya Adari, mewali eo kawongko ndaya, ri eo setu ndapareʼe posusa ngkawongko-wongko ndaya, mampombewaika pangkoni.

2 Korintus 8:2

Tau seʼe roo ndaʼuji ri mpengaya-ngaya kapari anu manee. Paikanya ri tongo ngkapari seʼe nakoto ntau seʼe mawongko raya pai mawai woʼu petulungi anu sondo mampelae tau ntaninya, mau tau seʼe woʼu tuwu ri kakaasi-asi kojo.

SETERI 9:22

Maka ri eo-eo setumo panganangi ntau seʼe waʼa iwali ntau seʼe, painaka kasusa pai kapari ndaya tebalisaka mewali kawongko ndaya pai kalindo ndaya. Inceʼe painaka tau seʼe sangaya-ngaya da mamposusaka waʼa eo setu, ri posusa pai polimbu mangkoni mampombewaika pangkoni pai mampotilaka kabuya ndaya ri waʼa ntau kaasi-asi.

TOPOTUNTU 3:13

Moruana kita pura-pura mangkoni pai manginu mampokawongko sili lengeta. Inceʼe pombai i mPue Ala.

TOPOTUNTU 2:24

Bereʼe anu meruu ngkadago ri tolino inceʼemo mangkoni, manginu mangampokawongko sili lengenya. Kurata ndaya pura-pura setu pombai i mPue Ala.

TOPOTUNTU 11:2

Dikamo doimu ri mpengaya-ngaya pobalu-balu; pepalimo gori ngkarianya. Maka tau madago moncoro-ncoro ri kabareʼepanya napere ngkapari.

Pilipi 3:4

Kamonconya yaku kukoto montanje ri waʼa mbawai ntolino setu. Maka ane reʼe tau anu maepe siʼa reʼe rosonya da montanje ri wawai ntolino, yakupa anu meruu.

Lukas 11:41

Ara banya bangani ntabo pai galasi setu anu da ndiwaika tau kaasi-asi. Ewanceʼemo da naka pura-pura mewali magali ri komi.

NGAYU I NCALOMO 5:1

Yaku maʼi ri bondeku, tuaʼi tumpu ngkoroku, kupasambaka mire pai waʼa rampaku; Kupipisi tingku uani pai juyuku, kuinu susu pai ue anggoroku.

TOPOTUNTU 5:18

Ane sambaʼa tau mantarima kakoreʼe pai aga-aga ungka ri Pue Ala, pai ri siʼa ndawai da mampoyoweka kakoreʼe setu, kamonconya siʼa sangaya-ngaya da montarima kase pai da mangampake mpengaya-ngaya wua mpotetalanya. Incetu seʼe pompai i mPue Ala.

YOELI 2:23

Ee waʼa ntau bangani ngkota Sioni ndipodoro-doro! Ndipakawongko rayami pai ndipanggoramo! ua waʼa ngkapuru ndaya i mPue Ala puemi. Maka ri turo mporeme, gana uja ndawaika komi. Ri turo ngkaranindinya ndapatudu uja ewanceʼe ri turo mpouja ewa biasanya.

Pangkita 11:10

Da mawongko raya waʼa bangani lino ua kapate ncabi radua setu. Da naposusaka ntau seʼe, pai da mombepakatu pombai, maka sabi anu radua setu mampareʼemo maria ngaya kapari ri waʼa ntau ri lino.

1 Samuel 25:8

Koisa ndipeoasi ri tau seʼe, sangaya-ngaya da napomonco anu kutoʼo seʼi. Mewali kuperapi da mabuya rayamu mantarima waʼa ntauku ri banuamu, maka tau seʼe rata ri eo mposusamu seʼi. Kuperapi da nuwaika waʼa ntauku pai yaku i Daudi balemu seʼi, nunjaa ntano anu mabuya rayamu da mawaika kami.”

NEHEMIA 8:11

Waʼa nto Lewi woʼu mampari-mpari mampalindo raya waʼa ntau sondo, natoʼka tau seʼe, “Neʼe boi masusa rayami ri eo anu ndapatani seʼi.”

NEHEMIA 8:12

Mewalilimo waʼa ntau sondo setu njoʼu mangkoni pai manginu pai mampotilaka pangkoni ri waʼa ntau ntaninya. Mawongko raya ntau seʼe maka narata ndayamo ntau seʼe posoki anu ndabasa anu nadonge ntau seʼe setu.

Sakharia 14:21

Pura-pura panci ri Yerusale pai samalele ntana Yahuda da ndapatani mewali anu i mPue Anu Makuasa. Waʼa ntau anu mampanyombaka panyomba da mampake napangalugai sanga mpinatuwu anu ndapanyombaka. Ane jelamo tempo setu, bareʼemo da reʼe topobalu-balu ri Banua i mPue Anu Makuasa.

1 RAJA-RAJA 8:66

Ri eo anu kaʼuayu nepa napokau i Salomo waʼa ntau setu mewalili. Tau seʼe pura-pura maunde siʼa nepa mewalili ri banuanya ri kawongko-wongko ndayanya, ua waʼa mpombai anu ndawaimo i mPue ri watua-A i Daudi sangkani pai waʼa ntau-A to Isaraeli.

1 Tawarikh 16:27

Sira nasalimbuti mpeawa pai kuasa kareʼe mpearia buke pai kuasa pai wongko ndaya.

Masmur 89:17

Rantani soyo reme tau seʼe mawongko-wongko raya pai maroso mpaliu ua kadago ndayami.

Yesaya 49:5

Ri kabareʼepanya ndapoana, yaku ndapeboo i mPue mewali watua-A, da mampasingkandomu waʼa ntaua to Isaraeli, da naka mewalili ri Sira tau seʼe. I Pue mampapewali yaku tetubunaka, Pue Ala inceʼe rosoku.