NEHEMIA 8:1 - Sura Magali Nuntu Ngkatuwu

¹ Ri wuya kapapitu to Isaraeli rodomo mempeari kotanya sambaʼa-sambaʼa seʼe. Ri sambaʼa eo mbuya setu tau seʼe pura-pura mompasambaka ri Yerusale ri soma anu ri suara Baa-Baa Ue. Tau seʼe mamperapi da naka Sura mPadika da natima i Tadu mPanyomba Esira, sambaʼa tau loʼe ri Padika anu ndawai i mPue ri to Isaraeli mampoliu i Musa.

NEHEMIA 8:1 Referans Kwoze

ESIRA 7:6

I Esira seʼi sambaʼa tau loʼe pai gana paincaninya kono Padika anu ndawai i mPue Ala pue nto Isaraeli ri Musa. Ua Esira ndadonco i mPue Ala puenya siʼa, painaka ndawai i datu ri siʼa nunjaa anu naperapi. Ri taʼu kapapitu poparenta i Datu Aritasata, malaimo i Esira ungka ri babeli njoʼu ri Yerusale sangkani-ngkani pai to Isaraeli anu sondo, karianya waʼa ntadu mpanyomba, to Lewi, topongayu pai topojaga baa-baa ri Banua i mPue sangkani pai topotetala.

2 Tawarikh 34:15

Natoʼo i Hilikia ri Sapani, “Yaku mangarata sura Waʼa mPadika i mPue ri raya Banua i mPue,” natonjuka i Sapani surat setu.

ESIRA 7:11

Ewaseʼi bangani sura ncongka i Datu Aritasata anu ndawaika i Esira, sambaʼa tadu mpanyomba anu loʼe ri Padika.

Matius 23:34

Ndipedongeka mpodago: Da kupokauka komi waʼa nabi, waʼa ntau loʼe, pai waʼa guru agama santila tau seʼe da ndipepate, pai santila ndipaku ri kaju. Reʼe anu da ndijeani ri raya banua mpekakai, santila anu ndiduduki ungka ri kota sambaʼa njoʼu ri kota anu ntaninya, pai ndiduduki mpaliu.

Matius 23:13

“Marugimo komi waʼa guru agama pai waʼa nto Parisi! Komi waʼa ntau anu topokira-kira. Komi anu mangaompo tau da mewali tau i mPue Ala. Komi ngkaliomi bareʼe ndipokono da mewali tau i mPue Ala, pai waʼa ntau anu da rayanya ndisalempori. [

Matius 23:2

“Waʼa guru agama pai waʼa nto Parisi marata kuasa mamposoki songka i Musa,

Matius 13:52

Nepa ndatoʼo i Yesu, “Inceʼe puʼunya waʼa guru agama anu mewalimo tau i mPue Ala, tau seʼe siwiamo ewa tumpu banua anu mampapesuwu pura-pura aga-aganya anu masae pai anu dawoʼu ungka ri kareʼenya.”

MALEAKI 4:4

Da ndiendomo waʼa pompaguru mbatua-Ku i Musa, endomo waʼa mpadika pai waʼa ncongka anu Kuwaika komi ri Buyu Sinai anu da nalulu nto Isaraeli pura-pura.

Yesaya 8:20

Da ndisonomo ewaseʼi, “Pedongeka nuntu i mPue! Tau anu mompau bareʼe silulu pai nuntu setu inceʼe bareʼe mampotumpu pampomata-mata.”

NEHEMIA 12:37

Karata ntau seʼe ri Baa-baa Wera, napilesaka ntau seʼe pelinja mepone ri eja bente ngKota i Daudi melempo ri langkanae i Daudi, nepa mewalili ri bente ri Baa-baa Ue tondo ri pebetea ngkota.

NEHEMIA 8:16

Njoʼumo kojo waʼa ntau setu mantima waʼa raʼa ngkaju setu. Napowia ntau seʼe kuani ri wawo ata banua ntau seʼe anu lene atanya, ri soma banuanya, ri soma anu ri suara Banua i mPue, ri tana lapa anu mosu ri Baa-Baa Ue pai ri tana lapa anu mosu ri Baa-Baa Eparai.

TADULAKO 20:8

Ewa ndakumando, liu-liu mekakore pura-pura waʼa ntau anu mompasambaka setu, mompau tau seʼe natoʼo, “Kita pura-pura anu reʼe ireʼi, bareʼe da reʼe anu mewalili ri kema bara banuanya.

TADULAKO 20:1

Ungka lairia, singkandomumo waʼa nto Isaraeli anu ungka ri Daa tondo utara pai anu ungka ri Beriseba tondo selata, ungka ri Gilea tondo pebetea ua mabangani pompeboo. Tau seʼe mompasambaka mompasambaʼa-mbaʼa ri Misipa ri suara i mPue.

2 Tawarikh 34:30

nepa njoʼu sangkani-ngkani tau seʼe ri Banua i mPue. Melulu woʼu ri tau seʼe waʼa ntadu mpanyomba, to Lewi pai waʼa ntau sondo, madago anu kaasi-asi madago anu koreʼe. Ri suara ntau seʼe pura-pura, mosu ri nono bangke anu ndapatani tila i mokole, mekakore i mokole, marimbo oni nganganya mabasa pura-pura bangani mpojanji anu ndarata ri raya Banua i mPue. Roo setu nepa napareʼe i mokole pojanji pai i Pue anu mantoʼo da pepoʼinayanya da mawianaka ri kaliogu ndayanya, ri gori mpangkoto ntanoananya, pura-pura songka pai waʼa mpadika i mPue, pai da mabangani nunjaa anu natoʼo mpojanji setu ri oyo i mPue pai tau-A ewa anu lau ndaʼuki ri sura setu.

ESIRA 7:10

I Esira setu lawi nakomatasi kojo pampegurunya waʼa mPadika i mPue, pai mawianaka pai mampepaguruka pura-pura songka pai anu ndapakanoto ri to Isaraeli.

NEHEMIA 8:3

Ungka lairia montepuʼu ungka ri mpowuro nakarataka ntongo ndeme i Esira mabasaka tau seʼe Padika setu. Napedongeka mpodago ntau seʼe bangani mPadika setu.

TADUMPANYOMBA 9:5

Pura-pura anu naperapi i Musa nakeni ntau seʼe ri suara Kema, pai pura-pura to Isaraeli mompasambaka njairia manyomba ri Pue.

Ulang 31:11

sangaya-ngaya da ndibasa waʼa mpadika seʼi, ndipakayosa oni ngangami da napadonge waʼa nto Isaraeli anu rata manyomba ri Pue Ala puemi ri tampa anu ndapakanoto.

2 RAJA-RAJA 23:2

Nepa njoʼu tau seʼe pura-pura sangkani-ngkani ri Banua i mPue, melulu woʼu waʼa ntadu mpanyomba, waʼa nabi pai waʼa ntau sondo madago anu kaasi-asi bara anu koreʼe. Mekakoremo i mokole ri suara ntau seʼe pura-pura nepa nabasa mpakarimbo bangani ncura mpojanji anu ndarata ri raya Banua i mPue. Roo setu napowia i Mokole pojanji ri Pue anu mantoʼo siʼa da mepoʼinaya ri Sira pai da mawianaka ri kaliogu ndayanya pai ri gori mpangkoto ntanoananya pura-pura songka pai waʼa mpadika-A. Mojanji woʼu i Mokole da mabangani pojanji ri Pue pai waʼa ntau silulu pai anu lau ndaʼuki ri raya ncura setu. Pura-pura waʼa mpalilinya woʼu mojanji da mepoʼinaya ri pojanji setu.

ESIRA 7:1

Motaʼu-taʼu kasaenya ungka njairia, ri tempo mpoparenta i Aritasata datu nto Parisia, reʼe sambaʼa tuama i Esira toʼonya, ungka ri muli nTadu mPanyomba Bangke Haruni. Ewaseʼi duruka anu mampomulika siʼa ndaimba waindeku: i Esira i Seraya i Asaria i Hilikia

NEHEMIA 12:26

Tau setu tuwu ri tempo i Yoyaki ana i Yesua makumpu Yosada ri tempo i Petoro Nehemia pai Tadu mPanyomba Esira anu loʼe ri Padika setu.