NEHEMIA 7:70 - Sura Magali Nuntu Ngkatuwu

^70-72 Mari tau anu mawai pombainya anu da ndapake ri pampakoroka Banua i mPue: ungka ri petoro: – 8 kilo wuyawa 50 mangko upacara 530 juba ntadu mpanyomba ungka ri tadulako ntau santina-santina seʼe: – 168 kilo wuyawa 1.250 kilo salaka ungka ri waʼa ntau ntaninya: – 168 kilo wuyawa 140 kilo salaka 67 juba ntadu mpanyomba

NEHEMIA 7:70 Referans Kwoze

NEHEMIA 8:9

Madonge pabasa Padika setu waʼa ntau sondo maʼai kojo kamawo ndayanya painaka matumangi tau seʼe. Inceʼe painaka natoʼo i Petoro Nehemia ri Tadu mPanyomba Esira sangkani pai waʼa nto Lewi anu montotoraka Padika setu ri waʼa ntau sondo, ewaseʼi: “Eo seʼi eo anu ndapatani tila i mPue Ala puemi, mewali neʼe mapari rayami pai motumangi.

Yeremia 52:19

Waʼa mparewa wuyawa pai salaka, tesua waa mangko anu masiwu pai kareʼe waʼa apu, waʼa mangko kareʼe mpadika daa mpinatuwu anu ndasambale da ndapanyombaka, kareʼe anu, witi ncilo, waʼa mangko anu dupa, waʼa mangko pantawa panyomba ue anggoro, pura naparuru i Nebusarada ngkalionya.

NEHEMIA 10:1

Tau anu kaʼisa madika bate mpale ri pojanji setu inceʼemo: i Petoro Nehemia ana i Hakaliya, nepa metondaraka i Sedekia, roo setu nepa metondaraka waʼa ntau ntaninya madika woʼu bate mpale:

NEHEMIA 7:65

I petoro ntana Yahuda mampetangani tau seʼe da mangkoni pangkoni anu ndapanyombaka ri Pue Ala, rantani reʼe sambaʼa tadu mpanyomba anu marata totoraka ungka ri Pue mampoliu Uri pai Tumi.

2 Tawarikh 4:11

I Hura anu mantadulakoni waʼa mpande setu mampowia mpengaya-ngaya parewa ewa waʼa ngkawali, sikopa pai waʼa ntabo mangko anu ndapake ri raya Banua i mPue setu silulu pai janjia ri Mokole Salomo. Waʼa mparewa setu inceʼemo: Radua nono bangke Radua woʼo nono anu motaʼa ewa mangko anu ndapataka ri wuntu nono radua setu. Rante ndaena anu ndapataka ri woʼo nono radua setu 400 turuki wua delima tambaga anu ndapapowuncu radua njuyu mantolili-mi rante ndaena ri wuntu nono setu 10 kareta 10 loya bangke Dula tambaga 12 japi tambaga anu mancuʼu dula bangke setu Waʼa ngkawali, waʼa sikopa pai saro-mpo Pura-pura parewa setu anu napowia i Hura da ndapake ri Banua i mPue setu, paka ungka ri tambaga anu ndapaese rantani makilaya. Pura-pura setu napowia i Hura silulu pai totoraka i Mokole Salomo.

1 Tawarikh 28:17

Totoraka kono kasangkujanya imba mbuyawa anu da ndapake ri pampowia sarompo, mangko pai waʼa ncere, kasondo ncalaka pai wuyawa anu da ndapake mampowia waʼa ntabo,

Posuwunya 24:6

Natima i Musa santila daa japi setu nabanganika waʼa ntabo mangko, santila woʼu nabubusika wawo lampaʼani.

Posuwunya 12:22

Nditimamo sauju ira nciro, ndiome ri raya ntabo kalau daa ana bimba setu nepa ndileroka tungka mbombo pai ri wawo dampo banuami. Rantani rata ri mowuro neʼe reʼe tau ri oyomi anu mesuwu ungka ri raya banua.